ರೈಲ್ವೇ ಪ್ರಯಾಣದಲ್ಲಿ ಆಸ್ಟ್ರೇಲಿಯಾ  ನ್ಯೂಜಿಲೆಂಡ್ ಜನಸಂಖ್ಯೆ ಮೀರಿಸಿದ  ಭಾರತೀಯ ರೈಲ್ವೆ ಇಲಾಖೆ

ದೇಶಾದ್ಯಂತ ಹಬ್ಬದ ಹಿನ್ನೆಲೆಯಲ್ಲಿ ಸುಮಾರು 7.5 ಕೋಟಿ ಪ್ರಯಾಣಿಕರು ವಿಶೇಷ ರೈಲುಗಳ ಮೂಲಕ ಬಿಹಾರ, ಪೂರ್ವ ಉತ್ತರ ಪ್ರದೇಶ ಮತ್ತು ಜಾರ್ಖಂಡ್‌ಗೆ ಪ್ರಯಾಣಿಸಿದ್ದಾರೆ. 24 ಗಂಟೆಗಳಲ್ಲಿ ಭಾರತೀಯ ರೈಲ್ವೆ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ ಜನಸಂಖ್ಯೆಯನ್ನು ಮೀರಿಸಿ ನವೆಂಬರ್ 4 ರಂದು ಅತ್ಯಧಿಕ ದಾಖಲೆಯ ಪ್ರಯಾಣಿಕರನ್ನು ಸಾಗಿಸಿದೆ. ಇದು ಪ್ರಸಕ್ತ ವರ್ಷದ ಅತಿ ಹೆಚ್ಚು ಒಂದು ದಿನ ಪ್ರಯಾಣಿಕರ ಅಂಕಿ-ಅಂಶವಾಗಿದೆ.   ಅಕ್ಟೋಬರ್ 1 ರಿಂದ ನವೆಂಬರ್ 5 ರವರೆಗೆ ಭಾರತೀಯ ರೈಲ್ವೆ ವಿಶೇಷ ರೈಲುಗಳ ಮೂಲಕ ಸುಮಾರು 65 ಲಕ್ಷ ಪ್ರಯಾಣಿಕರಿಗೆ ಸೇವೆ ಕಲ್ಪಿಸಿದೆ. ವಿವಿಧ ಹಬ್ಬಗಳ ಪ್ರಯುಕ್ತ ದೇಶಾದ್ಯಂತ 7666 ವಿಶೇಷ ರೈಲುಗಳ ಸೇವೆ ಕಲ್ಪಿಸಲಾಗಿತ್ತು. ಕಳೆದ ವರ್ಷಕ್ಕಿಂತ ಈ ಬಾರಿ ಶೇಕಡ 73 ರಷ್ಟು ಹೆಚ್ಚಾಗಿದೆ.

Advertisement