ತಿರಸ್ಕೃತ ಮಾವು, ತೆಂಗಿನಿಂದಲೂ ಕೋಟಿ ಮೌಲ್ಯದ ಉದ್ಯಮ – ‘ಜೀರೋ ವೇಸ್ಟ್’ ಮಾದರಿ ರೈತರಿಗೆ ಹೊಸ ಆಶಾಕಿರಣ

ಮಾರುಕಟ್ಟೆಯಲ್ಲಿ ಗುಣಮಟ್ಟ ಕಡಿಮೆ ಅಥವಾ ಆಕಾರ-ಬಣ್ಣದ ಕಾರಣದಿಂದ ತಿರಸ್ಕೃತವಾಗುವ ಮಾವು ಮತ್ತು ತೆಂಗುಗಳು ಸಾಮಾನ್ಯವಾಗಿ ರೈತರಿಗೆ ನಷ್ಟದ ಕಾರಣವಾಗುತ್ತವೆ. ಆದರೆ ಇದೇ ‘ಗ್ರೇಡ್-ಬಿ’ ಉತ್ಪನ್ನಗಳನ್ನು ಮೌಲ್ಯವರ್ಧಿತ ಉತ್ಪನ್ನಗಳಾಗಿ ಪರಿವರ್ತಿಸಿ ಹೊಸ ಆದಾಯದ ಮೂಲವನ್ನಾಗಿ ಮಾಡುವ ‘ಜೀರೋ ವೇಸ್ಟ್’ (Zero Waste) ಮಾದರಿ ಇದೀಗ ಗಮನ ಸೆಳೆಯುತ್ತಿದೆ.

ಮಹಾರಾಷ್ಟ್ರ, ಕರ್ನಾಟಕ ಹಾಗೂ ತಮಿಳುನಾಡಿನ ಸುಮಾರು 350 ರೈತರೊಂದಿಗೆ ಕಾರ್ಯನಿರ್ವಹಿಸುತ್ತಿರುವ  ಐವಿನಿ ಎಂಬ ಸಂಸ್ಥೆಯೊಂದು ಗ್ರೇಡ್-ಬಿ ಮಾವುಗಳನ್ನು ಪಲ್ಪ್, ಪಾನೀಯಗಳು ಹಾಗೂ ಇತರೆ ಸಂಸ್ಕರಿತ ಉತ್ಪನ್ನಗಳಾಗಿ ಪರಿವರ್ತಿಸುತ್ತಿದೆ. ಅದೇ ರೀತಿ ತೆಂಗಿನಿಂದ ತೆಂಗಿನ ಹಾಲು, ತೆಂಗಿನ ಎಣ್ಣೆ ಉತ್ಪಾದಿಸಲಾಗುತ್ತಿದೆ. ಉಳಿದ ಉಪ ಉತ್ಪನ್ನಗಳಾದ ಸಿಪ್ಪೆ, ನಾರು ಹಾಗೂ ಚಿಪ್ಪುಗಳನ್ನು ಕೊಯರ್, ಚಾರ್ಕೋಲ್ ಮತ್ತು ಇತರೆ ಮೌಲ್ಯವರ್ಧಿತ ಉತ್ಪನ್ನಗಳಾಗಿ ಬಳಸಲಾಗುತ್ತಿದೆ.

ಐವಿನಿ ಸಂಸ್ಥೆಯ ಮಾಹಿತಿಯ ಪ್ರಕಾರ, ಸಂಗ್ರಹವಾಗುವ ಮಾವುಗಳಲ್ಲಿ ಸುಮಾರು 10-15% ಮತ್ತು ತೆಂಗುಗಳಲ್ಲಿ ಸುಮಾರು 30% ಉತ್ಪನ್ನಗಳು ಗ್ರೇಡ್-ಬಿ ಅಥವಾ ಹೆಚ್ಚುವರಿ ಉತ್ಪನ್ನಗಳಾಗಿರುತ್ತವೆ. ಇವುಗಳನ್ನು ತ್ಯಾಜ್ಯವಾಗಿ ಬಿಡದೇ ಸಂಸ್ಕರಿಸುವುದರಿಂದ ರೈತರಿಗೆ ಹೆಚ್ಚುವರಿ ಆದಾಯ ದೊರೆಯುವುದರ ಜೊತೆಗೆ ಆಹಾರ ತ್ಯಾಜ್ಯವೂ ಕಡಿಮೆಯಾಗುತ್ತಿದೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ-ಹವಾಮಾನ ಬದಲಾವಣೆ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

ಈ ಮಾದರಿಯಲ್ಲಿ ತಯಾರಾಗುವ ಮಾವು ಹಾಗೂ ತೆಂಗು ಆಧಾರಿತ ಉತ್ಪನ್ನಗಳಿಗೆ ಯುರೋಪ್ ಮತ್ತು ಯುಕೆಯ ಮಾರುಕಟ್ಟೆಗಳಲ್ಲಿ ಬೇಡಿಕೆ ಹೆಚ್ಚುತ್ತಿದ್ದು, ಮುಂದಿನ ದಿನಗಳಲ್ಲಿ ಅಮೆರಿಕ ಸೇರಿದಂತೆ ಇತರ ಉನ್ನತ ಮೌಲ್ಯದ ರಫ್ತು ಮಾರುಕಟ್ಟೆಗಳತ್ತ ವಿಸ್ತರಿಸುವ ಯೋಜನೆಯೂ ಇದೆ.

ರೈತರಿಗೆ ಪಾಠ ಏನು? :  ಮಾವು, ತೆಂಗು, ಹಲಸು, ಬಾಳೆ ಸೇರಿದಂತೆ ತೋಟಗಾರಿಕಾ ಬೆಳೆಗಳಲ್ಲಿ ಮಾರುಕಟ್ಟೆಗೆ ಅಯೋಗ್ಯವೆಂದು ತಿರಸ್ಕೃತವಾಗುವ ಉತ್ಪನ್ನಗಳನ್ನು ಮೌಲ್ಯವರ್ಧಿತ ಉತ್ಪನ್ನಗಳಾಗಿ ಪರಿವರ್ತಿಸಿದರೆ ರೈತರಿಗೆ ಹೆಚ್ಚುವರಿ ಆದಾಯ ಸಿಗಬಹುದು. ಕೃಷಿ ತ್ಯಾಜ್ಯವನ್ನೇ ಸಂಪತ್ತಾಗಿ ಪರಿವರ್ತಿಸುವ ಕೃಷಿ ಮಾದರಿಗಳು ಭವಿಷ್ಯದ ಕೃಷಿ ಉದ್ಯಮದ ಪ್ರಮುಖ ದಿಕ್ಕಾಗಬಹುದು.

A zero-waste business model is creating value from Grade-B mangoes and coconuts that are usually rejected due to cosmetic imperfections. By converting them into pulp, beverages, coconut milk, oil, coir, charcoal and other value-added products, farmers gain additional income while reducing food waste. The model is attracting growing demand in export markets such as Europe and the UK.