ರಾಜ್ಯ ಬಜೆಟ್‌ 2026-27: ಕೃಷಿ, ತೋಟಗಾರಿಕೆ, ಮೀನುಗಾರಿಕೆ ಕ್ಷೇತ್ರಕ್ಕೆ ಹೊಸ ಯೋಜನೆಗಳ ಘೋಷಣೆ

ರಾಜ್ಯ ಬಜೆಟ್‌ 2026-27ರಲ್ಲಿ ಕೃಷಿ, ತೋಟಗಾರಿಕೆ, ಮೀನುಗಾರಿಕೆ ಕ್ಷೇತ್ರಗಳ ಜೊತೆಗೆ ಗ್ರಾಮೀಣ ಅಭಿವೃದ್ಧಿ ಮತ್ತು ಪರಿಸರ ಸಂರಕ್ಷಣೆಗೆ ಸರ್ಕಾರ ಪ್ರಮುಖ ಆದ್ಯತೆ ನೀಡಿದೆ. ರೈತರ ಆದಾಯ ಹೆಚ್ಚಿಸುವುದು, ಗ್ರಾಮೀಣ ಮೂಲಸೌಕರ್ಯ ಬಲಪಡಿಸುವುದು ಹಾಗೂ ಪರಿಸರ ಸ್ನೇಹಿ ಅಭಿವೃದ್ಧಿಗೆ ಹಲವು ಯೋಜನೆಗಳನ್ನು ಘೋಷಿಸಲಾಗಿದೆ.

ಕೃಷಿ ಕ್ಷೇತ್ರಕ್ಕೆ ಪ್ರಮುಖ ಘೋಷಣೆಗಳು :  ರಾಜ್ಯದ ಕೃಷಿ ಅಭಿವೃದ್ಧಿಗೆ ನಾಲ್ಕು ಪ್ರಮುಖ ಆಧಾರ ಸ್ತಂಭಗಳಾದ ವೈಜ್ಞಾನಿಕ ಕೃಷಿ ಮಾರ್ಗದರ್ಶನ, ಹಣಕಾಸು ನೆರವು, ಗುಣಮಟ್ಟದ ಕೃಷಿ ಉಪಕರಣಗಳು ಮತ್ತು ಬೆಳೆ ನಂತರದ ಸಂಗ್ರಹಣಾ ವ್ಯವಸ್ಥೆಗಳನ್ನು ಬಲಪಡಿಸಲು ಕ್ರಮ ಕೈಗೊಳ್ಳಲಾಗಿದೆ.

• ಮುಂದಿನ ಮೂರು ವರ್ಷಗಳಲ್ಲಿ ‘ಮುಖ್ಯಮಂತ್ರಿಗಳ ಕೃಷಿ ವಿಸ್ತಾರ ಯೋಜನೆ’ಗೆ ₹100 ಕೋಟಿ ಮೀಸಲು.

• ಸಿರಿಧಾನ್ಯ (ಮಿಲೆಟ್) ಮತ್ತು ಸಾವಯವ ಉತ್ಪನ್ನಗಳ ಉತ್ತೇಜನಕ್ಕೆ ‘ಮಿಲೆಟ್ ಹಬ್’ ವ್ಯವಸ್ಥೆ.

• ಇಲಾಖೆಯ ಎಲ್ಲಾ ಪ್ರಯೋಗಾಲಯಗಳಿಗೆ NABL ಮಾನ್ಯತೆ ನೀಡುವ ಯೋಜನೆ.

• ಹೊಸ ದ್ವಿದಳ ಧಾನ್ಯ ಬೀಜಗಳ ಸಹಾಯಧನ ಹೆಚ್ಚಳ.

• ಪರಿಸರ ಸ್ನೇಹಿ ಕೃಷಿಗೆ ‘ವಸುದಾಮೃತ’ ಕಾರ್ಯಕ್ರಮ.

• ಕೀಟ-ರೋಗ ನಿಯಂತ್ರಣಕ್ಕೆ ‘ಸಸ್ಯ ಸಂಜೀವಿನಿ’ ಯೋಜನೆ.

• AI ತಂತ್ರಜ್ಞಾನದಿಂದ ರೈತ ಕರೆ ಕೇಂದ್ರ ಉನ್ನತೀಕರಣ.

• ಕೃಷಿ ವೆಚ್ಚ ಕಡಿಸಲು ಹೈಟೆಕ್ ಹಾರ್ವೆಸ್ಟರ್ ಹಬ್ ಸ್ಥಾಪನೆ.

• ಮಂಡ್ಯ ಜಿಲ್ಲೆಯ ಪಾಂಡವಪುರವನ್ನು ಸಂಪೂರ್ಣ ಸಾವಯವ ತಾಲ್ಲೂಕುಗಾಗಿಸುವ ಯೋಜನೆ.

