ಜೇನುಗೂಡುಗಳ ಕೊರತೆಯಿಂದ ಪರಾಗಸ್ಪರ್ಶ ವ್ಯವಸ್ಥೆ ಮೇಲೆ ಪರಿಣಾಮ ; ಕೃಷಿ ಕ್ಷೇತ್ರದಲ್ಲಿ ಆತಂಕ – ಆಹಾರ ಬೆಳೆ ಉತ್ಪಾದನೆಗೆ ಸಂಕಷ್ಟದ ಎಚ್ಚರಿಕೆ

ಜೇನುನೊಣಗಳನ್ನು ನಾಶಗೊಳಿಸುತ್ತಿರುವ “ವರೋವಾ ಮೈಟ್” (Varroa Mite) ಎಂಬ ಮಾರಕ ಪರಾವಲಂಬಿ ಕೀಟದ ಹಾವಳಿಯಿಂದ ಆಹಾರ ಬೆಳೆಗಳ ಉತ್ಪಾದನೆಗೆ ಗಂಭೀರ ಅಪಾಯ ಎದುರಾಗುವ ಸಾಧ್ಯತೆ ಇದೆ ಎಂದು ಆಸ್ಟ್ರೇಲಿಯಾದ ಹೊಸ ವರದಿಯೊಂದು ಎಚ್ಚರಿಕೆ ನೀಡಿದೆ.

2026ರ ಪರಾಗಸ್ಪರ್ಶ ಋತುವಿನ ವೇಳೆಗೆ ಸುಮಾರು 3 ಲಕ್ಷ ವಾಣಿಜ್ಯ ಜೇನುಗೂಡುಗಳ ಕೊರತೆ ಉಂಟಾಗುವ ಸಾಧ್ಯತೆ ಇದೆ ಎಂದು ವರದಿ ಅಂದಾಜಿಸಿದೆ. ಇದರಿಂದ ಆಸ್ಟ್ರೇಲಿಯಾದಲ್ಲಿ ಬಾದಾಮಿ, ಚೆರ್ರಿ, ಸೇಬು, ಅವಕಾಡೊ ಸೇರಿದಂತೆ ಅನೇಕ ತೋಟಗಾರಿಕಾ ಬೆಳೆಗಳ ಉತ್ಪಾದನೆ ಮೇಲೆ ಪರಿಣಾಮ ಬೀಳಬಹುದು.

ವರೋವಾ ಮೈಟ್ ಎಂಬ ಪರಾವಲಂಬಿ ಜೇನುನೊಣಗಳಿಗೆ ಅಂಟಿಕೊಂಡು ಅವುಗಳ ಆರೋಗ್ಯವನ್ನು ಹಾಳುಮಾಡುತ್ತದೆ. 2022ರಿಂದ ಆಸ್ಟ್ರೇಲಿಯಾದ ಹಲವು ಭಾಗಗಳಲ್ಲಿ ಈ ಕೀಟ ವೇಗವಾಗಿ ಹರಡುತ್ತಿದ್ದು, ಸಾವಿರಾರು ಜೇನುಗೂಡುಗಳು ನಾಶವಾಗಿವೆ. ಅನೇಕ ಜೇನು ಸಾಕಾಣಿಕೆದಾರರು ಹೆಚ್ಚುತ್ತಿರುವ ವೆಚ್ಚ ಹಾಗೂ ನಷ್ಟದ ಕಾರಣದಿಂದ ಉದ್ಯಮ ತೊರೆಯುವ ಪರಿಸ್ಥಿತಿಗೆ ಬಂದಿದ್ದಾರೆ.

ಜೇನುನೊಣಗಳು ಕೃಷಿಯಲ್ಲಿ ಅತ್ಯಂತ ಪ್ರಮುಖ ಪಾತ್ರ ವಹಿಸುತ್ತವೆ. ಆಸ್ಟ್ರೇಲಿಯಾದ ಕೃಷಿ ಉತ್ಪಾದನೆಯ ಸುಮಾರು ಮೂರರಲ್ಲಿ ಎರಡು ಭಾಗ ಪರಾಗಸ್ಪರ್ಶದ ಮೇಲೆ ಅವಲಂಬಿತವಾಗಿದ್ದು, ಜೇನುನೊಣಗಳ ಸಂಖ್ಯೆ ಕಡಿಮೆಯಾದರೆ ಬೆಳೆ ಉತ್ಪಾದನೆಯೂ ಕುಸಿಯುವ ಸಾಧ್ಯತೆ ಇದೆ ಎಂದು ತಜ್ಞರು ತಿಳಿಸಿದ್ದಾರೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ-ಹವಾಮಾನ ಬದಲಾವಣೆ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

ಈ ಸಂಕಷ್ಟವನ್ನು ಎದುರಿಸಲು ರಾಷ್ಟ್ರೀಯ ಮಟ್ಟದ ಪರಾಗಸ್ಪರ್ಶ ಭದ್ರತಾ ಯೋಜನೆ ರೂಪಿಸುವ ಕೆಲಸ ನಡೆಯುತ್ತಿದೆ. ಜೇನುನೊಣಗಳ ಸಂರಕ್ಷಣೆ ಮತ್ತು ಪರಾಗಸ್ಪರ್ಶ ವ್ಯವಸ್ಥೆಯ ಸುರಕ್ಷತೆ ಆಹಾರ ಭದ್ರತೆಗೆ ಅತ್ಯಗತ್ಯ ಎಂದು ವರದಿ ಒತ್ತಿ ಹೇಳಿದೆ.

Australia is facing fears of crop failures due to a severe shortage of honey bee hives caused by the spread of the deadly Varroa mite parasite. Experts warn that pollination services could fall short by nearly 300,000 hives during the peak season, threatening the production of almonds, apples, avocados and other crops.