ಬರ್ಮಾ ಅಡಿಕೆ | ಮಿಜೋರಾಂನಲ್ಲಿ 8000 ಕೆಜಿ ಬರ್ಮಾ ಅಡಿಕೆ ವಶಕ್ಕೆ ಪಡೆದ ಅಸ್ಸಾಂ ರೈಫಲ್ಸ್

ಕಸ್ಟಮ್ಸ್ ಹಾಗೂ  ಅಸ್ಸಾಂ ರೈಫಲ್ಸ್ ತಂಡವು ಮಿಜೋರಾಂನ ಚಂಫೈನಲ್ಲಿ 8000 ಕೆಜಿ ಅಕ್ರಮ ಅಡಿಕೆ ಸಾಗಾಟ ಪ್ರಕರಣವನ್ನು ಪತ್ತೆ ಮಾಡಿದೆ. ಈ ಮೂಲಕ ಬರ್ಮಾ ಅಡಿಕೆ ಕಳ್ಳಸಾಗಾಣಿಕೆಯು ನಿರಂತರವಾಗಿ ನಡೆಯುತ್ತಿರುವುದು ಮತ್ತೆ ಬೆಳಕಿಗೆ ಬಂದಿದೆ.  ಅಸ್ಸಾಂ ರೈಫಲ್ಸ್, ಕಸ್ಟಮ್ಸ್ ಪ್ರಿವೆಂಟಿವ್ ಫೋರ್ಸ್‌ ಜಂಟಿಯಾಗಿ ಚಂಫೈ ಜಿಲ್ಲೆಯಲ್ಲಿ ಸುಮಾರು 56 ಲಕ್ಷ ಮೌಲ್ಯದ 8,000 ಕೆಜಿ  ಅಡಿಕೆ ಸಾಗಾಟವನ್ನು ಪತ್ತೆ ಮಾಡಿದೆ. ಖಚಿತ ವರ್ತಮಾನದ ಮೇರೆಗೆ ಕಾರ್ಯಾಚರಣೆಯನ್ನು ತಂಡವು ಯಶಸ್ವಿಯಾಗಿ ನಡೆಸಿದೆ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.