ಕಲ್ಲಡ್ಕದಲ್ಲಿ ಫ್ಲೈಓವರ್ ನಿರ್ಮಾಣಗೊಂಡು ಸಂಚಾರಕ್ಕೆ ಮುಕ್ತವಾಗಿ ವರ್ಷ ಕಳೆದಿದೆ. ಈಗ ಈ ಪಟ್ಟಣ ಹೇಗಿದೆ..? ಇದೊಂದು ಕುತೂಹಲದ ವಿಷಯ. ಸದ್ದು ಗದ್ದಲವಿಲ್ಲದ ಕಲ್ಲಡ್ಕ ಈಗ ಅಂದಿನಂತಯೇ ಸಹಜವಾಗಿದೆ.
ಮಂಗಳೂರು-ಬೆಂಗಳೂರು ಹೆದ್ದಾರಿಯ ಕಲ್ಲಡ್ಕದಲ್ಲಿ ಸುಮಾರು 2.1 ಕಿ.ಮೀ. ಉದ್ದದ ಫ್ಲೈಓವರ್ ನಿರ್ಮಾಣಗೊಂಡು ಸಂಚಾರಕ್ಕೆ ತೆರೆದುಕೊಂಡ ಬಳಿಕ ಹೆದ್ದಾರಿಯಲ್ಲಿ ಸಂಚರಿಸುವ ವಾಹನಗಳು ಪೇಟೆಯೊಳಗೆ ಪ್ರವೇಶಿಸುವುದು ಕಡಿಮೆಯಾಗಿದೆ. ವೇಗವಾಗಿ ಸಾಗುವ ವಾಹನಗಳು ಹೆಚ್ಚಿನ ಪ್ರಮಾಣದಲ್ಲಿ ಫ್ಲೈಓವರ್ ಬಳಸುತ್ತಿರುವುದರಿಂದ ಪೇಟೆಯೊಳಗಿನ ಸಂಚಾರದ ಒತ್ತಡವೂ ಇಳಿಕೆಯಾಗಿದೆ. ಅಗತ್ಯ ಇದ್ದವರು ಮಾತ್ರವೇ ಪೇಟೆಯೊಳಗೆ ಬಂದು ಹೋಗುತ್ತಾರೆ.
ಕಲ್ಲಡ್ಕ ಫ್ಲೈಓವರ್‌ನಿಂದ ಪೇಟೆಯ ವ್ಯಾಪಾರಕ್ಕೆ ಧಕ್ಕೆಯಾಗಬಹುದು ಎಂಬ ಆತಂಕ ಆರಂಭದಲ್ಲಿ ಇತ್ತು. ಹೀಗಾಗಿ ಇನ್ನು ಮುಂದೆ ಕಲ್ಲಡ್ಕ ಪೇಟೆಯೇ ಹೋಯ್ತು ಎಂದು ಅನೇಕರು ಹೇಳಿದ್ದರು ಕೂಡಾ. ಆದರೆ ಹಾಗೆ ಆಗಿಲ್ಲ. ಅಲ್ಲಿನ ಸಹಕಾರಿ ಬ್ಯಾಂಕ್, ಸಂಸ್ಥೆಗಳು ಸೇರಿದಂತೆ ಶಾಲೆ. , ಮೆಡಿಕಲ್ ಹಾಗೂ ಸ್ಥಳೀಯ ಅಂಗಡಿಗಳ ಕಾರಣದಿಂದ ಕಲ್ಲಡ್ಕ ಪೇಟೆಗೆ ಯಾವುದೇ ತೊಂದರೆ ಆಗಿಲ್ಲ. ಪೇಟೆಯ ಅಂಗಡಿಗಳಿಗೆ ಸ್ಥಳೀಯವಾಗಿ ಬರುವ ಗ್ರಾಹಕರ ಸಂಚಾರ ಮುಂದುವರಿದಿದೆ. ಕಲ್ಲಡ್ಕ ಪೇಟೆಗೆ ಲಾರಿಗಳು ಹಾಗೂ ಘನ ವಾಹನಗಳು ಬಾರದೇ ಇರುವುದರಿಂದ ಕಲ್ಲಡ್ಕ ಪೇಟೆಯಲ್ಲಿ ಯಾವುದೇ ಟ್ರಾಫಿಕ್‌ ಕಿರಿಕಿರಿಯೂ ಇಲ್ಲ.
