ರೂ.100 ರ ಗಡಿ ದಾಟಿದ ಟೊಮೆಟೊ ಬೆಲೆ…!

January 6, 2026

7:03 AM

ರೂರಲ್‌ ಮಿರರ್ ಸುದ್ದಿಜಾಲ

ಒಂದು ಕೆಜಿ ಟೊಮೆಟೊಗೆ 15-20 ರೂಪಾಯಿ ಇತ್ತು. ಆದರೆ 100 ಗಡಿ ದಾಟುತ್ತಿದ್ದಂತೆ ಗ್ರಾಹಕರು ಶಾಕ್ ಆಗಿದ್ದಾರೆ. ಚಿಕ್ಕಬಳ್ಳಾಪುರ ಮತ್ತು ಚಿಂತಾಮಣಿ ಮಾರುಕಟ್ಟೆಗಳಲ್ಲಿ ಟೊಮೆಟೊ ದರ ದಿಡೀರ್ ಏರಿಕೆಯಾಗಿದೆ. ಮಾರುಕಟ್ಟೆಗೆ ಬರುತ್ತಿರುವ ಟೊಮೆಟೊ ಪ್ರಮಾಣದಲ್ಲಿ ಭಾರೀ ಇಳಿಕೆಯಾಗಿರುವುದರಿಂದ ಈ ಬೆಲೆ ಏರಿಕೆಗೆ ಮುಖ್ಯ ಕಾರಣವಾಗಿದೆ ಎಂದು ಮೂಲಗಳು ತಿಳಿಸಿದೆ. ಕಳೆದ ಕೆಲ ದಿನಗಳವರೆಗೂ ಟೊಮೆಟೊ ದರ ಕುಸಿದಿತ್ತು. ಇದರಿಂದ ಬೆಳೆಗಾರರು ಕಂಗಾಲಾಗಿದ್ದರು. ಇದೀಗ ದಿಢೀರ್ ಏರಿಕೆ ಕಂಡಿದ್ದು, ಬೆಳೆಗಾರರಿಗೆ ಸಂತಸ ತರಿಸಿದೆ. ಈ ಬಾರಿ ಇಳುವರಿ ಬಂದ ಸಂದರ್ಭದಲ್ಲೇ ಬೆಳೆಗೆ ಉತ್ತಮ ಬೆಲೆ ಬಂದಿದೆ. ಟೊಮೆಟೋ ರೈತರಿಗೆ ಈ ಬಾರಿ ನೆಮ್ಮದಿ ಇದೆ.