ಅಡಿಕೆಯ ವೈಜ್ಞಾನಿಕ ವರ್ಗೀಕರಣ, ಸಂಶೋಧನಾ ಮಿತಿಗಳು ಮತ್ತು ಪುನರ್‌ಪರಿಶೀಲನೆಯ ಅಗತ್ಯ

ಅಡಿಕೆ (Arecanut) ಶತಮಾನಗಳಿಂದ ಭಾರತೀಯ ಉಪಖಂಡದಲ್ಲಿ ಸಾಂಸ್ಕೃತಿಕ, ಔಷಧೀಯ ಹಾಗೂ ಕೃಷಿ ಆಧಾರಿತ ಬಳಕೆಯಲ್ಲಿರುವ ಒಂದು ಪ್ರಮುಖ ಬೆಳೆ. ಇತ್ತೀಚಿನ ವರ್ಷಗಳಲ್ಲಿ WHO ಮತ್ತು IARC ವರದಿಗಳನ್ನು ಆಧರಿಸಿ ಅಡಿಕೆಯನ್ನು ಸಾಮಾನ್ಯವಾಗಿ “ಹಾನಿಕಾರಕ” ಎಂದು ನಿರೂಪಿಸಲಾಗುತ್ತಿದೆ. ಆದರೆ, ಈ ವರ್ಗೀಕರಣವು ಶುದ್ಧ ಅಡಿಕೆ (Plain Areca Nut),ತಂಬಾಕು ಅಥವಾ ಇತರೆ ರಾಸಾಯನಿಕ ಮಿಶ್ರಿತ ಉತ್ಪನ್ನಗಳು ಎಂಬ ಸ್ಪಷ್ಟ ವಿಭಜನೆ ಇಲ್ಲದೆ ನಡೆದಿರುವುದು ವೈಜ್ಞಾನಿಕವಾಗಿ ಗಂಭೀರ ಪ್ರಶ್ನೆಗಳನ್ನು ಎತ್ತುತ್ತದೆ.

ಈ ಹಿನ್ನೆಡೆಗೆ ಕಾರಣಗಳು : ಶುದ್ಧ ಅಡಿಕೆ ಕುರಿತು ನೇರ ಸಂಶೋಧನಾ ವರದಿಗಳ  ಕೊರತೆ ಇದೆ.  ಇಲ್ಲಿಯವರೆಗೆ ಪ್ರಕಟವಾದ ಬಹುತೇಕ ಅಧ್ಯಯನಗಳು:  ಗುಟ್ಕಾ,ತಂಬಾಕು ಸಹಿತ ಪಾನ್ ಮಸಾಲ , ಸುಣ್ಣ ,ತಂಬಾಕು ,ವೀಳ್ಯದೆಲೆ, ಅಡಿಕೆ  ಇತ್ಯಾದಿಗಳ  ಮಿಶ್ರಣ ಇವುಗಳನ್ನು ಒಳಗೊಂಡಿವೆ.  ಶುದ್ಧ ಅಡಿಕೆಯನ್ನು ಮಾತ್ರ ಸೇವಿಸುವ ಜನಸಮೂಹದ ಮೇಲೆ:  ದೀರ್ಘಾವಧಿಯ ಅನುಸರಣೆ ಆಧಾರಿತ ಜನಸಮೂಹ ಅಧ್ಯಯನಗಳು (Longitudinal cohort studies)  ,ಮಾತ್ರೆ–ಪ್ರತಿಕ್ರಿಯೆ (Dose–response) ಸಂಬಂಧದ ಸ್ಪಷ್ಟತೆ ,ರಾಸಾಯನಿಕ/ಜೈವರಾಸಾಯನಿಕ ಅಂಶಗಳನ್ನು ಪ್ರತ್ಯೇಕಿಸಿ ಮಾಡಿದ ಅಧ್ಯಯನಗಳು (Biochemical isolation studies) ನಡೆದಿಲ್ಲ. ಈ ಕೊರತೆಗಳ ನಡುವೆಯೇ ಸಾಮಾನ್ಯೀಕರಣ ಮಾಡಿರುವುದು ವೈಜ್ಞಾನಿಕ ಶಿಸ್ತಿಗೆ ವಿರುದ್ಧ.

