ಅಸ್ಸಾಂ ರೈತರು ಕಾಳುಮೆಣಸು ಬೆಳೆ ಕಡೆ ಮುಖ – ಆದಾಯ ಹೆಚ್ಚಿಸುವ ಪ್ರಯೋಗ

ಅಸ್ಸಾಂ ರಾಜ್ಯದ ಸಣ್ಣ ಚಹಾ ಬೆಳೆಗಾರರು ಇತ್ತೀಚೆಗೆ ಕರಿಮೆಣಸು ಬೆಳೆಯತ್ತ ಮುಖಮಾಡುತ್ತಿರುವುದು ಗಮನಾರ್ಹ ಬೆಳವಣಿಗೆಯಾಗಿದೆ. ಚಹಾ ಬೆಳೆಯಿಂದ ಲಾಭ ಕಡಿಮೆಯಾಗುತ್ತಿರುವುದು, ಉತ್ಪಾದನಾ ವೆಚ್ಚ ಹೆಚ್ಚುತ್ತಿರುವುದು ಹಾಗೂ ಮಾರುಕಟ್ಟೆ ಬೆಲೆಯಲ್ಲಿ ಅಸ್ಥಿರತೆ ಎದುರಾಗುತ್ತಿರುವ ಹಿನ್ನೆಲೆಯಲ್ಲಿ ರೈತರು ಪರ್ಯಾಯ ಆದಾಯ ಮೂಲಗಳನ್ನು ಹುಡುಕುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಕಾಳುಮೆಣಸು ಕೃಷಿಯತ್ತ ಮುಖ ಮಾಡಿದ್ದಾರೆ. ಕೃಷಿಯಲ್ಲಿ ಪರ್ಯಾಯ ಆದಾಯವೂ ಮುಖ್ಯ ಎನ್ನುವುದಕ್ಕೆ ಇದೊಂದು ಸಾಕ್ಷಿಯಾಗಿದೆ.

ಚಹಾ ಬೆಳೆಯಿಂದ ಲಾಭ ಕಡಿಮೆಯಾಗುತ್ತಿರುವ ಹಿನ್ನೆಲೆಯಲ್ಲಿ, ಚಹಾ ತೋಟಗಳಲ್ಲಿರುವ ಮರಗಳನ್ನು ಆಧಾರವಾಗಿ ಬಳಸಿಕೊಂಡು ಕಾಳುಮೆಣಸು ಬೆಳೆ ಬೆಳೆಸುವ ಹೊಸ ಮಾದರಿಯನ್ನು ರೈತರು ಅನುಸರಿಸುತ್ತಿದ್ದಾರೆ. ಇದರಿಂದ ಹೆಚ್ಚುವರಿ ಭೂಮಿಯ ಅಗತ್ಯವಿಲ್ಲದೆ, ಅದೇ ತೋಟದಲ್ಲಿ ಎರಡನೇ ಆದಾಯ ಮೂಲವನ್ನು ಸೃಷ್ಟಿಸಬಹುದು ಎಂಬುದು ರೈತರ ಅಭಿಪ್ರಾಯವಾಗಿದೆ.

ಅಸ್ಸಾಂನಲ್ಲಿ ಕಾಳುಮೆಣಸು ಬೆಳೆ ಕಡಿಮೆ ವೆಚ್ಚದಲ್ಲಿ ಬೆಳೆಯಬಹುದಾಗಿದ್ದು, ಮಾರುಕಟ್ಟೆಯಲ್ಲಿ ಉತ್ತಮ ಬೆಲೆ ಸಿಗುವ ಕಾರಣ ರೈತರಿಗೆ ಇದು ಲಾಭದಾಯಕ ಆಯ್ಕೆಯಾಗಿ ಪರಿಣಮಿಸಿದೆ.  ಸ್ಥಳೀಯ ತಜ್ಞರ ಪ್ರಕಾರ, ಈ ರೀತಿಯ ಮಿಶ್ರ ಬೆಳೆ ಪದ್ಧತಿ  ರೈತರಿಗೆ ದೀರ್ಘಾವಧಿಯಲ್ಲಿ ಆದಾಯ ಸ್ಥಿರತೆ ನೀಡುವುದರ ಜೊತೆಗೆ, ಕೃಷಿಯಲ್ಲಿ ವೈವಿಧ್ಯತೆ ತರಲು ಸಹಕಾರಿ ಆಗಲಿದೆ.

ಅಸ್ಸಾಂ ರಾಜ್ಯವು ಭಾರತದಲ್ಲಿ ಚಹಾ ಉತ್ಪಾದನೆಯಲ್ಲಿ ಪ್ರಮುಖ ಸ್ಥಾನದಲ್ಲಿದ್ದು, ಸಾವಿರಾರು ಸಣ್ಣ ರೈತರು ಈ ಕ್ಷೇತ್ರದ ಮೇಲೆ ಅವಲಂಬಿತರಾಗಿದ್ದಾರೆ. ಇದೀಗ ಈ ಹೊಸ ಪ್ರಯೋಗ ಯಶಸ್ವಿಯಾದರೆ ಅಸ್ಸಾಂ ಕೂಡಾ ಕಾಳುಮೆಣಸು ಕೃಷಿಯಲ್ಲಿ ವಿಶೇಷ ಸಾಧನೆ ಮಾಡಲಿದೆ ಎಂದು ತಜ್ಞರು ಹೇಳುತ್ತಾರೆ.

ದೇಶದಲ್ಲಿನ ಹವಾಮಾನ ಅಸ್ಥಿರತೆ ಹಾಗೂ ಮಾರುಕಟ್ಟೆ ವ್ಯವಸ್ಥೆಯ ಕಾರಣದಿಂದ ಕೃಷಿಕರಿಗೆ ಇಂದು ಪರ್ಯಾಯ ಬೆಳೆ ಅಥವಾ ಉಪ ಬೆಳೆಗಳ ಅಗತ್ಯತೆ ಹೆಚ್ಚಾಗುತ್ತದೆ.

Small tea growers in Assam are turning to black pepper cultivation as an additional income source due to low profitability in tea farming. Intercropping pepper in tea plantations is emerging as a sustainable and profitable model.