ಚಿಲಿಪಿಲಿ | ನೀಲಿ ತಲೆಯ ಬಂಡೆ ಸಿಳ್ಳಾರ

ಈ ಸುಂದರ ವರ್ಣರಂಜಿತ ಹಕ್ಕಿ ನೀಲಿ ತಲೆಯ ಬಂಡೆ ಸಿಳ್ಳಾರ. ಪಶ್ಚಿಮ ಘಟ್ಟಗಳ ಕಾಡುಗಳಲ್ಲಿ ಕಂಡು ಬರುತ್ತದೆ. ಹೆಚ್ಚಾಗಿ ಕಾಡು ಪ್ರದೇಶದಲ್ಲಿಯೇ ಇರುತ್ತವೆ. ಮೊದಲ ನೋಟಕ್ಕೆ ನಮ್ಮನ್ನು ತನ್ನತ್ತ ಸೆಳೆಯುವಲ್ಲಿ ಖಂಡಿತಾ ಈ ಹಕ್ಕಿ ಯಶಸ್ವಿಯಾಗುತ್ತದೆ.

ತನ್ನ ನೀಲಿಬಣ್ಣದ ಬೆನ್ನು ಮತ್ತು ಕೆಳಗಿನ ಹೊಟ್ಟೆಯ ಭಾಗದಲ್ಲಿರುವ ಮಣ್ಣಿನ ಬಣ್ಣ. ರೆಕ್ಕೆಯ ಬಿಳಿ ಬಣ್ಣಗಳಿಂದ ಆಕರ್ಷಣೀಯವಾಗಿದೆ ಈ ಹಕ್ಕಿ. ಇದು ಹಾರುವಾಗ ಬಲುಚೆಂದ. ಹೆಣ್ಣು ಹಕ್ಕಿಯದು ಸಾಮಾನ್ಯ ಕಂದು ಬಣ್ಣ. ಜೊತೆಗೆ ಗೀರುಗಳಿರುವ ಬೆನ್ನು ಮತ್ತು ಕೆಳಗಿನ ಭಾಗ ಕಂದು-ಬಿಳಿಯ ಪೊರೆಯಂತಿರುವ ಬಣ್ಣವಾಗಿದೆ. ಬುಲ್ ಬುಲ್ ಹಕ್ಕಿ ಗಾತ್ರದ ಈ ಹಕ್ಕಿಯು 17 ಸೆ.ಮೀ ನಷ್ಟು ದೊಡ್ಡದಾಗಿರುತ್ತದೆ.‌

# ಅಶ್ವಿನಿ ಮೂರ್ತಿ ಅಯ್ಯನಕಟ್ಟೆ

# ಛಾಯಾಚಿತ್ರ :  ರಾಧಾಕೃಷ್ಣ ರಾವ್ ಯು ಬಾಳಿಲ