ಒಂಟೆಯ ಹಾಲು, ಮಾಂಸ ಜೊತೆಗೆ ಕಣ್ಣೀರಿಗಿದೆ ಲಕ್ಷ ಲಕ್ಷ ಬೆಲೆ..! | ಹಾವು ಕಚ್ಚಿದರೆ ಮನುಷ್ಯರ ಜೀವ ಉಳಿಸುವ ಶಕ್ತಿ ಇದೆಯಂತೆ..! |

ಅತ್ತೆಗೊಂದು ಕಾಲ. ಸೊಸೆಗೊಂದು ಕಾಲ…. ಅದ್ಯಾರ್ಯಾರಿಗೆ ಯಾವಾಗ ಕಾಲ ಬರುತ್ತೋ ಗೊತ್ತಾಗಲ್ಲ. ಈಗ ಒಂಟೆಯ(Camel) ಕಾಲ. ಒಂಟೆ ಬಹುಪಯೋಗಿ ಪ್ರಾಣಿ. ಮರುಭೂಮಿಯ ವಾಹನ(Desert Vehicle).. ಅದರಲ್ಲೂ ಅರಾಬ್‌ ದೇಶಗಳಲ್ಲಿ(Arab Countries) ಒಂಟೆಯನ್ನು ನಾವು ದನ, ಎತ್ತು ಸಾಕಿದ ರೀತಿಯಲ್ಲಿ ಸಾಕುತ್ತಾರೆ. ಒಂಟೆಯ ಹಾಲು(Camel Milk), ಮಾಂಸ(Meat) ಬಹಳ ಉಪಯೋಗಿ ಅನ್ನೋದು ನಮಗೆಲ್ಲಾ ತಿಳಿದಿದೆ. ಇದೀಗ ಒಂಟೆಯ ಕಣ್ಣೀರು ಲಕ್ಷಾಂತರ ರೂಪಾಯಿಗೆ ಬೆಲೆ ಬಾಳುತ್ತೆ ಅಂತೆ…! ಒಂಟೆಯ ಕಣ್ಣೀರಿಗೆ ಈಗ ಮಾರುಕಟ್ಟೆಯಲ್ಲಿ ಬೇಡಿಕೆ ಇದೆ.

ಒಂಟೆಯ ಕಣ್ಣೀರಿಗೆ(Tears of Camels) ಜೀವ ಉಳಿಸುವ ಶಕ್ತಿ ಇದೆ ಎಂದು ಸಂಶೋಧನೆಯೊಂದು ಹೇಳಿದೆ. ಅಪಾಯಕಾರಿ ಹಾವಿನ ವಿಷವವನ್ನು ನಿಷ್ಕ್ರೀಯಗೊಳಿಸುವ ಶಕ್ತಿ ಅದರಲ್ಲಿ ಪತ್ತೆಯಾಗಿದ್ದು, ಭವಿಷ್ಯದಲ್ಲಿ ಜನರ ಜೀವ ಉಳಿಸಲು ಇದು ತುಂಬಾ ಉಪಯುಕ್ತವಾಗಿದೆ ಎಂದು ಹೇಳಲಾಗಿದೆ. ಪ್ರಪಂಚದಾದ್ಯಂತ, ಹಾವು ಕಡಿತದಿಂದ ಪ್ರತಿ ವರ್ಷ ಸುಮಾರು 1.25 ಲಕ್ಷ (1,25,000) ಜನರು ಸಾಯುತ್ತಾರೆ. ಹಾವು ತುಂಬಾ ವಿಷಕಾರಿಯಾಗಿದ್ದರೆ ಅದರಿಂದ ಕಚ್ಚಿದ ಯಾವುದೇ ವ್ಯಕ್ತಿ ಬದುಕಲು ಸಾಧ್ಯವಿಲ್ಲ.

ಹಾವಿನ ವಿಷದ ವಿರುದ್ಧ ಹೋರಾಡಲು ಒಂಟೆ ಕಣ್ಣೀರು ಉಪಯುಕ್ತವಾಗಿದೆ ಎಂದು ಯಾವುದೇ ಸಂಶೋಧನೆ ತೋರಿಸಿದರೆ, ಇದಕ್ಕಿಂತ ಉತ್ತಮವಾದದ್ದು ಬೇರೇನಿದೆ ಅಲ್ವಾ? ಸಂಶೋಧನೆಯ ಬಳಿಕ, ದುಬೈನ ಸೆಂಟ್ರಲ್ ವೆಟರ್ನರಿ ರಿಸರ್ಚ್ ಲ್ಯಾಬೊರೇಟರಿ (CVRL) ಒಂಟೆ ಕಣ್ಣೀರಿನ ಮೂಲಕ ಹಾವಿನ ವಿಷವನ್ನು ನಿಷ್ಕ್ರೀಯಗೊಳಿಸಲು ಪ್ರತಿವಿಷವನ್ನು ತಯಾರಿಸಬಹುದು ಎಂದು ಹೇಳಿಕೊಂಡಿದೆ.

ದುಬೈನಲ್ಲಿರುವ ಈ ಲ್ಯಾಬ್‌ನಲ್ಲಿ ಈ ಸಂಶೋಧನೆಯನ್ನು ಹಲವು ವರ್ಷಗಳ ಹಿಂದೆ ಮಾಡಲಾಗಿದ್ದರೂ, ಹಣದ ಕೊರತೆಯಿಂದ ಇದನ್ನು ಮುಂದುವರಿಸಲು ಸಾಧ್ಯವಾಗಿರಲಿಲ್ಲ. ಆದರೆ ಈಗ ಸಿವಿಆರ್‌ಎಲ್‌ಗೆ ಹಣದ ವ್ಯವಸ್ಥೆ ಮಾಡಲಾಗುವುದು ಮತ್ತು ಅವರ ಯೋಜನೆಯು ಮುಂದುವರಿಯಲು ಸಾಧ್ಯವಾಗುತ್ತದೆ ಎಂದು ಸ್ಥಳೀಯ ಸಂಸ್ಥೆ ಭರವಸೆ ನೀಡಿದೆ.ಒಂಟೆಯ ಕಣ್ಣೀರಿನಲ್ಲಿರುವ ಪ್ರತಿವಿಷಗಳು ಹಾವಿನ ವಿಷವನ್ನು ಅತ್ಯಂತ ಪರಿಣಾಮಕಾರಿ ರೀತಿಯಲ್ಲಿ ಕತ್ತರಿಸುವ ಅತ್ಯಂತ ಪರಿಣಾಮಕಾರಿ ಔಷಧವನ್ನು ತಯಾರಿಸುವುದರಲ್ಲಿ ಸಂದೇಹವಿಲ್ಲ ಎನ್ನುತ್ತಾರೆ ಈ ಸಂಶೋಧನಾ ಕೇಂದ್ರದ ಮುಖ್ಯಸ್ಥ ಡಾ.ವಾರ್ನರ್. ಜಗತ್ತಿನಲ್ಲಿ, ಹಾವಿನ ವಿಷವನ್ನು ಕಡಿಮೆ ಮಾಡಲು ಔಷಧವನ್ನು ಕುದುರೆ ಮತ್ತು ಕುರಿಗಳಿಂದ ತಯಾರಿಸಲಾಗುತ್ತದೆ.