ಚಿಲಿಪಿಲಿ | ಇದು ಜೇನು ಗಿಡುಗ | ಜೇನು ಗೂಡಿಗೆ ಕೈ ಹಾಕುವ ಹಕ್ಕಿ ಇದು…! |

ಜೇನು ಗಿಡುಗ( Oriental Honey buzard(Pernis ptilorhyncus) : ಜೇನು ಗೂಡಿನ ಹತ್ತಿರ ಹೋಗಲು ಸಾಮಾನ್ಯವಾಗಿ ಎಲ್ಲರೂ ಹಿಂದೆ ಬೀಳುತ್ತಾರೆ. ಜೇನುಹುಳುಗಳ ಒಗ್ಗಟ್ಟಿನ ಮಂತ್ರ ಹಾಗಿದೆ. ಶತ್ರುಗಳನ್ನು ಬಹು ಬೇಗ ಪತ್ತೆ ಮಾಡಿ ಬಿಡುತ್ತವೆ. ಅಲ್ಲದೆ ಹೆದರಿಸಿ, ಕಚ್ಚಿ ಓಡಿಸಿಯೇ ಬಿಡುತ್ತದೆ. ಆದರೆ ಈ ಜೇನುಗಿಡುಗ ಮಾತ್ರ ಕ್ಯಾರೇ ಮಾಡದೆ ಸೀದಾ ಜೇನು ಗೂಡಿಗೆ ತನ್ನ ಬಲಿಷ್ಠ ಕೊಕ್ಕು ನುಗ್ಗಿಸಿ ಜೇನು ಕುಡಿಯುವುದು ಇದರ ವಿಶೇಷತೆಯಾಗಿದೆ.

ಸಣ್ಣ ತಲೆ ಉದ್ದ ಕುತ್ತಿಗೆಯ ಹಕ್ಕಿಯಾಗಿದೆ. ಸಾಮಾನ್ಯ ದೊಡ್ಡದಾಗಿರುವ (68 cm) ಇದು ಚಳಿಗಾಲದಲ್ಲಿ ವಲಸೆ ಹೋಗುವ ಹಕ್ಕಿಯಾಗಿದೆ. ಎತ್ತರ ಪ್ರದೇಶಗಳನ್ನು ಇಷ್ಟಪಡುತ್ತವೆ. ಮಧುವನ್ನು ಮೆಚ್ಚುವ ಜೇನುಗಿಡುಗ, ಕೀಟಗಳು, ಸಣ್ಣ ಹಕ್ಕುಗಳು, ಕಪ್ಪೆಗಳನ್ನು ತಿನ್ನುವುದೂ ಇದೆ. ಕೆಲಸಗಳನ್ನು ಗಂಡು ಹೆಣ್ಣು ಹಕ್ಕಿಗಳೆರಡೂ ಹಂಚಿಕೊಳ್ಳುತ್ತವೆ. ಸಾಮಾನ್ಯವಾಗಿ ಒಮ್ಮೆಗೆ ಎರಡು ಮೊಟ್ಟೆಗಳನ್ನಿಡುತ್ತವೆ.‌

# ಅಶ್ವಿನಿಮೂರ್ತಿ ಅಯ್ಯನಕಟ್ಟೆ
# ಛಾಯಾಚಿತ್ರ :ಪಿ.ಜಿ ಕೃಷ್ಣಮೂರ್ತಿ ಅಯ್ಯನಕಟ್ಟೆ