ಹಲಸಿನಂತೆಯೇ ಕಾಣುವ ಈ ಹಣ್ಣು ನಿಮಗೆ ಗೊತ್ತೇ?

ಕರ್ನಾಟಕ ಸೇರಿದಂತೆ ದಕ್ಷಿಣ ಭಾರತದ ಹಲವು ಭಾಗಗಳಲ್ಲಿ ಪರಿಚಿತವಾಗಿರುವ ಹಲಸಿನ ಹಣ್ಣಿನಂತೆಯೇ ಕಾಣುವ ಚೆಂಪೆಡಕ್, ರುಚಿ ಮತ್ತು ಸುವಾಸನೆಯಷ್ಟೇ ಅಲ್ಲದೆ ಹಲವು ಅಂಶಗಳನ್ನು ಹೊಂದಿರುವ ಉಷ್ಣವಲಯದ ಹಣ್ಣಾಗಿದೆ. ಸಂಶೋಧನೆಗಳಲ್ಲಿ ಈ ಹಣ್ಣಿನ ತಿರುಳು, ಬೀಜ ಮತ್ತು ಇತರ ಭಾಗಗಳಲ್ಲಿ ವಿವಿಧ ಫಿನಾಲಿಕ್‌ ಸಂಯುಕ್ತಗಳು, ಫ್ಲೇವನಾಯ್ಡ್‌ಗಳು ಹಾಗೂ ಇತರ ಸಸ್ಯರಾಸಾಯನಿಕಗಳು ಇರುವುದಾಗಿ ವರದಿಯಾಗಿದೆ.

ಚೆಂಪೆಡಕ್ Artocarpus integer ಎಂಬ ವೈಜ್ಞಾನಿಕ ಹೆಸರಿನ ಸಸ್ಯಕ್ಕೆ ಸೇರಿದ್ದು, ಏಷ್ಯಾದ ಉಷ್ಣವಲಯ ಪ್ರದೇಶಗಳಲ್ಲಿ ಕಂಡುಬರುತ್ತದೆ. ಇದು ಹಲಸಿನ ಹಣ್ಣಿಗೆ ಹೋಲಿಕೆಯಿದ್ದರೂ ಗಾತ್ರದಲ್ಲಿ ಸಾಮಾನ್ಯವಾಗಿ ಚಿಕ್ಕದಾಗಿದ್ದು, ಹಣ್ಣಿನ ತಿರುಳು ಹೆಚ್ಚು ಮೃದುವಾಗಿರುತ್ತದೆ. ಹಣ್ಣಾದಾಗ ಇದರ ವಿಶಿಷ್ಟ ಸುವಾಸನೆಯೂ ಗಮನ ಸೆಳೆಯುತ್ತದೆ.

ಈ ಹಣ್ಣಿನ ತಿರುಳಿನಲ್ಲಿ ವಿಟಮಿನ್‌ ಸಿ ಮತ್ತು ಫಿನಾಲಿಕ್‌ ಸಂಯುಕ್ತಗಳು ಕಂಡುಬಂದಿವೆ. ಸಂಶೋಧನಾ ಮಾಹಿತಿಯ ಪ್ರಕಾರ,‌ ಚೆಂಪೆಡಕ್ ತಿರುಳಿನಲ್ಲಿ ಆ್ಯಂಟಿಆಕ್ಸಿಡೆಂಟ್‌ ಚಟುವಟಿಕೆಯೂ ದಾಖಲಾಗಿದೆ. ಚೆಂಪೆಡಕ್ ವಿಶೇಷತೆ ಹಣ್ಣಿನ ತಿರುಳಿಗೆ ಮಾತ್ರ ಸೀಮಿತವಾಗಿಲ್ಲ. ಬೀಜದಲ್ಲಿಯೂ ಕಾರ್ಬೋಹೈಡ್ರೇಟ್‌, ಪ್ರೋಟೀನ್‌ ಮತ್ತು ಆಹಾರ ನಾರಿನ ಅಂಶಗಳಿವೆ. ಬೀಜವನ್ನು ಬೇಯಿಸಿ ಅಥವಾ ಹುರಿದು ತಿನ್ನುವ ಪದ್ಧತಿಯೂ ಕೆಲವು ಪ್ರದೇಶಗಳಲ್ಲಿ ಇದೆ. ಬೀಜದಿಂದ ಹಿಟ್ಟು ತಯಾರಿಸುವ ಸಾಧ್ಯತೆಯ ಬಗ್ಗೆಯೂ ಸಂಶೋಧನೆಗಳು ನಡೆದಿವೆ.

