ಉಕ್ರೇನ್ -ರಷ್ಯಾ ಯುದ್ಧ | ಫೇಸ್ಬುಕ್, ಟ್ವಿಟರ್ ಬ್ಯಾನ್ ಮಾಡಿದ ರಷ್ಯಾ |

March 5, 2022

9:31 AM

ಮಿರರ್‌ ಡೆಸ್ಕ್‌

ರಷ್ಯಾದಲ್ಲಿ ಫೇಸ್‌ಬುಕ್ ನಿಷೇಧಿಸಿದ್ದು, ಟ್ವಿಟ್ಟರ್‌ನ ಲಭ್ಯತೆಯನ್ನು ಸೀಮಿತಗೊಳಿಸುವ ಸಂಬಂಧ ಹಲವು ನಿರ್ಬಂಧ ಕ್ರಮಗಳನ್ನು ಪ್ರಕಟಿಸಿದೆ.ಉಕ್ರೇನ್ ನ ಮೇಲೆ ಯುದ್ಧ ಸಾರಿರುವ ಹಿನ್ನೆಲೆಯಲ್ಲಿ ನಕಲಿ ಸುದ್ದಿ ಹರಡುತ್ತಿರುವ ಆರೋಪದಲ್ಲಿ ಈ ಸಾಮಾಜಿಕ ಜಾಲತಾಣಗಳ ನಿರ್ಬಂಧಕ್ಕೆ ರಷ್ಯಾ ಮುಂದಾಗಿದೆ.

ಉಕ್ರೇನ್ ಸಂಘರ್ಷವನ್ನು ಯುದ್ಧ ಎಂದು ಬಿಂಬಿಸುತ್ತಿರುವ ಬಗ್ಗೆ ರಷ್ಯಾ ಪದೇ ಪದೇ ಆಕ್ಷೇಪ ವ್ಯಕ್ತಪಡಿಸುತ್ತಿದ್ದು, ಇದನ್ನು ವಿಶೇಷ ಮಿಲಿಟರಿ ಕಾರ್ಯಾಚರಣೆ ಎಂದು ಕರೆಯುವಂತೆ ಸೂಚಿಸಿದೆ. ರಷ್ಯಾ ಸೇನೆಯ ವಿರುದ್ಧ ಸುಳ್ಳು ಸುದ್ದಿ ಹರಡುವವರಿಗೆ 15 ವರ್ಷ ಜೈಲು ಶಿಕ್ಷೆ ವಿಧಿಸುವ ಮಸೂದೆಗೆ ಪುಟಿನ್ ಸಹಿ ಮಾಡಿದ್ದಾರೆ.