GATS -(lobal Adult Tobacco ಸರ್ವೇ  ಎಂದರೆ   ಜಾಗತಿಕ ವಯಸ್ಕ ತಂಬಾಕು ಸಮೀಕ್ಷೆ ) ಮತ್ತು Meta-analysis ಗಳ ಮಿತಿಗಳು.GATS ಒಂದು ಸ್ವಯಂ–ವರದಿ (self-reported) ಆಧಾರಿತ ಸಮೀಕ್ಷೆಯಾಗಿದೆ. ಶುದ್ಧ ಅಡಿಕೆ ಮಾತ್ರ ಬಳಸುವವರನ್ನು (Plain areca nut users) ಸ್ಪಷ್ಟವಾಗಿ ವರ್ಗೀಕರಿಸುವ (clear stratification) ವ್ಯವಸ್ಥೆ ಇಲ್ಲ.  Meta-analysis ಅಧ್ಯಯನಗಳು ವಿಧಾನಾತ್ಮಕ ದೋಷಗಳಿರುವ ಮೂಲ ಅಧ್ಯಯನಗಳ (flawed primary studies) ಮೇಲೆ ಆಧಾರಿತವಾಗಿವೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

ಸವಾಲುಗಳು :  ಅಡಿಕೆಯಲ್ಲಿರುವ ಪ್ರಯೋಜನಕಾರಿ ಅಂಶಗಳು (ಇನ್ನೂ ಸಮರ್ಪಕವಾಗಿ ಅಧ್ಯಯನಗೊಳ್ಳದ ಕ್ಷೇತ್ರ). ವೈಜ್ಞಾನಿಕ ಸಾಹಿತ್ಯದಲ್ಲಿಯೇ ಅಡಿಕೆಯಲ್ಲಿ ಕೆಳಗಿನ ಪ್ರಯೋಜನಕಾರಿ ಗುಣಗಳು ಇರುವುದನ್ನು ಸೂಚಿಸುವ ಅಧ್ಯಯನಗಳು ಲಭ್ಯವಿವೆ:

• ಪಾಲಿಫಿನಾಲ್ಸ್ (Polyphenols)
• ಆಂಟಿಆಕ್ಸಿಡೆಂಟ್ ಕ್ರಿಯಾಶೀಲತೆ (Antioxidant activity)
• ಸೂಕ್ಷ್ಮಾಣು ವಿರೋಧಿ ಗುಣಗಳು (Antimicrobial properties)
• ಪಾರಂಪರಿಕ ಜೀರ್ಣಕ್ರಿಯೆ ಮತ್ತು ಬೌದ್ಧಿಕ ಉಪಯೋಗಗಳು (Traditional digestive & cognitive uses)

ಇವುಗಳ ಕುರಿತು ಚದುರಿದ ಮತ್ತು ವಿಭಿನ್ನ ಅಧ್ಯಯನಗಳು ಇದ್ದರೂ, ಈ ಎಲ್ಲಾ ಅಂಶಗಳನ್ನು ಒಟ್ಟುಗೂಡಿಸಿ, ಸಮಗ್ರವಾಗಿ ಮತ್ತು ಅಧಿಕೃತವಾಗಿ ವಿಶ್ಲೇಷಿಸಿದ authoritative review ಇನ್ನೂ ಲಭ್ಯವಿಲ್ಲ.

WHO ಗೆ ಮನವರಿಕೆ ಮಾಡಿಕೊಡಲು ಈ ಹಂತದಲ್ಲಿ ಕೆಳಗಿನ ಕ್ರಮಗಳು ಅತ್ಯಾವಶ್ಯಕವಾಗಿವೆ:

• ಶುದ್ಧ ಅಡಿಕೆ (Plain ArecaNut) ಕುರಿತು ಜಾಗತಿಕ ಮಟ್ಟದ ಸಮಗ್ರ ವ್ಯವಸ್ಥಿತ ವಿಮರ್ಶೆ (Global systematic review).
• ಭಾರತಕ್ಕೆ ವಿಶೇಷವಾದ, ದೀರ್ಘಾವಧಿಯ cohort ಅಧ್ಯಯನಗಳು (India-specific cohort studies).
• ಅಡಿಕೆ ಮತ್ತು ತಂಬಾಕು ನಡುವಿನ ಸ್ಪಷ್ಟ ವೈಜ್ಞಾನಿಕ ವಿಭಜನೆ.
• ಸ್ವತಂತ್ರ ಹಾಗೂ ಬಹುವಿಶೇಷಜ್ಞ ತಜ್ಞರ ಪರಿಶೀಲನಾ ಮಂಡಳಿ (Independent Expert Review Panel)
• ಇಲ್ಲಿಯವರೆಗೆ ನಡೆದ IARC ವರ್ಗೀಕರಣದ ವಿಧಾನಶಾಸ್ತ್ರೀಯ ಪಾರದರ್ಶಕ ಪರಿಶೀಲನೆ (Transparent methodology audit)