ಇನ್ನೂ ಆಸಕ್ತಿದಾಯಕ ಸಂಗತಿಯೆಂದರೆ, ಚೆಂಪೆಡಕ್ ಬೀಜದ ಸಾರದಲ್ಲಿರುವ ಕೆಲವು ಅಂಶಗಳು ಪ್ರೀಬಯಾಟಿಕ್‌ ಸಾಮರ್ಥ್ಯ ಹೊಂದಿರಬಹುದೆಂಬುದನ್ನು ಪ್ರಯೋಗಾಲಯ ಅಧ್ಯಯನಗಳು ಸೂಚಿಸಿವೆ. ನಿರ್ದಿಷ್ಟ ಸೂಕ್ಷ್ಮಜೀವಿಗಳ ಬೆಳವಣಿಗೆಗೆ ಈ ಸಾರ ಬೆಂಬಲ ನೀಡಿರುವುದು ಅಧ್ಯಯನದಲ್ಲಿ ಕಂಡುಬಂದಿದೆ. ಆದರೆ ಇಂತಹ ಫಲಿತಾಂಶಗಳು ಪ್ರಯೋಗಾಲಯ ಮಟ್ಟದಲ್ಲಿದ್ದು, ನಮ್ಮ ಆರೋಗ್ಯದ ನೇರ ಪರಿಣಾಮವನ್ನು ಸಾಬೀತುಪಡಿಸಬೇಕಿದೆ.

ಚೆಂಪೆಡಕ್‌ ಸಸ್ಯದಲ್ಲಿರುವ ಕೆಲವು ಸಸ್ಯರಾಸಾಯನಿಕಗಳ ಬಗ್ಗೆ ಮಲೇರಿಯಾ, ಉರಿಯೂತ, ಕ್ಯಾನ್ಸರ್‌ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಸಂಶೋಧನೆಗಳು ನಡೆದಿವೆ. ಆದರೆ ಇವುಗಳಲ್ಲಿ ಬಹಳಷ್ಟು ಅಧ್ಯಯನಗಳು ಪ್ರಯೋಗಾಲಯ ಅಥವಾ ಪ್ರಾಥಮಿಕ ಹಂತದಲ್ಲಿರುವುದರಿಂದ, ಚೆಂಪೆಡಕ್ ಹಣ್ಣನ್ನು ಯಾವುದೇ ಕಾಯಿಲೆಗೆ ಔಷಧಿ ಎಂದು ಈಗಲೇ ಪರಿಗಣಿಸುವುದು ಸೂಕ್ತವಲ್ಲ. ಮನುಷ್ಯರಲ್ಲಿ ಇದರ ಪರಿಣಾಮ ಮತ್ತು ಸುರಕ್ಷತೆಯನ್ನು ದೃಢಪಡಿಸಲು ಹೆಚ್ಚಿನ ಕ್ಲಿನಿಕಲ್‌ ಸಂಶೋಧನೆ ಅಗತ್ಯವಿದೆ.

ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ-ಹವಾಮಾನ ಬದಲಾವಣೆ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಫಾಲೋಮಾಡಲು ಇಲ್ಲಿ ಕ್ಲಿಕ್‌ ಮಾಡಿ

Cempedak (Artocarpus integer) is an underutilized tropical fruit closely related to jackfruit and is valued for its soft texture, sweetness and distinctive aroma. Research indicates that its pulp contains vitamin C, phenolic compounds and antioxidant activity, while its seeds provide carbohydrates, protein and dietary fibre. Studies have also explored bioactive compounds in different parts of the plant, including their potential antioxidant, antimicrobial, antimalarial and other biological activities. However, much of the evidence remains laboratory-based, and these findings should not be interpreted as proof that cempedak can treat diseases in humans.