ದೇಶದಲ್ಲೇ ಮೊದಲ ಬಾರಿಗೆ ಎಟಿಎಂ ಮೂಲಕ ಬರಲಿದೆ ಚಿನ್ನ….!

ದೇಶದಲ್ಲೇ ಮೊದಲ ಬಾರಿಗೆ ಹೈದರಾಬಾದ್‌ನ ಮೂರು ಸ್ಥಳಗಳಲ್ಲಿ ಚಿನ್ನದ ಎಟಿಎಂಗಳು ಕಾರ್ಯನಿರ್ವಹಸಲಿವೆ. ಗೋಲ್ಡ್ ಸಿಕ್ಕಾ ಕಂಪನಿಯು ಈ ಯೋಜನೆಯನ್ನು ಮಾಡಿದೆ. ಹೈದರಾಬಾದ್‌  ನಗರದಲ್ಲಿ ಗೋಲ್ಡ್ ಎಟಿಎಂಗಳನ್ನು ಸ್ಥಾಪಿಸುವ ಯೋಜನೆಯನ್ನು ಈಗಾಗಲೇ ಪ್ರಕಟಿಸಿದೆ.

Advertisement

ಇನ್ನೆರಡು ತಿಂಗಳಲ್ಲಿ ಹೈದರಾಬಾದ್‌ನ ಅಬಿಡ್ಸ್, ಪಾನ್ ಬಜಾರ್ ಮತ್ತು ಘಾನ್ಸಿ ಬಜಾರ್ ಪ್ರದೇಶಗಳಲ್ಲಿ ಗೋಲ್ಡ್ ಸಿಕ್ಕಾ ಎಟಿಎಂಗಳನ್ನು ಸ್ಥಾಪಿಸಲಾಗುತ್ತದೆ ಎಂದು ಕಂಪನಿಯ ಸಿಇಒ ತರುಜ್ ಹೇಳಿದ್ದಾರೆ. ಮುಂದಿನ ವರ್ಷದಲ್ಲಿ ದೇಶಾದ್ಯಂತ 3,000 ಎಟಿಎಂಗಳನ್ನು ಸ್ಥಾಪಿಸಲು ಯೋಜಿಸಿದೆ ಈ ಕಂಪನಿ. ಇದರಲ್ಲಿ ಶೇ.60-70ರಷ್ಟು ಭಾಗ ಗ್ರಾಮೀಣ ಪ್ರದೇಶದಲ್ಲಿರಲಿದೆ ಎಂದು ಕಂಪನಿ ಮಾಹಿತಿ ನೀಡಿದೆ.‌

ಈ ಎಟಿಎಂಗಳ ಮೂಲಕ 0.5 ಗ್ರಾಂನಿಂದ 100 ಗ್ರಾಂ ಚಿನ್ನದ ನಾಣ್ಯಗಳನ್ನು ಡ್ರಾ ಮಾಡಬಹುದು. ಹಾಗೆ ನಿರಂತರವಾಗಿ ಬದಲಾಗುತ್ತಿರುವ ಚಿನ್ನದ ಬೆಲೆಯನ್ನು ಎಟಿಎಂ ಪರದೆಯ ಮೇಲೆ ಪ್ರದರ್ಶಿಸಲಾಗುವುದು ಮತ್ತು ಗುಣಮಟ್ಟ ಮತ್ತು ಖಾತರಿ ದಾಖಲೆಗಳನ್ನು ಸಹ ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.