ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಯ ಭಯದಲ್ಲಿ ಕೇರಳದ ರಬ್ಬರ್ ರೈತರು – ತೋಟಗಾರಿಕೆಗೆ ಮುಂದೆ ಏನು?

ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ (ESA) ಘೋಷಣೆ ಮತ್ತೆ ಕೇರಳದ ಗುಡ್ಡಗಾಡು ಪ್ರದೇಶದ ರೈತರಲ್ಲಿ ಆತಂಕ ಮೂಡಿಸಿದೆ. ವಿಶೇಷವಾಗಿ ರಬ್ಬರ್ ಸೇರಿದಂತೆ ತೋಟಗಾರಿಕಾ ಬೆಳೆಗಳನ್ನು ಅವಲಂಬಿಸಿರುವ ಕುಟುಂಬಗಳು, ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಯಲ್ಲಿ ಕೃಷಿ ಮುಂದುವರಿಸುವಾಗ ಭವಿಷ್ಯದಲ್ಲಿ ಎದುರಾಗಬಹುದಾದ ನಿಯಂತ್ರಣಗಳ ಬಗ್ಗೆ ಪ್ರಶ್ನೆ ಎತ್ತುತ್ತಿವೆ.

ಪಶ್ಚಿಮ ಘಟ್ಟದ ಜೀವವೈವಿಧ್ಯವನ್ನು ಸಂರಕ್ಷಿಸುವ ಉದ್ದೇಶದಿಂದ ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ಎಂದು ಗುರುತಿಸುವ ಪ್ರಕ್ರಿಯೆ ಹಲವು ವರ್ಷಗಳಿಂದ ನಡೆಯುತ್ತಿದೆ. 2014ರಿಂದ ಹಲವು ಕರಡು ಅಧಿಸೂಚನೆಗಳು ಹೊರಬಂದಿದ್ದರೂ, ಕೇರಳದಲ್ಲಿ ಜನವಸತಿ ಮತ್ತು ಕೃಷಿಭೂಮಿಯನ್ನು ಒಳಗೊಂಡಿರುವ ಪ್ರದೇಶಗಳ ಕುರಿತು ಭಿನ್ನಾಭಿಪ್ರಾಯದಿಂದ ಅಂತಿಮ ಅಧಿಸೂಚನೆ ಇನ್ನೂ ಬಾಕಿಯಾಗಿದೆ. 2026ರ ಜುಲೈ 27ರಂದು ಕೇಂದ್ರ ಸರ್ಕಾರ ಮತ್ತೊಂದು ಕರಡು ಅಧಿಸೂಚನೆ ಹೊರಡಿಸಿದ್ದು, ಸೆಪ್ಟೆಂಬರ್ 25ರವರೆಗೆ ಆಕ್ಷೇಪಣೆ ಮತ್ತು ಸಲಹೆಗಳನ್ನು ಆಹ್ವಾನಿಸಿತ್ತು.

ರಬ್ಬರ್ ತೋಟಗಾರರ ಆತಂಕ ಏನು? :  ಕೇರಳದ ಪಶ್ಚಿಮ ಘಟ್ಟ ಪ್ರದೇಶಗಳಲ್ಲಿ ರಬ್ಬರ್ ಕೃಷಿ ಸಾವಿರಾರು ಕುಟುಂಬಗಳ ಜೀವನೋಪಾಯದ ಭಾಗವಾಗಿದೆ. ಇಂತಹ ಪ್ರದೇಶಗಳು ಅರಣ್ಯ ಪ್ರದೇಶಗಳೊಂದಿಗೆ ಮನೆಗಳು, ತೋಟಗಳು ಮತ್ತು ಕೃಷಿಭೂಮಿಗಳು ಬೆರೆತಿರುವುದರಿಂದ, ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ಗಡಿ ನಿಖರವಾಗಿ ಹೇಗೆ ಗುರುತಿಸಲಾಗುತ್ತದೆ ಎಂಬುದು ರೈತರ ಪ್ರಮುಖ ಪ್ರಶ್ನೆಯಾಗಿದೆ.

ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಯಲ್ಲಿ ಕೃಷಿ ಮುಂದುವರಿಸಲು ಅವಕಾಶವಿದೆ ಎಂದು ಕರಡು ಪ್ರಸ್ತಾವನೆ ಹೇಳುತ್ತಿದ್ದರೂ, ರಾಸಾಯನಿಕ ಗೊಬ್ಬರ ಮತ್ತು ಕೀಟನಾಶಕ ಬಳಕೆ, ಮರ ಕಡಿಯುವುದು, ರಸ್ತೆ ನಿರ್ಮಾಣ ಅಥವಾ ವಿಸ್ತರಣೆ ಸೇರಿದಂತೆ ಕೆಲವು ಚಟುವಟಿಕೆಗಳ ಮೇಲೆ ಭವಿಷ್ಯದಲ್ಲಿ ನಿಯಂತ್ರಣಗಳು ಬರಬಹುದೆಂಬ ಆತಂಕ ರೈತ ಸಂಘಟನೆಗಳಲ್ಲಿ ಇದೆ.

ಇದರ ಪರಿಣಾಮವಾಗಿ ರಬ್ಬರ್ ತೋಟಗಳ ನಿರ್ವಹಣೆ, ಹಳೆಯ ಮರಗಳನ್ನು ತೆರವುಗೊಳಿಸಿ ಹೊಸ ಸಸಿಗಳನ್ನು ನೆಡುವುದು, ರಸ್ತೆ ಮತ್ತು ಇತರ ಮೂಲಸೌಕರ್ಯ ಅಭಿವೃದ್ಧಿ ಮುಂತಾದ ಸಾಮಾನ್ಯ ಕೃಷಿ ಚಟುವಟಿಕೆಗಳಿಗೂ ಸ್ಪಷ್ಟ ನಿಯಮಗಳ ಅಗತ್ಯ ಎದುರಾಗಬಹುದು ಎಂಬ ಚರ್ಚೆ ನಡೆಯುತ್ತಿದೆ.

ಕೇರಳ ಸರ್ಕಾರದ ನಿಲುವೇನು?:  ಕೇರಳ ಸರ್ಕಾರವು ಈಗ ವಸತಿ ಪ್ರದೇಶಗಳು, ಕೃಷಿಭೂಮಿ ಮತ್ತು ತೋಟಗಳನ್ನು ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶವ್ಯಾಪ್ತಿಯಿಂದ ಸಂಪೂರ್ಣವಾಗಿ ಹೊರಗಿಡಬೇಕು ಎಂದು ಕೇಂದ್ರ ಸರ್ಕಾರಕ್ಕೆ ಮನವಿ ಮಾಡಿದೆ.

ಪ್ರಸ್ತುತ ಕೇಂದ್ರದ ಕರಡು ಪ್ರಸ್ತಾವನೆಯಲ್ಲಿ ಕೇರಳದ 131 ಗ್ರಾಮಗಳ ಸುಮಾರು 9,993.7 ಚದರ ಕಿಲೋಮೀಟರ್ ಪ್ರದೇಶ ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಬರುವಂತೆ ಗುರುತಿಸಲಾಗಿದೆ. ಆದರೆ ಕೇರಳ ಸರ್ಕಾರವು ತನ್ನ ವ್ಯಾಪ್ತಿಯನ್ನು ಸುಮಾರು 8,590.69 ಚದರ ಕಿಲೋಮೀಟರ್ ಮತ್ತು 98 ಗ್ರಾಮಗಳಿಗೆ ಸೀಮಿತಗೊಳಿಸಲು ಹಾಗೂ ಜನವಸತಿ, ಕೃಷಿಭೂಮಿ ಮತ್ತು ತೋಟಗಳನ್ನು ಹೊರಗಿಡಲು ಬಯಸಿದೆ.

ಕೇರಳದ ಪರಿಸರ ಸಚಿವ ಸನ್ನಿ ಜೋಸೆಫ್ ಅವರ ಪ್ರಕಾರ, ಪ್ರಸ್ತಾವಿತ ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಯ 9,993.7 ಚದರ ಕಿಲೋಮೀಟರ್‌ನಲ್ಲಿ ಸುಮಾರು 9,107 ಚದರ ಕಿಲೋಮೀಟರ್ ಅರಣ್ಯ ಪ್ರದೇಶವಾಗಿದ್ದು, ಉಳಿದ ಸುಮಾರು 886.7 ಚದರ ಕಿಲೋಮೀಟರ್ ಅರಣ್ಯೇತರ ಪ್ರದೇಶವಾಗಿದೆ. ಅರಣ್ಯೇತರ ಪ್ರದೇಶವನ್ನು ಹೊರಗಿಡುವುದರಿಂದ ರಾಜ್ಯದ ಆತಂಕ ಕಡಿಮೆಯಾಗಲಿದೆ ಎಂಬುದು ಸರ್ಕಾರದ ವಾದ.