ಇದು WHO ಯ ಗೌರವವನ್ನು ಕುಗ್ಗಿಸುವ ಉದ್ದೇಶವಲ್ಲ, ಬದಲಾಗಿ  WHO ಯ ವೈಜ್ಞಾನಿಕ ವಿಶ್ವಾಸಾರ್ಹತೆಯನ್ನು ಇನ್ನಷ್ಟು ಬಲಪಡಿಸುವ ಪ್ರಕ್ರಿಯೆಯಾಗಿದೆ ಎಂಬುದನ್ನು ಮನವರಿಕೆ ಮಾಡಿ ಕೊಡಬೇಕು . ಇದನ್ನು ಹಂತ ಹಂತ ವಾಗಿ ಮಾಡಿಕೊಳ್ಳಬೇಕು .

ಹಂತ 1: ಸಾಕ್ಷ್ಯ ಸಂಗ್ರಹ ಮತ್ತು ದೃಢೀಕರಣ  ,(Evidence Consolidation)

ಈಗಾಗಲೇ ಲಭ್ಯವಿರುವ ಸಾಕ್ಷ್ಯಗಳನ್ನು ಒಟ್ಟುಗೂಡಿಸುವುದು IARC Monograph – Volume 85 ,WHO (2016–2024) ನವೀಕರಣ ವರದಿಗಳು.  ಶುದ್ಧ ಅಡಿಕೆ (Plain Areca Nut) ಕುರಿತು ಇರುವ ಜೈವರಾಸಾಯನಿಕ ಅಧ್ಯಯನಗಳು (Biochemical studies) ,ಪ್ರಯೋಗಾಲಯ / ಪ್ರಾಣಿಗಳ ಮೇಲೆ ನಡೆದ ಅಧ್ಯಯನಗಳು (In-vitro / Animal studies),ಪಾರಂಪರಿಕ ವೈದ್ಯಕೀಯ ಉಲ್ಲೇಖಗಳು (Traditional medicine references). GATS ಸಮೀಕ್ಷೆಯ ವಿಧಾನಶಾಸ್ತ್ರೀಯ ವಿಮರ್ಶೆ (Methodology critique).  ಫಲಿತಾಂಶ (Output):ತಾಂತ್ರಿಕ ಸಾಕ್ಷ್ಯ ಸಂಗ್ರಹ ದಾಖಲೆ (Technical Evidence Dossier) ,ವಿವರಣಾತ್ಮಕ ಉಲ್ಲೇಖಪಟ್ಟಿ (Annotated Reference List)

 ಹಂತ 2: ತಜ್ಞರ ಮಂಡಳಿ ರಚನೆ : ಇದರಲ್ಲಿಒಳಗೊಳ್ಳಬೇಕಾದ ತಜ್ಞರು:

• ರೋಗವ್ಯಾಪನ ವಿಜ್ಞಾನಿ (Epidemiologist)
• ಮುಖ–ಮೌಖಿಕ ಕ್ಯಾನ್ಸರ್ ತಜ್ಞ (Oral Oncologist)
• ಸಾರ್ವಜನಿಕ ಆರೋಗ್ಯ ಅಂಕಿಅಂಶ ತಜ್ಞ (Public Health Statistician)
• ವಿಷಶಾಸ್ತ್ರಜ್ಞ (Toxicologist)
• ಕೃಷಿ ವಿಜ್ಞಾನಿ (Agricultural Scientist)

ಫಲಿತಾಂಶ (Output):  ತಜ್ಞರ ಸಹಿ ಹೊಂದಿದ ಅಭಿಪ್ರಾಯ ಪತ್ರ (Signed Expert Opinion Note) ಸಂಕ್ಷಿಪ್ತ ‘ಒಮ್ಮತ ಘೋಷಣೆ’ (Consensus Statement)ಯಾಕೆಂದರೆ WHO ಗೆ ಒಂದು ಸಂಸ್ಥೆಯ ಮಾತಿಗಿಂತ, ತಜ್ಞರ ಸಹಿ ಇರುವ ದಾಖಲೆಗಳಿಗೆ ಹೆಚ್ಚು ತೂಕ.

