ರಾಜ್ಯಾದ್ಯಂತ ಶಿಕ್ಷಕರ ಪ್ರತಿಭಟನೆ : ಸುಳ್ಯದಲ್ಲೂ ಕೆಲವು ಶಾಲೆಗಳಲ್ಲಿ ಪಾಠವಿಲ್ಲ..!

ಸುಳ್ಯ: ಪ್ರಾಥಮಿಕ ಶಾಲಾ ಶಿಕ್ಷಕರ ವಿವಿಧ ಬೇಡಿಕೆ ಈಡೇರಿಕೆಗೆ ಒತ್ತಾಯಿಸಿ ರಾಜ್ಯದ  ಎಲ್ಲಾ ಜಿಲ್ಲಾ ಕೇಂದ್ರಗಳಲ್ಲಿ  ಪ್ರತಿಭಟನೆ ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ  ಸುಳ್ಯ ತಾಲೂಕಿನಿಂದಲೂ ಹಲವು ಶಿಕ್ಷಕರು ಸಾಮೂಹಿಕ ರಜೆ ಹಾಕಿ ಪ್ರತಿಭಟನೆಗೆ ತೆರಳಿದ ಹಿನ್ನೆಲೆಯಲ್ಲಿ  ಕೆಲವು ಶಾಲೆಗಳ ಬೀಗ ತೆರೆಯಲಿಲ್ಲ. ಆದರೆ ಅತಿಥಿ ಶಿಕ್ಷಕರು ಶಾಲೆಗೆ ಆಗಮಿಸಿ ಪಾಠ ಹಾಗೂ ಮಕ್ಕಳ ಸುರಕ್ಷತೆ ಕಡೆಗೆ ಗಮನನೀಡುತ್ತಾರೆ. ಪಾಠಪ್ರವಚನಗಳು ಮಾತ್ರಾ ನಡೆಯುತ್ತಿಲ್ಲ.