ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ#ISRO ಮಹತ್ವಾಕಾಂಕ್ಷೆಯ ಮೂರನೇ ಚಂದ್ರನ ಕಾರ್ಯಾಚರಣೆಯ ಭಾಗವಾಗಿ ಚಂದ್ರಯಾನ-3 ರ ಲ್ಯಾಂಡರ್ ಮಾಡ್ಯೂಲ್#LM ಬುಧವಾರ ಸಂಜೆ ಚಂದ್ರನ ಮೇಲ್ಮೈಯಲ್ಲಿ ಇಳಿಯಲಿದೆ. ಭೂಮಿಯ ಏಕೈಕ ನೈಸರ್ಗಿಕ ಉಪಗ್ರಹವಾದ ಚಂದ್ರನ ದಕ್ಷಿಣ ಧ್ರುವವನ್ನು ತಲುಪಿದ ವಿಶ್ವದ ಮೊದಲ ದೇಶ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಲಿದೆ. ಲ್ಯಾಂಡರ್ #Vikram ಮತ್ತು ರೋವರ್ #Pragyan ಒಳಗೊಂಡಿರುವ ಲ್ಯಾಂಡರ್ ಮಾಡ್ಯೂಲ್ ಬುಧವಾರ ಸಂಜೆ 6.45 ಕ್ಕೆ ಚಂದ್ರನ ದಕ್ಷಿಣ ಧ್ರುವ ಪ್ರದೇಶದ ಬಳಿ ಸಾಫ್ಟ್ ಲ್ಯಾಂಡಿಂಗ್ ಮಾಡುವ ನಿರೀಕ್ಷೆಯಿದೆ.ಚಂದ್ರನ ಮೇಲ್ಮೈಯಲ್ಲಿ ಸಾಪ್ಟ್ ಲ್ಯಾಂಡಿಂಗ್ ಗೆ ಬೇಕಾದ ಎಲ್ಲಾ ಸಿದ್ಧತೆ ಮಾಡಿಕೊಂಡಿದೆ.
ನಾಲ್ಕು ವರ್ಷಗಳಲ್ಲಿ ಇಸ್ರೋದ ಎರಡನೇ ಪ್ರಯತ್ನದಲ್ಲಿ ಚಂದ್ರಯಾನ-3 ಮಿಷನ್ ಚಂದ್ರನ ಮೇಲೆ ಇಳಿಯುವಲ್ಲಿ ಮತ್ತು ರೋಬೋಟಿಕ್ ಲೂನಾರ್ ರೋವರ್ ಅನ್ನು ಲ್ಯಾಂಡಿಂಗ್ ಮಾಡುವಲ್ಲಿ ಯಶಸ್ವಿಯಾದರೆ, ಯುಎಸ್, ಚೀನಾ ಮತ್ತು ಹಿಂದಿನ ಸೋವಿಯತ್ ಯೂನಿಯನ್ ನಂತರ ಭಾರತವು ಚಂದ್ರನ ಮೇಲ್ಮೈಯಲ್ಲಿ ಸಾಫ್ಟ್ ಲ್ಯಾಂಡ್ ಮಾಡಿದ ವಿಶ್ವದ ನಾಲ್ಕನೇ ರಾಷ್ಟ್ರವಾಗಲಿದೆ. ಅಮೆರಿಕ, ಹಿಂದಿನ ಸೋವಿಯತ್ ಯೂನಿಯನ್ ಮತ್ತು ಚೀನಾ ಚಂದ್ರನ ಮೇಲ್ಮೈಯಲ್ಲಿ ‘ಸಾಫ್ಟ್ ಲ್ಯಾಂಡಿಂಗ್’ ಮಾಡಿವೆ, ಆದರೆ ಚಂದ್ರನ ದಕ್ಷಿಣ ಧ್ರುವ ಪ್ರದೇಶದಲ್ಲಿ ಅವುಗಳ ‘ಸಾಫ್ಟ್ ಲ್ಯಾಂಡಿಂಗ್’ ಮಾಡಿಲ್ಲ.
