IFFCOದಿಂದ ಮಹತ್ವದ ನಿರ್ಧಾರ | NPKS ರಸಗೊಬ್ಬರ ಬೆಲೆ ಕಡಿತ | ರೈತರ ಉತ್ಪಾದನ ವೆಚ್ಚ ತಗ್ಗಿಸಲು ಸಹಾಯ |

ಭಾರತದ ಅತಿದೊಡ್ಡ ರಸಗೊಬ್ಬರ ತಯಾರಕರಾದ ಇಫ್ಕೋ (IFFCO) ಲಿಮಿಟೆಡ್, ವ್ಯಾಪಕವಾಗಿ ಬಳಸಸುವ ಗೊಬ್ಬರದ ಬೆಲೆಯನ್ನು ಸುಮಾರು 14% ರಷ್ಟು ಕಡಿತಗೊಳಿಸಲು ನಿರ್ಧರಿಸಿದೆ ಎಂದು ವರದಿಗಳು ತಿಳಿಸಿವೆ. ಕಂಪನಿಯ ಕಾರ್ಯನಿರ್ವಾಹಕರ ಪ್ರಕಾರ, ಈ ಕ್ರಮವು ಜಾಗತಿಕ ಆಹಾರ ಬಿಕ್ಕಟ್ಟಿನ ವರ್ಷದಲ್ಲಿ ಕೃಷಿ ವೆಚ್ಚಗಳು ಮತ್ತು ಸಬ್ಸಿಡಿಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಹಿಂದುಸ್ತಾನ್‌.ಕಾಮ್‌ ವರದಿ ಮಾಡಿದೆ.

ಉತ್ಪಾದನೆಯಲ್ಲಿ ಹೆಚ್ಚಿನ ದಕ್ಷತೆ, ನ್ಯಾನೊ ರಸಗೊಬ್ಬರಗಳಂತಹ ಹೊಸ ತಂತ್ರಜ್ಞಾನಗಳಿಂದಾಗಿ ಉಳಿತಾಯ ಮತ್ತು ದೇಶೀಯ ಉತ್ಪಾದನಾ ಸಾಮರ್ಥ್ಯದ ಹೆಚ್ಚಳದ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗುತ್ತಿದೆ ಎಂದು IFFCO ಅಧಿಕಾರಿ ತಿಳಿಸಿದ್ದಾರೆ. ಬೆಳೆ ಪೋಷಕಾಂಶಗಳುಳ್ಳ ಗೊಬ್ಬರಗಳನ್ನು ಸರ್ಕಾರವು ಲಕ್ಷಾಂತರ ರೈತರಿಗೆ ಸಬ್ಸಿಡಿ ದರದಲ್ಲಿ ನೀಡುತ್ತದೆ.
IFFCO, ಸಹಕಾರಿ, ಸಂಕೀರ್ಣ ರಸಗೊಬ್ಬರ ಎಂದು ಕರೆಯಲ್ಪಡುವ NPKS ನ ಬೆಲೆಯನ್ನು ಬರೋಬ್ಬರಿ ರೂ 200 ರಿಂದ ರೂ 1200 ರಷ್ಟು ಕಡಿಮೆ ಮಾಡಬಹುದು ಎಂದು ಅಂದಾಜಿಸಲಾಗಿದೆ. ಕೇಂದ್ರದ ರಸಗೊಬ್ಬರ ಸಬ್ಸಿಡಿಯನ್ನು 2023-24ರಲ್ಲಿ ರೂ 1.75 ಲಕ್ಷ ಕೋಟಿ ಎಂದು ಅಂದಾಜಿಸಲಾಗಿದೆ, 2022-23ರ ಪರಿಷ್ಕೃತ ಅಂದಾಜಿಗಿಂತ 22.2% ಕಡಿಮೆಯಾಗಿದೆ. ಆಹಾರ ಮತ್ತು ರಸಗೊಬ್ಬರ ಸಬ್ಸಿಡಿಗಳ ಮೇಲಿನ ದೇಶದ ವೆಚ್ಚವು ಒಟ್ಟು ಸರ್ಕಾರದ ವೆಚ್ಚದ ಹತ್ತನೇ ಭಾಗವನ್ನು ಒಳಗೊಂಡಿದೆ. ಮುಂದಿನ ಐದು ವರ್ಷಗಳಲ್ಲಿ ಹಲವಾರು ಹೊಸ ಕಾರ್ಖಾನೆಗಳನ್ನು ತೆರೆಯಲು ಯೋಜಿಸಲಾಗಿರುವುದರಿಂದ ಯೂರಿಯಾದಂತಹ ಕೆಲವು ರಸಗೊಬ್ಬರಗಳ ಉತ್ಪಾದನೆಯಲ್ಲಿ ಭಾರತವು ಸ್ವಾವಲಂಬನೆ ಸಾಧಿಸುವ ಗುರಿಯನ್ನು ಹೊಂದಿದೆ. ಹೆಚ್ಚಾಗಿ ಪಶ್ಚಿಮಬಂಗಾಳ, ಒರಿಸ್ಸಾ, ತಮಿಳುನಾಡು, ಕರ್ನಾಟಕ ಮತ್ತು ಮಹಾರಾಷ್ಟ್ರಗಳಲ್ಲಿ NP ಗ್ರೇಡ್ 20-20-0-13 ಕಾಂಪ್ಲೆಕ್ಸ್ ಅನ್ನು ಎಣ್ಣೆ ಕಾಳು ಮತ್ತು ಬೇಳೆ ಕಾಳುಗಳನ್ನು ಬೆಳೆಯಲು ಬಳಸಲಾಗುತ್ತದೆ.