ಹಂತ 3: ನೀತಿ ಸಂಕ್ಷೇಪ (Policy Brief) ಮತ್ತು ಕಾರ್ಯನಿರ್ವಹಣಾ ಸಾರಾಂಶ ಅಂತಿಮಗೊಳಿಸುವುದು :  WHO ಗೆ ಸಲ್ಲಿಸಬಹುದಾದ ರೂಪ (WHO-ready format) ,ಭಾರತ ಸರ್ಕಾರಕ್ಕೆ ಸಲ್ಲಿಸಬಹುದಾದ ರೂಪ (Government-ready format) ತಯಾರಿಸಿ ಇಟ್ಟುಕೊಳ್ಳುವುದು.

ಹಂತ 4: ಭಾರತ ಸರ್ಕಾರದ ಒಳಗಿನ ಅಧಿಕೃತ ಮಾರ್ಗ ಇದು ಅತ್ಯಂತ ಮಹತ್ವದ ಹಂತ :  WHO ಗೆ ನೇರವಾಗಿ ಮಾತ್ರ ಹೋಗುವುದರಿಂದ ಫಲಿತಾಂಶ ಸೀಮಿತ ಸಿಗಬಹುದಷ್ಟೆ ,ಆ ಕಾರಣದಿಂದ  ಮೊದಲು ಸಂಪರ್ಕಿಸಬೇಕಾದ ಇಲಾಖೆಗಳು :  ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ (MoHFW) , ವಾಣಿಜ್ಯ ಸಚಿವಾಲಯ (ಅಡಿಕೆ = ಕೃಷಿ ಮತ್ತು ವ್ಯಾಪಾರ) ,ವಿದೇಶಾಂಗ ಸಚಿವಾಲಯ . ಈ ಇಲಾಖೆಗಳಿಗೆ ,“WHO ಗೆ ಅಧಿಕೃತ ಮನವಿ  ಸಲ್ಲಿಸುವುವಂತೆ  ಮತ್ತು ಪುನರ್‌ಪರಿಶೀಲನೆಗೆ ಆಗ್ರಹಿಸುವಂತೆ ಮನವರಿಕೆ ಮಾಡಿ ಕೊಡುವುದು.ಸಾಧಾರಣವಾಗಿ  WHO ಸದಸ್ಯ ರಾಷ್ಟ್ರದ ಮೂಲಕ ಸಲ್ಲಿಕೆಗೆ ಹೆಚ್ಚು ಸ್ಪಂದಿಸುತ್ತದೆ.

 ಹಂತ 5: WHO–SEARO ಗೆ ಅಧಿಕೃತ ಸಂವಹನ :  WHO–SEARO (ಪ್ರಾದೇಶಿಕ ಕಚೇರಿ) ,  IARC ಕಾರ್ಯದರ್ಶಾಲಯ (Secretariat) ತಾಂತ್ರಿಕ ಪರಿಶೀಲನೆಗಾಗಿ ವಿನಂತಿ (Request for Technical Review) ವಿನಂತಿ ಮಾಡುವುದು.

ಹಂತ 6: WHO ಯ ಗಮನ ಸೆಳೆಯುವ ಶೈಕ್ಷಣಿಕ ದಾಖಲೆ ಸಿದ್ಧಪಡಿಸುವುದು :  Peer-reviewed (ತಜ್ಞರ ವಿಮರ್ಶೆಗೆ ಒಳಪಟ್ಟ) ಜರ್ನಲ್‌ಗಳು ,ಸಾರ್ವಜನಿಕ ಆರೋಗ್ಯ (Public Health), ಟ್ರಾಪಿಕಲ್ ಮೆಡಿಸಿನ್ (Tropical Medicine) ,ರೋಗವ್ಯಾಪನ ಶಾಸ್ತ್ರ (Epidemiology) ಇತ್ಯಾದಿಗಳ ಬಗ್ಗೆ ವಿವಿಧ ಅಂತಾರಾಷ್ಟ್ರೀಯ ನಟ್ಟದಲ್ಲಿ ಲೇಖನ ಬರುವಂತೆ ನೋಡಿಕೊಳ್ಳುವುದು. ಈ ಗಾಗಲೇ ಬಂದಿರುವುದನ್ನು ಮತ್ತು ಇತರ ಲೇಕಹನಗಳನ್ನು ಪುಸ್ತಕ ರೂಪದಲ್ಲಿ ಹೊರ ತರುವುದು. ವಿಧಾನಶಾಸ್ತ್ರೀಯ ವಿಮರ್ಶಾ ಲೇಖನ (Methodological critique paper) ಗಳನ್ನೂ ಪ್ರಕಟಿಸುವುದು.

