Weather Mirror | 10-02-2024 | ರಾಜ್ಯದಲ್ಲಿ ಒಣ ಹವರ ಮುಂದುವರಿಕೆ | ಕೆಲವು ಕಡೆ ಮಳೆ ನಿರೀಕ್ಷೆ | ಫೆ.20 ರ ನಂತರ ರಾಜ್ಯದಲ್ಲೂ ಮಳೆ ಸಾಧ್ಯತೆ |

February 10, 2024

9:47 PM

ಸದ್ಯ ರಾಜ್ಯದಲ್ಲಿ ಒಣ ಹವೆ. ದೇಶದ ಕೆಲವು ಕಡೆ ಮಳೆ. ರಾಜ್ಯದಲ್ಲಿ ಫೆ.20 ರ ನಂತರ ಮಳೆ ಸಾಧ್ಯತೆ ಇದೆ.

ಸಾಯಿಶೇಖರ್ ಕರಿಕಳ

11.02.2024ರ ಬೆಳಿಗ್ಗೆ 8 ಗಂಟೆವರೆಗಿನ ಕರ್ನಾಟಕದ ಹವಾಮಾನ ಮುನ್ಸೂಚನೆ :

ಕಾಸರಗೋಡು ಹಾಗೂ ದಕ್ಷಿಣ ಕನ್ನಡದ ಮಂಗಳೂರು ತೀರ ಭಾಗಗಳಲ್ಲಿ ಒಂದೆರಡು ಕಡೆ ಮೋಡದ ವಾತಾವರಣದ ಮುನ್ಸೂಚನೆ. ಉಳಿದ ಕರಾವಳಿ ಭಾಗಗಳಲ್ಲಿ ಒಣ ಹವೆ ಮುಂದುವರಿಯಲಿದೆ.ಕೊಡಗು, ಹಾಸನ, ಚಿಕ್ಕಮಗಳೂರು ಹಾಗೂ ಶಿವಮೊಗ್ಗ ಜಿಲ್ಲೆಗಳಲ್ಲಿ ಸಹ ಒಣ ಹವೆ ಮುಂದುವರಿಯಲಿದೆ.

ಬೀದರ್, ಯಾದಗಿರಿ ಹಾಗೂ ಕಲಬುರ್ಗಿ ಜಿಲ್ಲೆಗಳ ಅಲ್ಲಲ್ಲಿ ಮೋಡದ ವಾತಾವರಣದ ಮುನ್ಸೂಚನೆ ಇದೆ. ಕಲಬುರ್ಗಿ – ಮಹಾರಾಷ್ಟ್ರ ಗಡಿ ಭಾಗಗಳ ಒಂದೆರಡು ಕಡೆ ತುಂತುರು ಮಳೆಯ ಸಾಧ್ಯತೆಯೂ ಇದೆ. ಉಳಿದ ಕರ್ನಾಟಕದ ಭಾಗಗಳಲ್ಲಿ ಒಣ ಹವೆ ಮುಂದುವರಿಯಲಿದೆ. ರಾಜ್ಯದಲ್ಲಿ ಮುಂದಿನ 10 ದಿನಗಳವರೆಗೂ ಒಣ ಹವೆ ಮುಂದುವರಿಯಲಿದೆ.

ತೆಲಂಗಾಣದ ಕರೀಂನಗರ, ಮಹಾರಾಷ್ಟ್ರದ ಚಂದ್ರಪುರ, ನಾಗಪುರ ಹಾಗೂ ಅಮರಾವತಿ ಸುತ್ತಮುತ್ತ ಭಾಗಗಳಲ್ಲಿ ಗುಡುಗಿನೊಂದಿಗೆ ಸಾಮಾನ್ಯ ಮಳೆಯ ಮುನ್ಸೂಚನೆ ಇದೆ. ರಾಜ್ಯದಲ್ಲಿ ಫೆ.20 ರ ನಂತರ ಮಳೆ ಸಾಧ್ಯತೆ ಇದೆ. ಶೇ. 50 ರಷ್ಟು ಮಾತ್ರಾ ನಿರೀಕ್ಷೆ ಇದ್ದು, ಬದಲಾಗುವ ಸಾಧ್ಯತೆ ಇದೆ.