#Agriculture | ಯುವಕರಿಗೆ ಮಾದರಿಯಾದ ಈ ರೈತ | 3 ಎಕರೆ ತೋಟದಲ್ಲಿ 100 ವಿಭಿನ್ನ ಮಾವು ತಳಿ ಬೆಳೆಯುವ ರೈತ |

ಅಶುತೋಷ್ ಠಾಕೂರ್ ತಮ್ಮಂತೆಯೇ ಮಾವು ಬೆಳೆಯಲು ಇಷ್ಟ ಪಡುವ ರೈತರಿಗೆ ಅಗ್ಗದ ಬೆಲೆಯಲ್ಲಿ ಮಾವಿನ ಗಿಡಗಳನ್ನ ಮಾರಾಟ ಮಾಡುತ್ತಾರೆ. ಈಗ ಅವರು ಕೇವಲ 25 ರಿಂದ 60 ರೂಪಾಯಿಗಳಲ್ಲಿ ಜನರಿಗೆ ಉತ್ತಮವಾದ ಮಾವಿನ ಗಿಡಗಳನ್ನು ನೀಡುತ್ತಿದ್ದಾರೆ. ಜಿಲ್ಲೆಯ ಪ್ರತಿಯೊಬ್ಬರು ಮಾವು ಕೃಷಿ ಮಾಡಿ ಲಕ್ಷಗಟ್ಟಲೆ ಆದಾಯ ಗಳಿಸಬೇಕು ಎಂಬುದು ಅವರ ಆಶಯ.

ಇದರಿಂದ ಉದ್ಯೋಗವೂ ಹೆಚ್ಚುತ್ತದೆ. ಅವರ ಪ್ರಕಾರ, ಮಾಲ್ಡಾ ಎಂಬ ಮಾವು ಬಿಹಾರದಲ್ಲಿ ಬಹಳ ಪ್ರಸಿದ್ಧವಾಗಿದೆ, ಅದನ್ನು ಬೆಳೆಯುವುದರಿಂದ ರೈತರು ಲಕ್ಷಗಟ್ಟಲೇ ಗಳಿಸಬಹುದು. ಇದೇ ಕಾರಣಕ್ಕೆ ಮಾಲ್ಡಾದ ಮಾವಿನ ಗಿಡವನ್ನು ಅಗ್ಗವಾಗಿ ಮಾರಾಟ ಮಾಡುತ್ತಿದ್ದಾರೆ. ಕೇವಲ 5-6 ವರ್ಷಗಳಿಂದ ಕೃಷಿ ಮಾಡುತ್ತಿದ್ದು, ಉತ್ತಮ ಲಾಭ ಗಳಿಸುತ್ತಿದ್ದಾರೆ.

ಈ ರೈತ ನಮ್ಮ ಊರುಗಳಿಂದ ದೂರದಲ್ಲಿದ್ದರು, ಇದು ನಮಗೆಲ್ಲಾ ಮಾದರಿಯಾಗುವ ವರದಿ. ಕೇವಲ ನಮ್ಮ ಸಾಂಪ್ರದಾಯಿಕ ಬೆಳೆಯನ್ನು ಮಾತ್ರ ನಂಬದೇ, ಮಿಶ್ರ ಬೆಳೆ ಬೆಳಯುವುದರಿಂದ ಕೃಷಿಯಲ್ಲಿ ಆಗುವ ನಷ್ಟಗಳನ್ನು ಸರಿದೂಗಿಸಬಹುದು. ಕೇವಲ ಒಂದು ಬೆಳೆಯನ್ನು ನಂಬಿ ಬದುಕು ಕಟ್ಟಿಕೊಳ್ಳುವುದಕ್ಕಿಂತ ಈ ರೀತಿಯಾಗಿ ವಿವಿಧ ಬೆಳೆಗಳನ್ನು ಬೆಳೆದು ಸಂಪಾದನೆಯೂ, ಮಾನಸಿಕ ಖುಷಿಯೂ ಲಭ್ಯವಾಗಲು ಸಾಧ್ಯವಿದೆ.

(ಮೂಲ : ಜಾಲತಾಣ ಸಂಗ್ರಹ )