ಕೊರೊನಾ ಲಾಕ್ಡೌನ್ -3 | ಮೇ.17 ರವರೆಗೆ ಲಾಕ್ಡೌನ್ ಮುಂದುವರಿಕೆ | ಕೇಂದ್ರ ಗೃಹ ಸಚಿವಾಲಯದಿಂದ ವಿಸ್ತರಣೆ ಆದೇಶ

ನವದೆಹಲಿ: ಮೇ.3 ರಂದು ಮುಗಿಯಲಿದ್ದ ಕೊರೊನಾ ಲಾಕ್ಡೌನ್ 2.0 ಮುಂದುವರಿಸಲಾಗಿದೆ. ಲಾಕ್ಡೌನ್  ಮೇ 17 ರವರೆಗೂ ವಿಸ್ತರಿಸಿ ಕೇಂದ್ರ  ಸರಕಾರ ಅಧಿಕೃತ ಆದೇಶ ಹೊರಡಿಸಿದೆ.ಲಾಕ್ಡೌನ್-3 ಕ್ಕೆ ಸಂಬಂಧಿಸಿ ಹೊಸದಾದ ಗೈಡ್ ಲೈನ್ ಕೂಡಾ ಇದೇ ವೇಳೆ ಸೂಚಿಸಲಾಗಿದೆ.

ಕೇಂದ್ರ ಗೃಹ ಸಚಿವಾಲಯ ಇದೀಗ ಕೊರೋನಾ ಲಾಕ್ಡೌನ್ ಅನ್ನು ವಿಸ್ತರಿಸಿದ್ದು ಈ ಬಾರಿ 3 ವಿಭಾಗ ಮಾಡಿದೆ.  ಈಗಾಗಲೇ ಘೋಷಣೆ ಮಾಡಿರುವ ಮೂರು ಝೋನ್ ಗಳನ್ನೇ ಪರಿಗಣಿಸಲಾಗಿದೆ. ಹೀಗಾಗಿ ಈ ಬಾರಿ ಆರೆಂಜ್ ಹಾಗೂ ಗ್ರೀನ್ ಝೋನ್ ಗಳಲ್ಲಿ  ನಿಯಮಗಳಲ್ಲಿ  ಕೆಲ ಸಡಿಲಿಕೆ ಮಾಡಲಾಗಿದೆ. ರೆಡ್ ಝೋನ್ ಅಥವಾ ಹಾಟ್ ಸ್ಫಾಟ್ ಗಳಲ್ಲಿ  ಎಂದಿನಂತೆ ಲಾಕ್ಡೌನ್ ನಿಯಮ ಪಾಲನೆಯಾಗಲಿದೆ ಎಂದು ಆದೇಶದಲ್ಲಿ  ತಿಳಿಸಲಾಗಿದೆ.