ಬಳ್ಪ ಗ್ರಾಮದಲ್ಲಿ 40 ಲಕ್ಷ ರೂಪಾಯಿ ಅನುದಾನದ ವಿವಿಧ ಯೋಜನೆಗಳ ಕಾಮಗಾರಿಗೆ ಚಾಲನೆ

ಬಳ್ಪ: ಬಳ್ಪ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ವಿವಿಧ ಯೋಜನೆಯಡಿ  ನಡೆಯುವ ಕಾಮಗಾರಿಗಳಿಗೆ ಸೋಮವಾರ ಶಾಸಕ ಅಂಗಾರ ಚಾಲನೆ ನೀಡಿದರು.

15 ನೇ ಹಣಕಾಸು ಅನುದಾನದಲ್ಲಿ 30.87 ಲಕ್ಷ ರೂಪಾಯಿ ಅನುದಾನ ,4 ಲಕ್ಷ ರೂಪಾಯಿ ಅಭಿವೃದ್ದಿ ಅನುದಾನ , 6.60 ಲಕ್ಷ ರೂಪಾಯಿ ಪಂಚಾಯತ್ ಸ್ವಂತ ಅನುದಾನದಲ್ಲಿ  ನಡೆಯುವ ವಿವಿಧ ಅಭಿವೃದ್ದಿ ಕಾರ್ಯಗಳಿಗೆ ಶಾಸಕ ಅಂಗಾರ ಚಾಲನೆ ನೀಡಿದರು.  ಇದೇ ಸಂದರ್ಭ ಎನ್ ಆರ್ ಎಂ ಯೋಜನೆಯಲ್ಲಿ  ಮಹಿಳೆಯರ ಸ್ವಾವಲಂಬನೆಗಾಗಿ ನಿರ್ಮಾಣಗೊಂಡ ಕಟ್ಟಡ ಉದ್ಘಾಟನೆ ನಡೆಯಿತು.

ಈ ಸಂದರ್ಭ ಗ್ರಾಪಂ ಅದ್ಯಕ್ಷ ಪ್ರಕಾಶ್ ಮೂಡ್ನೂರು,  ತಾಪಂ ಸದಸ್ಯ ಅಶೋಕ್ ನೆಕ್ರಾಜೆ, ಪಂಜ ಸಹಕಾರಿ ಬ್ಯಾಂಕ್ ಅಧ್ಯಕ್ಷ ಸುಬ್ರಹ್ಮಣ್ಯ ಕುಳ, ಗ್ರಾಪಂ ಸದಸ್ಯ ವಿನೋದ್ ಬೊಳ್ಮಲೆ , ಭಾಸ್ಕರ , ರಮಾನಂದ ಎಣ್ಣೆಮಜಲು ಮೊದಲಾದವರು ಇದ್ದರು.