ಹೋಗೋಣ ಬನ್ನಿ ಮಧುವನಕ್ಕೆ | ಕೃಷಿಯ ಜೊತೆಗೆ ಬದಲಾವಣೆಗೊಂದು ದಾರಿ….

ಮಲೆನಾಡಿನ(Malenadu) ಕೃಷಿಯಲ್ಲಿ(Agriculture) ದಿನಕ್ಕೊಂದು ಸಮಸ್ಯೆಗಳು ಎದುರಿಸುತ್ತಿದ್ದೇವೆ. ಇದು ದಿನ, ದಿನ ಹೆಚ್ಚಾಗುತ್ತಿದೆ. ಇವುಗಳ ನಡುವೆ ರೈತರಿಗೊಂದು(Farmer) ಸಂತೋಷದ ವಿಷಯ ಇಲ್ಲಿದೆ. ಮಾರುಕಟ್ಟೆಯಲ್ಲಿ(Market) ಸಿಗುವ ಕಲಬೆರಿಕೆ ಜೇನುತುಪ್ಪ(Blended honey) ಎಂತಹ ಅಪಾಯಕಾರಿ ಎಂದು ತಿಳಿದವರಿಗೆ ಗೊತ್ತು. ಇದಕ್ಕೊಂದು ಕಡಿವಾಣ ಹಾಕಬೇಕು ಎಂದು ಮನಗಂಡು ಮೊದಲಿನಿಂದಲೂ ಜೇನು ಕೃಷಿಯ(Bee farming) ಬಗ್ಗೆ ಅಪಾರ ಆಸಕ್ತಿ ಇರುವ ಒಂದೇ ಮನಸ್ಥಿತಿಯ ಯುವಕರು ಒಟ್ಟಾಗಿ ಒಂದು ಸಂಸ್ಥೆಯನ್ನು ಹುಟ್ಟು ಹಾಕಿ ಪ್ರಾರಂಭಿಸಿದ್ದಾರೆ.

ಜೇನು ಕೃಷಿ: Gaav Naturels ಎಂಬ ಹೆಸರಿನೊಂದಿಗೆ 2014ರಲ್ಲಿ ಗಣೇಶ್ ಹಾಗೂ ಅರುಣ್ ಎಂಬುವವರ ಕನಸಿನ ಕೂಸು ಇದಾಗಿದೆ. ಮೂಲತಃ ತೀರ್ಥಹಳ್ಳಿಯವರು ಇವರ ಜೊತೆಗೆ ವಿಶ್ರುತ್ ಹಾಗೂ ಆಶ್ರಿತ್ ಕೋಣಂದೂರು ಕೈಜೋಡಿಸಿದರು. ಎಲ್ಲರೂ ಉದ್ಯೋಗ ಆರಿಸಿ ಹೊರ ಊರಲ್ಲಿದ್ದು ನಾವು ಹುಟ್ಟಿದ ಊರಲ್ಲಿ ಏನಾದರೂ ಒಂದು ಸಾಧನೆ ಮಾಡಬೇಕೆಂದು ಹಾಗೂ ರೈತರಿಗೂ ಹೊರೆಯಾಗದೆ ಅವರ ಜೀವನಕ್ಕೂ ಒಂದು ದಾರಿಯಾಗಬೇಕು. ಹಾಗೂ ಉತ್ತಮ ಗುಣಮಟ್ಟದ ಮೌಲ್ಯವರ್ಧನೆ ಮಾಡಿದ ಜೇನುತುಪ್ಪ ಮಾರುಕಟ್ಟೆಯಲ್ಲಿ ಸಿಗಬೇಕೆಂದು ಹೊರಟಂತಹ ಟೀಮ್ ಇವರದ್ದು. ಈ ಟೀಮ್ ಗೆ ಸಹಕಾರವಾಗಿ ನಿಂತವರು ಪವನ್, ಸೌಮ್ಯ ಪೂರ್ಣೇಶ್ ಚಿಕ್ಕಳೂರು, ಗೀತಾ, ಚಂದ್ರಶೇಖರ್, ಚರಣ್, ನವ್ಯಶ್ರೀ, ಮಂಜುನಾಥ್ ,ಸಲೀಂ, ನಿತಿನ್ ರವರು.