ಪರಿಸರ ಸಂರಕ್ಷಣೆಯ ಪ್ರಶ್ನೆಯೂ ಇದೆ :  ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ಪ್ರಸ್ತಾವನೆಯ ಮೂಲ ಉದ್ದೇಶ ಪಶ್ಚಿಮ ಘಟ್ಟದ ಸೂಕ್ಷ್ಮ ಪರಿಸರ ವ್ಯವಸ್ಥೆ, ಜೀವವೈವಿಧ್ಯ ಮತ್ತು ವಿಪತ್ತುಗಳಿಗೆ ಒಳಗಾಗುವ ಪ್ರದೇಶಗಳನ್ನು ರಕ್ಷಿಸುವುದು. ಕೇಂದ್ರ ಸರ್ಕಾರದ ನಿಲುವಿನ ಪ್ರಕಾರ, ಪಶ್ಚಿಮ ಘಟ್ಟದ ಪರಿಸರ ಸಂರಕ್ಷಣೆಯ ಅಗತ್ಯವನ್ನು ಗಮನದಲ್ಲಿಟ್ಟುಕೊಂಡು ರಾಜ್ಯಗಳ ಆಕ್ಷೇಪಣೆ, ಸ್ಥಳೀಯ ಜನರ ಅಗತ್ಯಗಳು ಮತ್ತು ಅಭಿವೃದ್ಧಿಯ ಅಂಶಗಳನ್ನು ಸಮಗ್ರವಾಗಿ ಪರಿಶೀಲಿಸಲಾಗುತ್ತಿದೆ. ಹೀಗಾಗಿ ಪ್ರಶ್ನೆ “ಪರಿಸರ ಸಂರಕ್ಷಣೆ ಬೇಕೇ ಬೇಡವೇ?” ಎಂಬುದಲ್ಲ. ಪಶ್ಚಿಮ ಘಟ್ಟದಲ್ಲಿ ಪರಿಸರ ಸಂರಕ್ಷಣೆ ಮತ್ತು ಅಲ್ಲಿನ ಜನರ ಜೀವನೋಪಾಯ ಎರಡನ್ನೂ ಹೇಗೆ ಸಮತೋಲನಗೊಳಿಸಬೇಕು ಎಂಬುದೇ ಪ್ರಮುಖ ವಿಚಾರ.

ರೈತರಿಗೆ ಸ್ಪಷ್ಟ ಗಡಿ ಏಕೆ ಮುಖ್ಯ? : ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ  ವಿಚಾರದಲ್ಲಿ ಕೇರಳದ ರೈತರು ಎತ್ತುತ್ತಿರುವ ಪ್ರಮುಖ ಪ್ರಶ್ನೆ “ನಮ್ಮ ಜಮೀನು ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ಒಳಗಿದೆಯೇ?” ಎನ್ನುವುದಾಗಿದೆ.

ಕೇರಳ ಸರ್ಕಾರವು ಜನವಸತಿ ಮತ್ತು ಕೃಷಿಭೂಮಿಯನ್ನು ಹೊರಗಿಡುವುದಾಗಿ ಹೇಳಿದರೂ, ಸ್ಥಳೀಯ ರೈತ ಸಂಘಟನೆಗಳು ಕೇವಲ ಹೇಳಿಕೆ ಸಾಕಾಗುವುದಿಲ್ಲ, ಯಾವ ಜಮೀನು ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಯಲ್ಲಿದೆ ಮತ್ತು ಯಾವುದು ಹೊರಗಿದೆ ಎಂಬುದನ್ನು ಸ್ಪಷ್ಟವಾಗಿ ತೋರಿಸಬೇಕು ಎಂದು ಒತ್ತಾಯಿಸುತ್ತಿವೆ. ಇದು ರಬ್ಬರ್ ರೈತರಿಗೆ ಮಾತ್ರವಲ್ಲ. ಕಾಫಿ, ಏಲಕ್ಕಿ, ಮೆಣಸು, ತೆಂಗು ಸೇರಿದಂತೆ ವಿವಿಧ ತೋಟಗಾರಿಕಾ ಬೆಳೆಗಳನ್ನು ಅವಲಂಬಿಸಿರುವ ಪಶ್ಚಿಮ ಘಟ್ಟದ ರೈತರಿಗೆ ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ಗಡಿ ಮತ್ತು ನಿಯಮಗಳ ಸ್ಪಷ್ಟತೆ ಅತ್ಯಂತ ಮುಖ್ಯವಾಗಲಿದೆ.