2019 ರಲ್ಲಿ ಚಂದ್ರಯಾನ-2 ವಿಫಲದ ಕಾರಣಗಳೇ ಈಗ ಪರಿಹಾರಗಳು :
ಚಂದ್ರಯಾನ-3 ಈ ಹಿಂದೆ ಉಡಾವಣೆ ಮಾಡಿದ್ದ ಚಂದ್ರಯಾನ-2 ರ ಉತ್ತರಾಧಿಕಾರಿಯಾಗಿದೆ. ಚಂದ್ರಯಾನ-2ರ ವೈಫಲ್ಯದಿಂದ ಪಾಠ ಕಲಿತು ಇಸ್ರೋ ಹಲವಾರು ಬದಲಾವಣೆಗಳನ್ನು ಮಾಡಿದೆ. ಈ ಬಾರಿ ಎಲ್ಲಾ ಸವಾಲುಗಳನ್ನು ಮೆಟ್ಟಿ ಚಂದ್ರಯಾನ ಆರಂಭವಾಗಿದೆ. ಸಾಫ್ಟ್ ಲ್ಯಾಂಡಿಂಗ್ ವೇಳೆ ವಾತಾವರಣದ ಸಮಸ್ಯೆ ಕೂಡಾ ಪ್ರಮುಖವಾಗುತ್ತದೆ. ಇದಕ್ಕಾಗಿ ಫೈರಿಂಗ್ ಇಂಜಿನ್ಗಳ ಮೂಲಕ ಲ್ಯಾಂಡಿಂಗ್ ಬಿಸಿ ಅನಿಲಗಳು ಮತ್ತು ಧೂಳಿನ ಹಿಮ್ಮುಖ ಹರಿವನ್ನು ಉಂಟುಮಾಡುತ್ತದೆ ಅದು ವ್ಯವಸ್ಥೆಗಳನ್ನು ಅಡ್ಡಿಪಡಿಸುತ್ತದೆ. ಇದರ ಜೊತೆಗೇ ಸ್ಥಳೀಯ ಗುರುತ್ವಾಕರ್ಷಣೆಯಲ್ಲಿನ ವ್ಯತ್ಯಾಸವನ್ನು ಮತ್ತು ಸಂವಹನ ಇದೆರಡೂ ಕೂಡಾ ಮುಖ್ಯವಾಗುತ್ತದೆ. ಇದೆಲ್ಲವೂ ಈ ಕ್ಷಣದವರೆಗೆ ಸರಿಯಾಗಿದೆ ಎನ್ನುವುದನ್ನು ಇಸ್ರೋ ವಿಜ್ಞಾನಿಗಳು ಹೇಳಿದ್ದಾರೆ. ಈ ಬಾರಿ ಯಶಸ್ವಿ ಲ್ಯಾಂಡಿಂಗ್ ಗಾಗಿ ಇಸ್ರೋ ವಿಜ್ಞಾನಿಗಳು ಪ್ಲಾನ್ ಬಿ ಕೂಡಾ ಸಿದ್ಧ ಮಾಡಿದ್ದಾರೆ.
ಜುಲೈ 14 ರಂದು ಉಡಾವಣೆಯಾದ ನಂತರ, ಚಂದ್ರಯಾನ -3 ಆಗಸ್ಟ್ 5 ರಂದು ಚಂದ್ರನ ಕಕ್ಷೆಯನ್ನು ಪ್ರವೇಶಿಸಿತು. ಅದೇ ಸಮಯದಲ್ಲಿ, ಆಗಸ್ಟ್ 6, 9, 14 ಮತ್ತು 16 ರಂದು, ಆಗಸ್ಟ್ 17 ರಂದು ಅದರ ಎರಡೂ ಮಾಡ್ಯೂಲ್ಗಳನ್ನು ಬೇರ್ಪಡಿಸುವ ಮೊದಲು, ಉಪಗ್ರಹವನ್ನು ಚಂದ್ರನ ಹತ್ತಿರಕ್ಕೆ ತರುವ ಕಸರತ್ತು ನಡೆದಿತ್ತು. ಲ್ಯಾಂಡರ್ ಮತ್ತು ರೋವರ್ ಹಗಲಿನಲ್ಲಿ 54 ಡಿಗ್ರಿ ಸೆಲ್ಸಿಯಸ್ನಿಂದ ರಾತ್ರಿಯಲ್ಲಿ -203 ಡಿಗ್ರಿ ಸೆಲ್ಸಿಯಸ್ವರೆಗೆ ಬದಲಾಗುವ ತೀವ್ರ ತಾಪಮಾನಕ್ಕೆ ಒಡ್ಡಿಕೊಳ್ಳುತ್ತದೆ.
ಚಂದ್ರನು ಭೂಮಿಯಿಂದ 3.8 ಲಕ್ಷ ಕಿಮೀ ದೂರದಲ್ಲಿದ್ದಾನೆ. ಚಂದ್ರನ ವಿವಿಧ ಭಾಗಗಳು ಬಾಹ್ಯಾಕಾಶ ನೌಕೆಯ ಪಥದ ಮೇಲೆ ಪರಿಣಾಮ ಬೀರುವ ವಿಭಿನ್ನ ಎಳೆತಗಳನ್ನು ಹೊಂದಿರುತ್ತವೆ. ಆದರೆ ಚಂದ್ರನ ಸ್ಥಳದಲ್ಲಿ ನಿರಂತರ ಬದಲಾವಣೆಯಿಂದ ಸವಾಲುಗಳು ಇವೆ.