ತೋಟಗಾರಿಕೆ ಕ್ಷೇತ್ರಕ್ಕೆ ಉತ್ತೇಜನ :  ತೋಟಗಾರಿಕೆ ಉತ್ಪನ್ನಗಳ ಮೌಲ್ಯವರ್ಧನೆ ಹಾಗೂ ಸಂಗ್ರಹಣಾ ವ್ಯವಸ್ಥೆಗೆ ಹೊಸ ಯೋಜನೆಗಳನ್ನು ಸರ್ಕಾರ ಘೋಷಿಸಿದೆ.

• ತೋಟಗಾರಿಕೆ ಇಲಾಖೆಯ ಕ್ಷೇತ್ರಗಳಲ್ಲಿ PPP ಮಾದರಿಯಲ್ಲಿ ಕೈಗಾರಿಕೆಗಳ ಸ್ಥಾಪನೆ.

• ಅಡಿಕೆ ಮತ್ತು ತೆಂಗು ಬೆಳೆಗಳಲ್ಲಿ ರೋಗ-ಕೀಟ ನಿಯಂತ್ರಣಕ್ಕೆ ₹10 ಕೋಟಿ.

• ತೋಟಗಾರಿಕೆ ಉತ್ಪನ್ನಗಳ ಸಂಗ್ರಹಣೆಗೆ ₹64 ಕೋಟಿಯಲ್ಲಿ 12,000 ಮೆಟ್ರಿಕ್ ಟನ್ ಸಾಮರ್ಥ್ಯದ ಎರಡು ಶೀತಲಗೃಹಗಳು.

• ಮೈಸೂರು ಲಿಂಗಾಂಬುಧಿ ಸಸ್ಯತೋಟದ ಅಭಿವೃದ್ಧಿ.

• ನೀರಿನ ಸಂರಕ್ಷಣೆ ಹಾಗೂ ರೋಗ ತಡೆಗೆ ಮಣ್ಣಿಲ್ಲದ ಕೃಷಿ (soilless farming) ಉತ್ತೇಜನ.

ಮೀನುಗಾರಿಕೆ ಕ್ಷೇತ್ರಕ್ಕೆ ಪ್ರಮುಖ ಕ್ರಮಗಳು :  ಕರಾವಳಿ ಹಾಗೂ ಒಳನಾಡು ಮೀನುಗಾರಿಕೆ ಅಭಿವೃದ್ಧಿಗೆ ಮೂಲಸೌಕರ್ಯ ಹೆಚ್ಚಿಸುವ ಯೋಜನೆಗಳನ್ನು ಬಜೆಟ್‌ನಲ್ಲಿ ಘೋಷಿಸಲಾಗಿದೆ.

• ಮೀನುಗಾರರಿಗೆ ನೀಡುವ ಉಚಿತ ಉಪಕರಣ ಕಿಟ್ ಘಟಕ ವೆಚ್ಚ ₹20,000ಕ್ಕೆ ಹೆಚ್ಚಳ.

• ಮಂಗಳೂರು ಮೀನುಗಾರಿಕೆ ಮಹಾವಿದ್ಯಾಲಯದಲ್ಲಿ Centre of Excellence ಸ್ಥಾಪನೆ.

• ಬೆಳಗಾವಿ, ದಾವಣಗೆರೆ, ಹುಬ್ಬಳ್ಳಿ ಮತ್ತು ಚಿಕ್ಕಮಗಳೂರಿನಲ್ಲಿ ಮತ್ಸ್ಯ ಪ್ರದರ್ಶನ ಕೇಂದ್ರಗಳು.

• ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಉಡುಪಿ ಹಾಗೂ ಬಾಗಲಕೋಟೆಯಲ್ಲಿ ಅತ್ಯಾಧುನಿಕ ಮೀನು ಮಾರುಕಟ್ಟೆಗಳ ನಿರ್ಮಾಣ.

• ಮೀನುಗಾರಿಕಾ ಕೆರೆಗಳ ನಿರ್ವಹಣೆಗೆ ₹20 ಕೋಟಿ ಅನುದಾನ.

ಸಹಕಾರ ಕ್ಷೇತ್ರ:  ರೈತರಿಗೆ ಹಣಕಾಸು ನೆರವಿಗಾಗಿ ಸಹಕಾರ ಕ್ಷೇತ್ರಕ್ಕೂ ಬಜೆಟ್‌ನಲ್ಲಿ ಒತ್ತು ನೀಡಲಾಗಿದೆ.

• 38 ಲಕ್ಷ ರೈತರಿಗೆ ಶೂನ್ಯ ಬಡ್ಡಿದರದಲ್ಲಿ ₹30,000 ಕೋಟಿ ಕೃಷಿ ಸಾಲ ವಿತರಣೆ ಗುರಿ.

• 1,628 PACS ಸಂಘಗಳ ಗಣಕೀಕರಣ.