ಕರ್ನಾಟಕಕ್ಕೂ ಸಂಬಂಧಿಸಿದ ಪ್ರಶ್ನೆ: ಈ ಚರ್ಚೆ ಕರ್ನಾಟಕಕ್ಕೂ ಮಹತ್ವದ್ದಾಗಿದೆ. ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ  ಮತ್ತು ಕಸ್ತೂರಿರಂಗನ್ ವರದಿಯ ವಿಚಾರದಲ್ಲಿ ಕರ್ನಾಟಕ ವಿಧಾನಸಭೆಯು ಸೆಪ್ಟೆಂಬರ್ 22ರಂದು ವರದಿಯನ್ನು ಪರಿಶೀಲಿಸಿ ಅಗತ್ಯ ಬದಲಾವಣೆ ಮಾಡುವಂತೆ ಒತ್ತಾಯಿಸುವ ನಿರ್ಣಯವನ್ನು ಅಂಗೀಕರಿಸಿದೆ. ಜನವಸತಿ ಮತ್ತು ಸ್ಥಳೀಯ ಜೀವನೋಪಾಯದ ಮೇಲೆ ಪರಿಣಾಮ ಬೀರುವ ಸಾಧ್ಯತೆಗಳ ಕುರಿತು ಚರ್ಚೆ ನಡೆದಿದೆ.

ಪಶ್ಚಿಮ ಘಟ್ಟವನ್ನು ಉಳಿಸುವುದು ಮತ್ತು ಪಶ್ಚಿಮ ಘಟ್ಟದಲ್ಲಿ ಬದುಕುತ್ತಿರುವ ರೈತರ ಬದುಕನ್ನು ಉಳಿಸುವುದು  ಎರಡೂ ಒಂದೇ ಚರ್ಚೆಯ ಎರಡು ಭಾಗಗಳು. ಅಂತಿಮ ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶ ಅಧಿಸೂಚನೆಯಲ್ಲಿ ಗಡಿ, ಕೃಷಿ ಚಟುವಟಿಕೆಗಳು ಮತ್ತು ಸ್ಥಳೀಯ ಜನರ ಹಕ್ಕುಗಳ ಬಗ್ಗೆ ಎಷ್ಟು ಸ್ಪಷ್ಟತೆ ನೀಡಲಾಗುತ್ತದೆ ಎಂಬುದು ಈಗ ಪ್ರಮುಖವಾಗಿದೆ. ಈ ನಿಟ್ಟಿನಲ್ಲಿ ನಡೆಯುತ್ತಿರುವ ಹೋರಾಟವೂ ಕರ್ನಾಟದಲ್ಲಿ ಅದೇ ಅಭಿಪ್ರಾಯವನ್ನು  ಹೇಳುತ್ತದೆ. ಕೃಷಿ ಭೂಮಿ ಹಾಗೂ ಪಶ್ಚಿಮ ಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶದ ಗಡಿ ಎರಡೂ ಪ್ರತ್ಯೇಕವಾಗಿಸಬೇಕು.

The proposed Ecologically Sensitive Area (ESA) notification for the Western Ghats has renewed concerns among rubber and other plantation farmers in Kerala’s high-range areas. While the ESA framework is intended to protect the fragile ecology and biodiversity of the Western Ghats, farmers are concerned about possible future restrictions involving agricultural practices, tree cutting and infrastructure development. Kerala has recently asked the Centre to exclude residential areas, agricultural land and plantations from the ESA and has proposed limiting the state’s ESA extent to about 8,590.69 sq km across 98 villages, compared with the Centre’s draft proposal covering about 9,993.7 sq km across 131 villages