ನೀವು ಜೇನು ಕೃಷಿಕರಾಗಬೇಕೆ? ನನಗೆ ಆಸಕ್ತಿ ಇದೆ ಜೇನು ಕೃಷಿ ಮಾಡಲು ಆಗುತ್ತಿಲ್ಲ ಕೆಲಸದ ಒತ್ತಡದಿಂದ.,  ನಾವು ಮನೆಯಲ್ಲಿ ಹಿರಿಯರಾಗಿ ಇಬ್ಬರೇ ಇರುವುದು ಜೇನು ಕೃಷಿ ಮಾಡಲು ಆಸಕ್ತಿ ಇದೆ ಆದರೆ ಆಗುತ್ತಿಲ್ಲ.,  ನಾನು ಉದ್ಯೋಗ ನಿಮಿತ್ತ ಹೊರ ಊರಲ್ಲಿ ಇದ್ದೇನೆ .ಜೇನು ಕೃಷಿ ಬಗ್ಗೆ ಆಸಕ್ತಿ ಇದೆ. ಆದರೆ ಅದನ್ನು ಮಾಡಲು ಆಗುತ್ತಿಲ್ಲ ಊರಲ್ಲಿ ಜಮೀನಿನಲ್ಲಿ,  ತುಂಬಾ ಜಮೀನಿದೆ ಜೇನು ಕೃಷಿಯಿಂದ ಆದಾಯವು ಹೆಚ್ಚಾಗುತ್ತದೆ ಕೃಷಿಯಲ್ಲಿ ನಮಗೆ ಜೇನು ಕೃಷಿ ಮಾಡಲು ಆಗುತ್ತಿಲ್ಲ ಆಸಕ್ತಿ ಇದೆ., ನಮ್ಮ ಮನೆ ಪೇಟೆಯಲ್ಲಿ ಇರುವುದು. ಜೇನು ಕೃಷಿ ಮಾಡಬೇಕೆಂದು ಆಸಕ್ತಿ ಇದೆ .ಆದರೆ ಅದನ್ನು ತಂದು ಕೊಡುವವರು ಯಾರು ಅದನ್ನು ನಿರ್ವಹಣೆ ಮಾಡುವವರು ಯಾರು ಎಂಬ ಕಾರಣಗಳು.,  ನಮಗೆ ಕಲಬೆರಿಕೆ ರಹಿತ ಜೇನುತುಪ್ಪ ಬೇಕೆಂಬ ಆಸೆ. ಇಂತಹ ಅನೇಕ ಸಮಸ್ಯೆಗಳಿಗೆ ಇಲ್ಲಿದೆ ಉತ್ತರ:

Gaav Naturels ಜೇನು ಕೃಷಿಯ ವಿಶೇಷತೆ: ಜೇನು ಪೆಟ್ಟಿಗೆ, ಜೊತೆಗೆ ಜೇನು, ಜೇನು ಸ್ಟ್ಯಾಂಡ್ ಅನ್ನು ಡೋರ್ ಡೆಲಿವರಿ ಕೊಡುತ್ತಾರೆ. ಒಂದು ಜೇನು ಪೆಟ್ಟಿಗೆಗೆ 4600 ಚಾರ್ಜ್ ಮಾಡುತ್ತಾರೆ. ಜೊತೆಗೆ ಒಂದು ವರ್ಷ ಪ್ರತಿ ತಿಂಗಳು ಬಂದು ಸರ್ವಿಸ್ ಕೊಡುತ್ತಾರೆ. ಉತ್ತಮ ಗುಣಮಟ್ಟದ ಜೇನುಪೆಟ್ಟಿಗೆ ಸ್ಟ್ಯಾಂಡ್ ಸೂಪರ್ ಅಡಿಮಣೆ, ಸಂಸಾರ ಕೋಣೆ, ಇರುವೆ ಬರದ ಹಾಗೆ ವಾಟರ್ ಕಪ್ ಜೊತೆಗೆ ಜೇನನ್ನು ಕೂರಿಸಿ ಕೊಡುತ್ತಾರೆ. ಮಧ್ಯ ಎಲ್ಲಾದರೂ ಜೇನು ಬಿಟ್ಟು ಹೋದರೆ ಹೊಸದಾಗಿ ತಂದುಕೂರಿಸುತ್ತಾರೆ. ಇದು ಒಂದು ವರ್ಷದ ಒಂದು ಜೇನುಪೆಟ್ಟಿಗೆಗೆ ಇವರ ಸರ್ವಿಸ್.