ಗ್ರಾಮೀಣ ಅಭಿವೃದ್ಧಿಗೆ ವಿಶೇಷ ಒತ್ತು :  ಗ್ರಾಮೀಣ ಮೂಲಸೌಕರ್ಯ ಮತ್ತು ಗ್ರಾಮ ಪಂಚಾಯಿತಿಗಳ ಆರ್ಥಿಕ ಬಲವರ್ಧನೆಗೆ ಹಲವು ಕ್ರಮಗಳನ್ನು ಬಜೆಟ್‌ನಲ್ಲಿ ಘೋಷಿಸಲಾಗಿದೆ.

• 7,110 ಕಿ.ಮೀ ಗ್ರಾಮೀಣ ರಸ್ತೆ ಅಭಿವೃದ್ಧಿಗೆ ‘ಪ್ರಗತಿ ಪಥ’ ಯೋಜನೆ.

• ಗ್ರಾಮ ಪಂಚಾಯಿತಿಗಳಿಗೆ ಹಣಕಾಸು ಹಂಚಿಕೆಯನ್ನು 48% ರಿಂದ 50%ಕ್ಕೆ ಹೆಚ್ಚಳ.

• ಜಲ ಜೀವನ್ ಮಿಷನ್ ಯೋಜನೆಗೆ ₹10,433 ಕೋಟಿ ಅನುದಾನ.

• 1,000 ಮೇಲ್ಮಟ್ಟ ಜಲ ಸಂಗ್ರಹ ಟ್ಯಾಂಕ್‌ಗಳ ನಿರ್ವಹಣೆ ಹಾಗೂ ಪುನರುಜ್ಜೀವನ.

• ಗ್ರಾಮ ಪಂಚಾಯಿತಿಗಳ ಆರ್ಥಿಕ ಬಲವರ್ಧನೆಗೆ LEAP ಕಾರ್ಯಕ್ರಮಕ್ಕೆ ₹25 ಕೋಟಿ.

• ಎಲ್ಲಾ ಗ್ರಾಮ ಪಂಚಾಯಿತಿಗಳಿಗೆ ‘ಮಹಾತ್ಮ ಗಾಂಧಿ ಗ್ರಾಮ ಪಂಚಾಯಿತಿ’ ಎಂಬ ಹೆಸರು.

ಪರಿಸರ ಮತ್ತು ಹಸಿರು ಅಭಿವೃದ್ಧಿಗೆ ಕ್ರಮಗಳು : ಪರಿಸರ ಸಂರಕ್ಷಣೆ ಹಾಗೂ ಹಸಿರು ನಗರ-ಗ್ರಾಮ ಅಭಿವೃದ್ಧಿಗೂ ಬಜೆಟ್‌ನಲ್ಲಿ ಆದ್ಯತೆ ನೀಡಲಾಗಿದೆ.

• ನಗರ ಪ್ರದೇಶಗಳಲ್ಲಿ 100 Miyawaki ಮಾದರಿಯ ಹಸಿರು ಉದ್ಯಾನಗಳ ನಿರ್ಮಾಣ.

• ಸೌರ ವಿದ್ಯುತ್ ಉತ್ಪಾದನೆಗೆ KUSUM-C ಯೋಜನೆ.

• ಮುಖ್ಯಮಂತ್ರಿ ಸೌರ ಕೃಷಿ ಯೋಜನೆ ಮೂಲಕ 3000 ಮೆಗಾವಾಟ್ ವಿದ್ಯುತ್ ಉತ್ಪಾದನೆ.

• ಸೌರ ಮೈಕ್ರೋಗ್ರಿಡ್ ಮೂಲಕ ಗ್ರಾಮೀಣ ವಿದ್ಯುತ್ ವ್ಯವಸ್ಥೆ ಬಲಪಡಿಸುವ ಯೋಜನೆ

• ನಗರಗಳಲ್ಲಿ ಹಸಿರು ಪ್ರದೇಶ ಹೆಚ್ಚಿಸಲು ಮತ್ತು ಪರಿಸರ ಸಮತೋಲನ ಕಾಪಾಡಲು ಈ ಯೋಜನೆ.

• ನೀರಿನ ಸಂರಕ್ಷಣೆ ಮತ್ತು ಪರಿಸರ ಸ್ನೇಹಿ ಕೃಷಿಗೆ ‘ವಸುದಾಮೃತ’ ಕಾರ್ಯಕ್ರಮ.

• ಮಣ್ಣಿನ ಆರೋಗ್ಯ ಮತ್ತು ಪರಿಸರ ಸಂರಕ್ಷಣೆಗೆ ಈ ಯೋಜನೆ ಸಹಕಾರಿ.

ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

The Karnataka Budget 2026-27 emphasizes agriculture, horticulture, fisheries, rural development, and environmental sustainability. Key announcements include a ₹100 crore agricultural expansion scheme, millet hub, pest control support for arecanut and coconut crops, cold storage infrastructure, and modern fish markets. The budget also focuses on rural roads, drinking water projects, solar agriculture, and green initiatives such as Miyawaki forests.