ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಲೋಕಸಭೆಯಲ್ಲಿ ಕೇಂದ್ರ ಬಜೆಟ್ 2026-27 ಅನ್ನು ಮಂಡಿಸಿದರು. ಇದು ಅವರ ಸತತ 9ನೇ ಬಜೆಟ್ ಆಗಿದೆ. ಬಜೆಟ್ ಮಂಡನೆಯ ವೇಳೆ ದೇಶದ ಆರ್ಥಿಕ ಬೆಳವಣಿಗೆಯನ್ನು ವೇಗಗೊಳಿಸಿ ನಿರಂತರವಾಗಿ ಉಳಿಸಿಕೊಳ್ಳಲು ಸರ್ಕಾರವು ಆರು ಪ್ರಮುಖ ಕ್ಷೇತ್ರಗಳಲ್ಲಿ ವಿಶೇಷ ಕ್ರಮಗಳನ್ನು ಕೈಗೊಳ್ಳುವುದಾಗಿ ಸಚಿವೆ ಹೇಳಿದರು.
ಮುಖ್ಯ ಘೋಷಣೆಗಳು : ಆರ್ಥಿಕ ಬೆಳವಣಿಗೆಗಾಗಿ ಆರು ಕ್ಷೇತ್ರಗಳಲ್ಲಿ ಕ್ರಮ –
-
ಏಳು ತಂತ್ರಜ್ಞಾನ ಹಾಗೂ ಮುಂಚೂಣಿ ಕ್ಷೇತ್ರಗಳಲ್ಲಿ ಉತ್ಪಾದನಾ ವಿಸ್ತರಣೆ
-
ಪರಂಪರಗತ ಕೈಗಾರಿಕಾ ವಲಯಗಳ ಪುನಶ್ಚೇತನ
Advertisement -
ಮಾದರಿ ಎಂಎಸ್ಎಂಇ (MSME) ಸಂಸ್ಥೆಗಳ ಅಭಿವೃದ್ಧಿ
-
ಮೂಲಸೌಕರ್ಯ ಕ್ಷೇತ್ರಕ್ಕೆ ಬಲಿಷ್ಠ ಉತ್ತೇಜನ
Advertisement -
ದೀರ್ಘಕಾಲೀನ ಭದ್ರತೆ ಮತ್ತು ಸ್ಥಿರತೆಯ ಖಾತರಿ
-
ನಗರ ಆರ್ಥಿಕ ಪ್ರದೇಶಗಳ ಅಭಿವೃದ್ಧಿ
Advertisement
ಹಣಕಾಸು ಸಚಿವೆ ಹೇಳುವಂತೆ, ಆತ್ಮನಿರ್ಭರ ಭಾರತ ಯೋಜನೆಯಿಂದ ದೇಶೀಯ ಉತ್ಪಾದನಾ ಸಾಮರ್ಥ್ಯ ವೃದ್ಧಿಯಾಗಿದ್ದು, ಶಕ್ತಿಸುರಕ್ಷತೆ ಮತ್ತು ಪ್ರಮುಖ ಆಮದು ಅವಲಂಬನೆ ಕಡಿಮೆಯಾಗಿದೆ. ಸರ್ಕಾರದ ಸುಧಾರಣೆಗಳು ಉದ್ಯೋಗ ಸೃಷ್ಟಿ, ಕೃಷಿ ಉತ್ಪಾದಕತೆ, ಮನೆಮಂದಿಯ ಖರೀದಿ ಶಕ್ತಿ ಮತ್ತು ಜನರಿಗೆ ಸರ್ವಸಾಮಾನ್ಯ ಸೇವೆಗಳ ಒದಗಿಕೆಗೆ ಸಹಕಾರಿಯಾಗಿದೆ ಎಂದರು. ಈ ಸುಧಾರಣೆಯಿಂದ ಸುಮಾರು 7% ಆರ್ಥಿಕ ಬೆಳವಣಿಗೆ ದರ ಸಾಧನೆ ಸಾಧ್ಯವಾಗಿದ್ದು, ಬಡತನ ತಗ್ಗಿಸುವಲ್ಲಿ ಮತ್ತು ಜನಜೀವನ ಸುಧಾರಣೆಯಲ್ಲಿ ಮಹತ್ವದ ಪ್ರಗತಿ ಕಂಡಿದೆ ಎಂದು ಅವರು ತಿಳಿಸಿದರು. ಸರ್ಕಾರದ ಪ್ರತಿಯೊಂದು ಕ್ರಮದಿಂದಲೂ ನಾಗರಿಕರಿಗೆ ನೇರ ಲಾಭ ದೊರೆಯುವಂತೆ ಸರ್ಕಾರ ಖಚಿತಪಡಿಸಿಕೊಂಡಿದೆ ಎಂದು ಹಣಕಾಸು ಸಚಿವೆ ಸ್ಪಷ್ಟಪಡಿಸಿದರು. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ ನಮ್ಮ “ದ ರೂರಲ್ ಮಿರರ್.ಕಾಂ”WhatsApp Channel ಗೆ ಇಲ್ಲಿ ಕ್ಲಿಕ್ ಮಾಡಿ
