#ಚಿಲಿಪಿಲಿ | ಗದ್ದೆ ಮಿಂಚುಳ್ಳಿ | ನಾಚಿಕೆಯ ಸ್ವಭಾವದ ಈ ಹಕ್ಕಿ ಹೀಗಿರುತ್ತದೆ….|

March 4, 2022

9:57 PM

ಅಶ್ವಿನಿ ಮೂರ್ತಿ, ಅಯ್ಯನಕಟ್ಟೆ

ಮಿಂಚುಳ್ಳಿ ಮೊದಲ ನೋಟದಲ್ಲೇ ಆಕರ್ಷಿಸುವ ಹಕ್ಕಿ. ಹಾಗೆಂದು ಇದು ಅಪರೂಪದ ಹಕ್ಕಿಯಲ್ಲ. ನಮ್ಮ ಸುತ್ತಮುತ್ತಲೇ ಇರುವ ಹಕ್ಕಿಯಾಗಿದೆ. ನಿತ್ಯವೂ ನಮ್ಮ ಮನೆಯ ಹಿಂದೆಯೇ ಕಂಡು ಬರುತ್ತವೆ. ಗುಡ್ಡೆಯಲ್ಲಿರುವ ಬಿಲದಲ್ಲಿ ಈ ಹಕ್ಕಿ ತನ್ನ ಗೂಡು ಮಾಡಿ ಕೊಂಡಿದೆ. ಗಾತ್ರ ( 28 cm) ಈ ಹಕ್ಕಿಯದಾಗಿದೆ.

ಈ ಹಕ್ಕಿ ಜಗತ್ತಿನಾದ್ಯಂತ ಕಂಡು ಬರುತ್ತವೆ. ಭಾರತದಲ್ಲಿ 11 ಬಗೆಯ ಮಿಂಚುಳ್ಳಿಗಳಿವೆ. ಇವು ನಾಚಿಕೆಯ ಸ್ವಭಾವದ ಪಕ್ಷಿಗಳಾಗಿವೆ. ಹೊಟ್ಟೆ, ತಲೆಯಲ್ಲಿ ‌ ಚಾಕಲೇಟ್ ಬಣ್ಣಗಳಿವೆ. ಇದರ ಎದೆ , ಕುತ್ತಿಗೆಯ ಮೇಲೆ ಬಿಳಿ ಬಣ್ಣದ ಮಚ್ಚೆಯಿದೆ. ಕೆಂಪಿನ ಬಲಿಷ್ಟ ಕೊಕ್ಕಿದೆ. ಹಾರುವಾಗ ರೆಕ್ಕೆಯಲ್ಲಿರುವ ಬಿಳಿಬಣ್ಣ ಎದ್ದು ಕಾಣುತ್ತದೆ. ಮಿಡತೆ, ಓತಿಕ್ಯಾತ,ಕಪ್ಪೆಗಳು ಇವುಗಳ ಪ್ರಮುಖ ಆಹಾರ. ಸ್ವರ ಸ್ವಲ್ಪ ಕರ್ಕಶವೆನಿಸುವಂತಿದೆ.

# ಅಶ್ವಿನಿಮೂರ್ತಿ ಅಯ್ಯನಕಟ್ಟೆ | # ಛಾಯಾಚಿತ್ರ: ಪಿ.ಜಿ.ಕೃಷ್ಣಮೂರ್ತಿ ಅಯ್ಯನಕಟ್ಟೆ.