ಕಳೆದ 6 ದಿನದಲ್ಲಿ 800 ಮಿಲಿ ಮೀಟರ್ ಮಳೆ…!

ಸುಳ್ಯ: ಇದುವರೆಗೆ ಇಂತಹದ್ದೊಂದು‌ ಮಳೆ ಕಾಣಲಿಲ್ಲ. ನಿರಂತರವಾಗಿ ಒಂದು ವಾರ ಸುರಿದ ಮಳೆ 800 ಮಿಲಿ‌ಮೀಟರ್ ಗಿಂತಲೂ ಅಧಿಕ..!. ಈ ರೀತಿ ಒಂದೇ ವಾರದಲ್ಲಿ ಹೀಗೆ ಮಳೆ ಸುರಿದಿಲ್ಲ ಎಂದು ಹಿರಿಯರು ನೆನಪಿಸುತ್ತಾರೆ.

ಕಳೆದ 6 ದಿನಗಳಿಂದ ಸತತವಾಗಿ ಕೆಲವು ಕಡೆ 100 ಮಿಮೀ ಮಳೆ ದಾಟಿದೆ. ಕೆಲವು ಕಡೆ ಕೊಂಚ ಹೆಚ್ಚು ಕಡಿಮೆ ಇದೆ.  ಇಂದು ಕೊಲ್ಲಮೊಗ್ರದಲ್ಲಿ  104 ಮಿಮೀ ,ಕಲ್ಲಾಜೆಯಲ್ಲಿ  101 ಮಿಮೀ , ಗುತ್ತಿಗಾರಿನಲ್ಲಿ  90 ಮಿಮೀ ಹಾಗೂ ಬಾಳಿಲದಲ್ಲಿ  105 ಮಿಮೀ ಮಳೆಯಾಗಿದೆ.

ಕಳೆದ ವರ್ಷ ಇದೇ ದಿನದಿಂದ ಭಾರೀ ಮಳೆ ಆರಂಭವಾಗಿತ್ತು. ಅಂದು ಆರಂಭದ ದಿನ 83 ಮಿಮೀ ಮಳೆಯಾಗಿತ್ತು.