ಗಾಂಜಾ ಸಾಗಾಟ : ಅಯ್ಯನಕಟ್ಟೆಯ ಯುವಕನ ಬಂಧನ

ಸುಳ್ಯ: ಅಕ್ರಮವಾಗಿ ಗಾಂಜಾ ಸಾಗಾಟ ಮಾಡುತ್ತಿದ್ದ ಸಂದರ್ಭ  ಕುಂಬ್ರ ಸಮೀಪದ ತ್ಯಾಗರಾಜನಗರ ಎಂಬಲ್ಲಿ ಪುತ್ತೂರು ಗ್ರಾಮಾಂತರ ಠಾಣಾ ಪೊಲೀಸ್ ಉಪನಿರೀಕ್ಷಕರು ಹಾಗೂ ಸಿಬ್ಬಂದಿಗಳು ನಾಸಿರ್ ( 25) ಎಂಬುವವನನ್ನು ಬಂಧಿಸಿದ್ದಾರೆ.  ಬೊಲೆರೊ ವಾಹನದಲ್ಲಿ ಅಕ್ರಮವಾಗಿ ಗಾಂಜಾ ಸಾಗಾಟ ಮಾಡುತ್ತಿದ್ದ ಆರೋಪಿಯ ಹೆಸರು ನಾಸಿರ್ ಸುಳ್ಯ ತಾಲೂಕಿನ  ಅಯ್ಯನಕಟ್ಟೆ ಯ ನಿವಾಸಿ. ಬಂಧಿತನಿಂದ ಸುಮಾರು 4,000 ರೂ ಗಳ ಮೌಲ್ಯದ   200 ಗ್ರಾಂ ಗಾಂಜಾ ಹಾಗೂ ಸುಮಾರು 4,00,000 ಮೌಲ್ಯದ ಬೊಲೆರೊ ವಾಹನವನ್ನು ವಶಪಡಿಸಲಾಗಿದ್ದು,  ಈ ಬಗ್ಗೆ ಪುತ್ತೂರು ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ   ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.