ಮಳೆ…ಮಳೆ..| ಚೆಂಬು ಪ್ರದೇಶದಲ್ಲಿ ಎರಡನೇ ದಿನವೂ ಉತ್ತಮ ಮಳೆ | ಹಲವು ಕಡೆಗಳಲ್ಲಿ 100 ಮಿಮೀ + ಮಳೆ |

ಚೆಂಬು ಪ್ರದೇಶದಲ್ಲಿ ಎರಡನೇ ದಿನವೂ ದಾಖಲೆಯ ಮಳೆಯಾಗಿದೆ. ಕಳೆದ 24 ಗಂಟೆಯಲ್ಲಿ 194 ಮಿಮೀ ಮಳೆಯಾಗಿದ್ದು ಸುಳ್ಯ ತಾಲೂಕಿನ ಹಲವು ಕಡೆಗಳಲ್ಲಿ ಎರಡನೇ ದಿನವೂ 100 ಮಿಮೀ ಗಿಂತಲೂ ಅಧಿಕ ಮಳೆಯಾಗಿದೆ.

ಮಡಿಕೇರಿ ತಾಲೂಕು ಎಂ ಚೆಂಬು ಪ್ರದೇಶದಲ್ಲಿ  ಕಳೆದ 24 ಗಂಟೆಯಲ್ಲಿ 194 ಮಿಮೀ ಮಳೆ ದಾಖಲಾಗಿದೆ. ರಾತ್ರಿ ಇಡೀ ಮಳೆ ಸುರಿಯುತ್ತಿತ್ತು.
ಕಳೆದ 24 ಗಂಟೆಗಳಲ್ಲಿ ಸುಳ್ಯ ತಾಲೂಕಿನ ಹಲವು ಕಡೆಗಳಲ್ಲಿ  100 ಮಿಮೀ ಗಿಂತಲೂ ಅಧಿಕ ಮಳೆಯಾಗಿದೆ. ಸುಳ್ಯದಲ್ಲಿ 114 ಮಿಮೀ ಮಳೆಯಾದರೆ ಕೊಲ್ಲಮೊಗ್ರ 116, ಮಡಪ್ಪಾಡಿಯಲ್ಲಿ 110, ಕಮಿಲದಲ್ಲಿ 100 ಮಿಮೀ, ಹರಿಹರ 107 ಮಿಮೀ, ಬಳ್ಪ 98 ಮಿಮೀ, ಕಲ್ಲಾಜೆ 140 ಮಿಮೀ, ಸುಬ್ರಹ್ಮಣ್ಯ 104 ಮಿಮೀ , ಚೊಕ್ಕಾಡಿ 114 ಮಿಮೀ ಮಳೆಯಾಗಿದೆ.

ಭಾರೀ ಮಳೆಯ ಕಾರಣದಿಂದ ಸಂಪಾಜೆ ಹಾಗೂ ಆಸುಪಾಸಿನ ಪ್ರದೇಶಗಳಲ್ಲಿ ಸಣ್ಣಪುಟ್ಟ ಕುಸಿತಗಳು, ಮರಗಳು ಬೀಳುತ್ತಿದೆ.