ಲ್ಯಾಂಡಿಂಗ್ ನಂತರದ ವಿಜ್ಞಾನ ಮತ್ತು ಸವಾಲುಗಳು : ಲ್ಯಾಂಡಿಂಗ್ ಎಷ್ಟು ಮಹತ್ವದ್ದಾಗಿದೆಯೋ, ಇಸ್ರೋ ಲ್ಯಾಂಡರ್ ಮತ್ತು ರೋವರ್ನಲ್ಲಿ ಪ್ಯಾಕ್ ಮಾಡಿದ ಉಪಕರಣಗಳನ್ನು ವಿಜ್ಞಾನದ ಮೇಲೆ ಅಷ್ಟೇ ಸವಾಲುಗಳನ್ನು ಹೊಂದಿದೆ. ಎಲ್ಲವೂ ಏಕಕಾಲಕ್ಕೆ ಆಗಬೇಕಾದ ಕಾರ್ಯಗಳು. ಇಸ್ರೋ ಹಿರಿಯ ವಿಜ್ಞಾನಿಯೊಬ್ಬರು ಹೇಳುವಂತೆ, ವಿಕ್ರಮ್ ಮತ್ತು ಪ್ರಗ್ಯಾನ್ ಚಂದ್ರನ ದಿನವನ್ನು (14 ಭೂಮಿಯ ದಿನಗಳು) ಪೂರ್ಣಗೊಳಿಸಿದ ನಂತರವೇ ನಮ್ಮ ಕೆಲಸ ಕೊನೆಗೊಳ್ಳುತ್ತದೆ ಮತ್ತು ಅದನ್ನು ಖಚಿತಪಡಿಸಿಕೊಳ್ಳಲು ಲ್ಯಾಂಡಿಂಗ್ ಮೊದಲ ಹೆಜ್ಜೆಯಾಗಿದೆ ಎನ್ನುತ್ತಾರೆ.
ಲ್ಯಾಂಡಿಂಗ್ ನಂತರ, ವಿಕ್ರಮ್ ಕೆಲವು ಸವಾಲುಗಳನ್ನು ಸಹ ನಿರ್ವಹಿಸಬೇಕಾಗುತ್ತದೆ. ಉದಾಹರಣೆಗೆ ಚಂದ್ರನ ಧೂಳು. ಮೇಲ್ಮೈಗೆ ಸಮೀಪವಿರುವ ಆನ್-ಬೋರ್ಡ್ ಎಂಜಿನ್ಗಳನ್ನು ಹಾರಿಸುವುದರಿಂದ ಬಿಸಿ ಅನಿಲಗಳು ಮತ್ತು ಧೂಳಿನ ಹಿಮ್ಮುಖ ಹರಿವು ಉಂಟಾಗುತ್ತದೆ. ಚಂದ್ರನ ಧೂಳು ಸಣ್ಣ ಮತ್ತು ಗಟ್ಟಿಯಾಗಿರುತ್ತದೆ. ಇದರ ಧೂಳಿನ ಹಿಮ್ಮುಖ ಚಲನೆಯು ಅಂಟಿಕೊಳ್ಳುವಂತೆ ಮಾಡುತ್ತದೆ, ಇದು ನಿಯೋಜನೆಯ ಕಾರ್ಯವಿಧಾನಗಳು, ಸೌರ ಫಲಕದ ಕಾರ್ಯಕ್ಷಮತೆ ಮತ್ತು ಇತರ ಕೆಲಸಗಳಲ್ಲಿ ಅಡಚಣೆಯನ್ನು ಉಂಟುಮಾಡುತ್ತದೆ. ಇದು ಕೂಡಾ ಮುಂದಿನ ಸವಾಲುಗಳಾಗಿವೆ.
Source : Digital Media and ISRO Inputs
ದೇಶದಲ್ಲಿ 43% ಮಳೆ ಕೊರತೆ ದಾಖಲಾಗಿರುವ ಹಿನ್ನೆಲೆ ಎಲ್ ನಿನೋ ಪರಿಣಾಮ ಎದುರಿಸಲು…
ತೆಂಗು ಬೆಳೆಗಾರರು ಕಾರ್ಮಿಕ ಕೊರತೆ ಮತ್ತು ಹೆಚ್ಚುತ್ತಿರುವ ಕೂಲಿ ವೆಚ್ಚದಿಂದ ಸಂಕಷ್ಟ ಎದುರಿಸುತ್ತಿದ್ದಾರೆ.…
ಕರಾವಳಿ ಕರ್ನಾಟಕದಲ್ಲಿ ಜೂನ್ 26ರವರೆಗೆ ಭಾರೀದಿಂದ ಅತಿ ಭಾರೀ ಮಳೆಯಾಗುವ ಸಾಧ್ಯತೆ ಇದೆ…
ಅಡಿಕೆ ಬೆಳೆಗಾರರು ಎದುರಿಸುತ್ತಿರುವ ಕಾಪರ್ ಸಲ್ಫೇಟ್ ಕೊರತೆ, ಬೆಳೆ ವಿಮೆ ವಿಳಂಬ, ಕಳಪೆ…
ಜೂನ್ 25ರಿಂದ ಕರ್ನಾಟಕದಲ್ಲಿ ಮುಂಗಾರು ಮಳೆ ಚುರುಕುಗೊಳ್ಳುವ ಸಾಧ್ಯತೆ ಇದೆ. ಕರಾವಳಿ ಮತ್ತು…
ಕೀಟನಾಶಕ ಮತ್ತು ರಾಸಾಯನಿಕ ಗೊಬ್ಬರಗಳ ಅತಿಯಾದ ಬಳಕೆಯಿಂದ ಕೃಷಿ ಹಾಗೂ ಆರೋಗ್ಯಕ್ಕೆ ಹಾನಿಯಾಗುತ್ತಿದೆ…