ಹಂತ 7: ಮಾಧ್ಯಮ  ನಿಯಂತ್ರಿತ ಮತ್ತು ಜವಾಬ್ದಾರಿಯುತ ವಿಧಾನ : ಸಂಪಾದಕರು (Editors) , ವಿಜ್ಞಾನ ಪತ್ರಕರ್ತರು (Science Journalists) , ಮೊದಲಾದವರನ್ನು ಸೇರಿದಿ ಸಾರ್ವಜನಿಕ ಚರ್ಚೆ (Public discourse) ಇತ್ಯಾದಿಗಳನ್ನು ಅಲ್ಲಲ್ಲಿ ಸಂಘಟಿಸುವುದು. ಗುರುತಿಸಲಾದ ಸಾಕ್ಷ್ಯ ಮಿತಿಗಳ ಆಧಾರದಲ್ಲಿ ತಾಂತ್ರಿಕ ಪುನರ್‌ಪರಿಶೀಲನೆಗಾಗಿ ನಾವು ವಿನಯಪೂರ್ವಕವಾಗಿ ಮನವಿ ಮಾಡುವುದು.  ತಾಂತ್ರಿಕ ವಾಗಿ ಸಂಸ್ಥಾತ್ಮಕ ಅಧಿಕೃತ ಇ-ಮೇಲ್ ,ಸರ್ಕಾರದ ಮೂಲಕ ಹಾರ್ಡ್ ಕಾಪಿ ಕೊಟ್ಟಾಗ  WHO ಗಮನ ಕೊಡುತ್ತದೆ, ಯಾವಾಗ ಮತ್ತು ಕೆಳಗಿನ ಅಂಶಗಳಿದ್ದಾಗ ಸದಸ್ಯ ರಾಷ್ಟ್ರ ಬೆಂಬಲಿಸಿದಾಗ , ತಜ್ಞರ ಅನುಮೋದನೆ ಇದ್ದಾಗ , Peer-reviewed ಉಲ್ಲೇಖಗಳು ಇದ್ದಾಗ ಭಾಷೆ ಗೌರವಪೂರ್ಣ ಮತ್ತು ತಾಂತ್ರಿಕವಾಗಿದ್ದಾಗ ಸ್ಪಂದನೆ ಪ್ರಾರಂಭವಾಗುತ್ತದೆ. ತಕ್ಷಣದ ಕ್ಕೆ ಪ್ರತಿಕ್ರಿಯೆ ಲಭ್ಯವಾಗದಿದ್ದರೂ ,ತಾಂತ್ರಿಕ ಪರಿಶೀಲನಾ ಪ್ರಕ್ರಿಯೆ ಆರಂಭವಾಗುತ್ತದೆ .ತಜ್ಞರ  ಜೊತೆ ಸಮಾಲೋಚನೆ ನಡೆಸುತ್ತಾರೆ . ಬಳಿಕ ಸ್ಪಷ್ಟೀಕರಣ  ಕೊಡುತ್ತಾರೆ.

ಸಮಯ ಮತ್ತು ಜವಾಬ್ದಾರಿ  – ಕಾರ್ಯಯೋಜನೆ: ನಾವು ನಡೆಸುತ್ತಿರುವುದು ಪ್ರತಿಭಟನೆ ಅಲ್ಲ , ಕೇವಲ ಮನವಿ ಅಲ್ಲ, ವೈಜ್ಞಾನಿಕ ದಾಖಲೆಗಳ ಪುನರ್‌ಲೇಖನ (Record Correction) ಹಾಗಾಗಿ ಇದು ಸಮಯ ತೆಗೆದುಕೊಳ್ಳುತ್ತದೆ,ಆದರೆ ಸ್ಥಿರ ಮತ್ತು ದೀರ್ಘಕಾಲೀನ ಫಲ ನೀಡುತ್ತದೆ.  ಲಕ್ಷಾಂತರ ಅಡಿಕೆ ಬೆಳೆಗಾರರ ಜೀವನೋಪಾಯ ಮತ್ತು ಶತಮಾನಗಳ ಬಳಕೆಯ ಪರಂಪರೆಅಪೂರ್ಣ ಅಧ್ಯಯನಗಳ ಸಾಮಾನ್ಯೀಕರಣದಿಂದ ನಿರ್ಧಾರಗೊಳ್ಳಬಾರದು. ಅಡಿಕೆಯ ಕುರಿತುಪುನರ್‌ಪರಿಶೀಲನೆ (Re-evaluation)ಇಂದಿನ ವೈಜ್ಞಾನಿಕ ಜವಾಬ್ದಾರಿ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