ಲಾಕ್ಡೌನ್ ಅಪ್ಡೇಟ್ | ದೇಶದಲ್ಲಿ 24 ಗಂಟೆಯಲ್ಲಿ 773 ಪ್ರಕರಣ | ರಾಜ್ಯದಲ್ಲಿ ಒಟ್ಟು 181 ಪ್ರಕರಣ |

ದೇಶದಲ್ಲಿ ಕಳೆದ 24 ಗಂಟೆಗಳ ಅವಧಿಯಲ್ಲಿ  773 ಜನರಲ್ಲಿ ಕೊರೊನಾ ವೈರಸ್ ಸೋಂಕು ಪತ್ತೆಯಾಗಿದೆ.  ಈ ಮೂಲಕ ಒಟ್ಟು 5194 ಕ್ಕೆ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ ಏರಿಕೆಯಾಗಿದೆ ಎಂದು ಆರೋಗ್ಯ ಇಲಾಖಾ ಮಾಹಿತಿ ತಿಳಿಸಿದೆ.

ಇದೇ ವೇಳೆ ಕರ್ನಾಟಕದಲ್ಲಿ ಬುಧವಾರ ಮತ್ತೆ 6 ಹೊಸ ಕೊರೊನಾ  ಪಾಸಿಟಿವ್ ಪ್ರಕರಣಗಳು ದಾಖಲಾಗಿದೆ. ಈ ಮೂಲಕ ರಾಜ್ಯದಲ್ಲಿ  181 ಕ್ಕೆ ಏರಿಕೆಯಾಗಿದೆ ಎಂದು ರಾಜ್ಯ ಆರೋಗ್ಯ ಇಲಾಖೆಯ ಹೆಲ್ತ್ ಬುಲೆಟಿನ್ ತಿಳಿಸಿದೆ.

ಪ್ರಪಂಚದಲ್ಲಿ  ಕೊರೊನಾ ವೈರಸ್ ಸೋಂಕು ಬಾಧಿತರ ಸಂಖ್ಯೆ 15 ಲಕ್ಷ ದಾಟಿದ್ದು ಒಟ್ಟು ಮೃತರ ಸಂಖ್ಯೆ  80 ಸಾವಿರ ದಾಟಿದೆ. ಅಮೆರಿಕದಲ್ಲಿ ಒಂದೇ ದಿನ 2000 ಮಂದಿ ಮೃತಪಟ್ಟಿದ್ದು ಇಡೀ ಅಮೇರಿಕಾವೇ  ಈಗ ಮಹಾಮಾರಿಗೆ ಕಂಗಾಲಾಗಿದೆ.