ಒಂದು ವರ್ಷದ ನಂತರ: ಒಂದು ಬಾಕ್ಸಿಗೆ ತಿಂಗಳಿಗೆ 100 ರೂ ಚಾರ್ಜ್ ಮಾಡುತ್ತಾರೆ ಬಂದು ಹೋದರೆ. ಅದು ರೈತರಿಗೆ ಬಿಟ್ಟ ವಿಚಾರ. ನಾವೇ ಅದನ್ನು ನೋಡಿಕೊಳ್ಳುತ್ತೇವೆ ಎಂದರು ತೊಂದರೆ ಇಲ್ಲ. ಯಾರಿಗಾದರೂ ನೋಡಿಕೊಳ್ಳಲು ಕಲಿಸಿಕೊಡಿ ಎಂದರೆ ಅದನ್ನು ಕಲಿಸಿಕೊಡುತ್ತಾರೆ. ಇನ್ನೊಂದು ಇಲ್ಲಿ ಒಟ್ಟು ತುಪ್ಪದಲ್ಲಿ 30 ಪರ್ಸೆಂಟ್ ನಮಗೆ 70 ಪರ್ಸೆಂಟ್ ಅವರಿಗೆ ಈ ರೀತಿ ಮಾಡಲು ಇವರಲ್ಲಿ ಅವಕಾಶ ಲಭ್ಯವಿದೆ ಒಂದು ವರ್ಷದ ನಂತರ.

ಇದುವರೆಗೆ 2500 ಜೇನು ಪೆಟ್ಟಿಗೆಯನ್ನು ಕೊಟ್ಟು ಇವರ ತಂಡ ಅದನ್ನು ನಿರ್ವಹಿಸುತ್ತಿದೆ. ಈ ತಂಡದಲ್ಲಿ ಒಟ್ಟು 12 ಜನ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ. ಈ ವರ್ಷ ಸುಮಾರು 10 ಟನ್ ಜೇನುತುಪ್ಪ ಇವರ ನಿರೀಕ್ಷೆಯಲ್ಲಿ ಇದೆ.

ಸಂಸ್ಕರಿಸಿದ ಜೇನುತುಪ್ಪ ಇವರೇ ಬೇಕಾದರೂ ತೆಗೆದುಕೊಳ್ಳುತ್ತಾರೆ. ಒಂದು ವರ್ಷಕ್ಕೆ ಒಂದು ಜೇನುಪೆಟ್ಟಿಗೆಯಲ್ಲಿ ಆರರಿಂದ ಹತ್ತು ಕೆಜಿ ಜೇನುತುಪ್ಪ ಸಿಗುತ್ತದೆ. ಮಾರುಕಟ್ಟೆಯಲ್ಲಿ ಶುದ್ಧವಾದ ಜೇನುತುಪ್ಪಕ್ಕೆ1 ಕೆಜಿಗೆ 800 ರಿಂದ 1000 ತನಕ ಇದೆ. ನಮಗೆ ಮಾರಾಟ ಮಾಡಲು ಆಗದಿದ್ದರೆ ಇವರೇ ಮಾರುಕಟ್ಟೆಯ ಬೆಲೆಗೆ ಇವರೆ ತೆಗೆದುಕೊಳ್ಳುತ್ತಾರೆ. ಕೃಷಿಯಲ್ಲಿ ಬದಲಾವಣೆ ಬೇಕಾಗಿದೆ ಒಂದು ವಿಶೇಷ ರೀತಿಯಲ್ಲಿ ತನ್ನ ಸಂಸ್ಥೆಯು ಬೆಳೆಯುವುದರ ಜೊತೆಗೆ ರೈತರಿಗೆ ಅನುಕೂಲ ಮಾಡಿಕೊಡುತ್ತಿದೆ.
ಆಸಕ್ತರು ಸಂಪರ್ಕಿಸಬಹುದು.  9480978092,  7349417739,  9980179769