ಒಟ್ಟಿನಲ್ಲಿ, ಫ್ಲೈಓವರ್‌ನಿಂದ ಕಲ್ಲಡ್ಕ ಪೇಟೆಯ ಮೂಲಕ ಸಾಗುವ ಭಾರೀ ವಾಹನಗಳ ಸಂಚಾರ ಕಡಿಮೆಯಾಗಿದ್ದು, ಪೇಟೆಯ ಗದ್ದಲ ಮತ್ತು ವಾಹನ ದಟ್ಟಣೆ ಇಳಿಕೆಯಾಗಿರುವುದು ಗಮನಾರ್ಹ ಬದಲಾವಣೆ. ಅದೇ ವೇಳೆ ಸ್ಥಳೀಯ ವ್ಯಾಪಾರ ಚಟುವಟಿಕೆಗಳು ಮುಂದುವರಿದಿರುವುದು ಪಟ್ಟಣದ ಹೊಸ ಸಂಚಾರ ವ್ಯವಸ್ಥೆಯ ಮತ್ತೊಂದು ಪ್ರಮುಖ ಅಂಶವಾಗಿದೆ. ಒಂದು ಸಹಕಾರಿ ವ್ಯವಸ್ಥೆಗಳು, ಶಾಲೆ, ಔಷಧಾಲಯಗಳು ಮತ್ತು ಅಗತ್ಯ ಅಂಗಡಿಗಳು ಒಂದು ಪೇಟೆಯನ್ನು ಹೇಗೆ ಜೀವಂತವಾಗಿಡುತ್ತದೆ ಎನ್ನುವುದಕ್ಕೆ ಕಲ್ಲಡ್ಕ ಸಾಕ್ಷಿಯಾಗಿದೆ.
ಇದನ್ನು ಓದಿ… ಕಳೆದ ವರ್ಷ ಕಲ್ಲಡ್ಕದ ಬಗ್ಗೆ….
ಮಹಾನವಮಿಯ ನಿಜವಾದ ಸಂದೇಶವೆಂದರೆ ರಾವಣ ಮತ್ತು ಮಹಿಷಾಸುರರ ಸಂಹಾರವನ್ನು ಸ್ಮರಿಸುವುದಷ್ಟೇ ಅಲ್ಲ, ನಮ್ಮೊಳಗಿನ…
ಮಿಜೋರಾಂನಲ್ಲಿ ಅಡಿಕೆ ತೋಟಗಳಿಗೆ ಕಾಡುತ್ತಿರುವ ಕೀಟಬಾಧೆ ನಿಯಂತ್ರಿಸಲು ವೈಜ್ಞಾನಿಕ ಕ್ರಮಗಳು ಮತ್ತು ಆರ್ಥಿಕ…
ಶಿವಮೊಗ್ಗ ಜಿಲ್ಲೆಯ ಸಾಗರದಲ್ಲಿ ಮೆಸ್ಕಾಂ ವತಿಯಿಂದ ಪ್ರಧಾನಮಂತ್ರಿ ಸೂರ್ಯಘರ್ ಯೋಜನೆಯ ಕುರಿತು ಸಾರ್ವಜನಿಕರಿಗೆ…
ರಾಷ್ಟ್ರೀಯ ಜೀವ ವೈವಿಧ್ಯ ಪ್ರಾಧಿಕಾರವು 29 ರಾಜ್ಯ ಜೀವ ವೈವಿಧ್ಯ ಮಂಡಳಿಗಳು ಮತ್ತು…
ಕರಾವಳಿ ಮತ್ತು ಮಲೆನಾಡು ಜಿಲ್ಲೆಗಳಲ್ಲಿ ಅಕ್ಟೋಬರ್ 25ರವರೆಗೆ ಮಳೆ ಮುಂದುವರಿಯುವ ಸಾಧ್ಯತೆಯಿದ್ದು, ಉತ್ತರ…
ದೇಶದ ಹಲವು ರಾಜ್ಯಗಳಲ್ಲಿ ಮುಂದಿನ ಎರಡು ದಿನ ಭಾರೀ ಮಳೆಯಾಗುವ ಸಾಧ್ಯತೆಯಿದ್ದು, ಕರ್ನಾಟಕದ…