ಆಸ್ಟ್ರೇಲಿಯಾದಲ್ಲಿ ನಡೆದ ಪುರುಷರ ಟಿ20 ವಿಶ್ವಕಪ್ 2022ರಲ್ಲಿ ‘ಕೋವಿಡ್-ಪಾಸಿಟಿವ್ ಆಟಗಾರರಿಗೆ’ ‘ಆಡುವ ಪರಿಸ್ಥಿತಿಗಳು’ ಎಂಬ ನಿಯಮಗಳಿಗೆ ಸಂಬಂಧಿಸಿ ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಕೆಲವು ಬದಲಾವಣೆಗಳನ್ನು ಮಾಡಿದೆ. ಈ ಪ್ರಕಾರ ಕೋವಿಡ್ ಪಾಸಿಟಿವ್ ಇದ್ದರೂ ವೈದ್ಯರ ಶಿಫಾರಸು ಇದ್ದರೆ ಆಡಲು ಅವಕಾಶ ಕಲ್ಪಿಸಲಾಗಿದೆ.
ಇತ್ತೀಚಿನ ಐಸಿಸಿ ಆಟದ ಪರಿಸ್ಥಿತಿಗಳ ಪ್ರಕಾರ, ತಂಡದ ವೈದ್ಯರು ಅನುಮತಿ ನೀಡಿದರೆ ಕೊರೊನಾ ಪಾಸಿಟಿವ್ ಇದ್ದರೂ ಆಟಗಾರರಿಗೆ ಆಡಲು ಅನುಮತಿಸಲಾಗುವುದು. ಆದರೆ ಕೋವಿಡ್-ಪಾಸಿಟಿವ್ ಆಟಗಾರನಿಗೆ ತಂಡದ ವೈದ್ಯರಿಂದ ಅಗತ್ಯವಾದ ಕಡ್ಡಾಯ ಅನುಮತಿ ಸಿಗದಿದ್ದರೆ ತಂಡವು ಅವರನ್ನ ಬದಲಾಯಿಸಬಹುದು.
ವರದಿಯ ಪ್ರಕಾರ, ಒಬ್ಬ ಆಟಗಾರನಿಗೆ ಕೊರೊನಾ ವೈರಸ್ ಪಾಸಿಟಿವ್ ಬಂದರೆ, ಪಂದ್ಯಾವಳಿಯ ಸಮಯದಲ್ಲಿ ಆತನಿಗೆ ಯಾವುದೇ ನಿಯಮಿತ ಪರೀಕ್ಷೆ ಇರುವುದಿಲ್ಲ ಅಥವಾ ಪ್ರತ್ಯೇಕವಾಗಿರಬೇಕಾಗಿಲ್ಲ. ಈ ಹಿಂದೆ, ಕೋವಿಡ್-ಪಾಸಿಟಿವ್ ಆಟಗಾರನು ಹಲವಾರು ಕೋವಿಡ್ ಪರೀಕ್ಷೆಗಳನ್ನು ತೆಗೆದುಕೊಳ್ಳಬೇಕಾಗಿತ್ತು ಮತ್ತು ಅವರನ್ನ ಪ್ರತ್ಯೇಕಿಸಲಾಗಿತ್ತು.
