ಸುಳ್ಯ ತಾಲೂಕಿನ ವಿವಿದೆಡೆ ಧಾರಾಕಾರ ಮಳೆ

ಮುಂಗಾರು ಮಳೆ ಆರಂಭವಾದರೂ ಮುಂಗಾರು ಮಾರುತ ಚುರುಕಾಗಲಿಲ್ಲ. ಹೀಗಾಗಿ ಮಳೆಗಾಲದ ವಾತಾವರಣ ಕಂಡುಬಂದಿರಲಿಲ್ಲ. ಆದರೆ ಶುಕ್ರವಾರ ಸಂಜೆ ಗುಡುಗು ಸಹಿತ ಧಾರಾಕಾರ ಮಳೆ ಸುಳ್ಯ ತಾಲೂಕಿನ ವಿವಿದೆಡೆ ಕಂಡುಬಂದಿದೆ. ಬಳ್ಪ,  ಕಮಿಲ, ಗುತ್ತಿಗಾರು ಸೇರಿದಂತೆ ವಿವಿಧ ಕಡೆಗಳಲ್ಲಿ ಉತ್ತಮ ಮಳೆಯಾಗಿದೆ. ಬಳ್ಪದಲ್ಲಿ ಒಂದು ಗಂಟೆಯಲ್ಲಿ 110 ಮಿಮೀ ಗಿಂತಲೂ ಅಧಿಕ ಮಳೆಯಾಗಿದೆ.  ಉಳಿದಂತೆ ರಾಜ್ಯದ  ವಿವಿದೆಡೆ ಮಳೆಯಾಗಿದೆ. ಧರ್ಮಸ್ಥಳ, ಪುತ್ತೂರು ತಾಲೂಕಿನ ವಿವಿಧ ಕಡೆ, ಬೆಳ್ತಂಗಡಿ, ಪಾವಗಡ, ತುಮಕೂರು,  ಚಿಕ್ಕಮಗಳೂರು, ಕಳಸ ಮೊದಲಾದ ಕಡೆಗಳಲ್ಲಿ ಮಳೆಯಾಗಿದೆ.