ಒಂದು ಮಾರುಕಟ್ಟೆಯಲ್ಲಿ ಕೇವಲ ಐದು ಗಂಟೆಗಳಲ್ಲಿ 12,000 ಲೀಟರ್ ತೆಂಗಿನ ಹಾಲು ಸಂಪೂರ್ಣ ಮಾರಾಟವಾಗಿರುವ ಘಟನೆ ಗಮನ ಸೆಳೆದಿದೆ. ಹೆಚ್ಚಿನ ಗ್ರಾಹಕರು ಖರೀದಿಗೆ ಮುಗಿಬಿದ್ದ ಪರಿಣಾಮ, ಹಲವರಿಗೆ ತೆಂಗಿನ ಹಾಲು ಸಿಗದೆ ಪೂರ್ಣ ತೆಂಗು ಅಥವಾ ತುರಿದ ತೆಂಗಿನಕಾಯಿ ಖರೀದಿಸಲು ಮುಂದಾಗಿದ್ದರು. ಈ ಘಟನೆ ನಡೆದದ್ದು ಮಲೇಶಿಯಾದಲ್ಲಿ. ಇಷ್ಟೂ ಬೇಡಿಕೆ ಬಂದದ್ದು ಹಬ್ಬದ ಕಾರಣದಿಂದ..!
ಮಲೇಶಿಯಾದ ಕೌಲಾ ತೆರೇಂಗಾನು ಪ್ರದೇಶದ ಪಾಸರ್ ಕಾಬಾಂಗ್ ತಿಗಾ ಮಾರುಕಟ್ಟೆಯಲ್ಲಿ ಈ ಘಟನೆ ನಡೆದಿದೆ. ಹಬ್ಬದ ತಯಾರಿ ಹಿನ್ನೆಲೆ ತೆಂಗಿನ ಹಾಲಿನ ಬೇಡಿಕೆ ಅತಿಯಾಗಿ ಏರಿಕೆ ಕಂಡಿದೆ. ಸುಮಾರು 20 ಟನ್ ತೆಂಗಿನಿಂದ ತಯಾರಿಸಲಾದ 12,000 ಲೀಟರ್ ತೆಂಗಿನ ಹಾಲು ಕೆಲವೇ ಗಂಟೆಗಳಲ್ಲಿ ಮಾರಾಟವಾಗಿದ್ದು, ಮಾರುಕಟ್ಟೆಯಲ್ಲಿ ಸರಬರಾಜು ಕೊರತೆ ಕಂಡಿತ್ತು.
ಬೇಡಿಕೆ ಹೆಚ್ಚಾಗಿದ್ದರಿಂದ, ವ್ಯಾಪಾರಿಗಳು ಪ್ರತಿ ಗ್ರಾಹಕರಿಗೆ ಗರಿಷ್ಠ 2 ಕೆ.ಜಿ. ಮಾತ್ರ ಮಾರಾಟ ಮಾಡಿದರು. ಈ ಕ್ರಮದಿಂದ ಗೊಂದಲ ನಿಯಂತ್ರಣ ಸಾಧ್ಯವಾದರೂ, ಮಾರುಕಟ್ಟೆಯಲ್ಲಿ ತೆಂಗು ಉತ್ಪನ್ನಗಳ ಕೊರತೆ ಕುರಿತು ಆತಂಕ ಮೂಡಿದೆ.
ಕೃಷಿ ಮತ್ತು ಮೌಲ್ಯವರ್ಧನೆಗೆ ಸಂದೇಶ : ಈ ಘಟನೆ ತೆಂಗಿನಕಾಯಿ ಮೌಲ್ಯವರ್ಧಿತ ಉತ್ಪನ್ನಗಳಾದ ತೆಂಗಿನ ಹಾಲು, ಕೊಕೊನಟ್ ಕ್ರೀಮ್, ವರ್ಜಿನ್ ತೆಂಗಿನೆಣ್ಣೆಗಳಿಗೆ ಜಾಗತಿಕ ಮಟ್ಟದಲ್ಲಿ ಬೇಡಿಕೆ ಹೆಚ್ಚುತ್ತಿರುವುದನ್ನು ಸೂಚಿಸುತ್ತದೆ. ತಜ್ಞರ ಪ್ರಕಾರ, ತೆಂಗಿನ ಉತ್ಪನ್ನ ಸಂಸ್ಕರಣೆ ಮತ್ತು ಸರಬರಾಜು ಬಲಪಡಿಸಿದರೆ ರೈತರಿಗೆ ಹೆಚ್ಚಿನ ಆದಾಯದ ಅವಕಾಶಗಳು ಸೃಷ್ಟಿಯಾಗಬಹುದು. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ ನಮ್ಮ “ದ ರೂರಲ್ ಮಿರರ್.ಕಾಂ”WhatsApp Channel ಗೆ ಇಲ್ಲಿ ಕ್ಲಿಕ್ ಮಾಡಿ
About 12,000 litres of coconut milk produced from 20 tonnes of coconuts were sold out within five hours at a market in Kuala Terengganu, Malaysia, due to festive demand. Traders imposed purchase limits per customer to manage shortages, highlighting the growing demand for coconut-based value-added products.
ಬೇಸಿಗೆಯಲ್ಲಿ ದೇಹದಲ್ಲಿ ನೀರಿನಾಂಶ ಕಡಿಮೆಯಾಗುವುದರಿಂದ ಕಿಡ್ನಿ ಸ್ಟೋನ್ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ.…
ಮಂಗಳೂರು ನಗರದಲ್ಲಿ ಮಳೆಗಾಲದ ಹಿನ್ನೆಲೆ ಜೂನ್ 1ರಿಂದ ಸೆಪ್ಟೆಂಬರ್ 30ರವರೆಗೆ ರಸ್ತೆ, ಗುಡ್ಡ…
ಈಶಾನ್ಯ ಭಾರತದಲ್ಲಿ ಡಿಆರ್ಐ ನಡೆಸಿದ ದಾಳಿಯಲ್ಲಿ ಸುಮಾರು 60 ಸಾವಿರ ಕೆಜಿ ಅಕ್ರಮ…
ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಇನ್ನೂ ಎರಡು ದಿನ ಸಂಜೆ ಹಾಗೂ ರಾತ್ರಿ ಮಳೆಯ…
ಅಡಿಕೆ ಮಾರುಕಟ್ಟೆಗೆ ದೊಡ್ಡ ಕಾರ್ಪೊರೇಟ್ ಸಂಸ್ಥೆಗಳು ಬಂದರೆ ರೈತರಿಗೆ ಆರಂಭದಲ್ಲಿ ಲಾಭದ ಅನುಭವ…
“ಕಾಕ್ರೋಚ್ ಜನತಾ ಪಾರ್ಟಿ” ಬಳಿಕ ಇದೀಗ “ನ್ಯಾಷನಲ್ ಪ್ಯಾರಾಸಿಟಿಕ್ ಫ್ರಂಟ್” ಎಂಬ ಹೊಸ…