ಅಫ್ಘಾನಿಸ್ತಾನದ ಮಹಿಳೆಯರಿಗೆ ದೂರದೂರಿಗೆ ಪ್ರಯಾಣಿಸಲು ನಿರ್ಬಂಧ ಹೇರಿದ ತಾಲಿಬಾನ್ ಸರ್ಕಾರ |

December 27, 2021

12:43 PM

ಮಿರರ್‌ ಡೆಸ್ಕ್‌

ಆಗಸ್ಟ್ 15ರಂದು ಅಧಿಕಾರವನ್ನು ವಶಪಡಿಸಿಕೊಂಡ ತಾಲಿಬಾನಿಗಳು ಅಫ್ಘಾನಿಸ್ತಾನದ ಮಹಿಳೆಯರಿಗೆ ದೂರದೂರಿಗೆ ಪ್ರಯಾಣಿಸಲು ನಿರ್ಬಂಧ ಹೇರಿದ ತಾಲಿಬಾನ್ ನಲ್ಲಿ ಮಹಿಳೆಯರ ವಿಷಯದಲ್ಲಿ ಹಲವಾರು ನಿಯಮಗಳು ಸಹ ಜಾರಿಯಾಗಿವೆ. ಕೆಲವು ದಿನಗಳ ಹಿಂದೆ ಮಹಿಳೆಯರು ನಟನೆಯಲ್ಲಿ ಒಳಗೊಳ್ಳುವಂತಿಲ್ಲ ಎಂದು ತಾಲಿಬಾನಿಗಳು ಆಡಳಿತವು ಎಚ್ಚರಿಕೆಯನ್ನು ಕೂಡಾ ನೀಡಿದೆ.

ಇದೀಗ ಮಹಿಳೆಯರು ದೂರದೂರಿಗೆ ಪ್ರಯಾಣ ಮಾಡಲು ಮುಂದಾದರೆ ಅವರೊಂದಿಗೆ ಹತ್ತಿರ ಸಂಬಂಧಿಗಳು ಇರದೇ ಇದ್ದರೆ ಅಂತವರಿಗೆ ಪ್ರಯಾಣಕ್ಕೆ ಅವಕಾಶ ನೀಡಲೇಬಾರದೆಂದು ತಾಲಿಬಾನಿಗಳು ಮತ್ತೊಂದು ಆದೇಶವನ್ನು ಹೊರಡಿಸಿದ್ದಾರೆ. ಸ್ಕಾರ್ಪ್ ಧರಿಸದ ಮಹಿಳೆಯರಿಗೆ ಪ್ರಯಾಣ ನಿರಾಕರಿಸುವಂತೆ ವಾಹನ ಮಾಲೀಕರಿಗೆ ಸೂಚನೆಯನ್ನು ಕೂಡಾ ನೀಡಲಾಗಿದೆ ಎಂದು ಸಚಿವಾಲಯದ ವಕ್ತಾರ ಸಾಡೆಕ್ ಅಕಿಫ್ ಮುಹಾಜಿರ್ ಭಾನುವಾರ ಮಾಹಿತಿಯನ್ನು ನೀಡಿದ್ದಾರೆ.