ಮಡಪ್ಪಾಡಿ: ವಾಟರ್, ಸೋಲಾರ್ ಸಿಸ್ಟಂ ಉದ್ಘಾಟನೆ ಮತ್ತು ಕ್ಯಾಲೆಂಡರ್ ಬಿಡುಗಡೆ

ಸುಳ್ಯ: ಮಡಪ್ಪಾಡಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದಲ್ಲಿ ಅಳವಡಿಸಿದ ಕಂಗೆನ್ ವಾಟರ್ ಘಟಕವನ್ನು ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಮಾಜಿ ಅಧ್ಯಕ್ಷ ನಿತ್ಯಾನಂದ ಮುಂಡೋಡಿ‌ ಉದ್ಘಾಟಿಸಿದರು. ಸೊಸೈಟಿಗೆ ಅಳವಡಿಸಿದ ಸೋಲಾರ್ ಸಿಸ್ಟಂನ್ನು ಡಿ.ಸಿ.ಸಿ. ಬ್ಯಾಂಕ್ ನಿರ್ದೇಶಕ ಕೆ.ಎಸ್.ದೇವರಾಜ್ ಉದ್ಘಾಟಿಸಿದರು.

Advertisement

2020ರ ಸಂಘದ ಕ್ಯಾಲೆಂಡರ್ ನ್ನು ಮಡಪ್ಪಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಶಕುಂತಲಾ ಕೇವಳ ಬಿಡುಗಡೆಗೊಳಿಸಿದರು. ಸಂಘದ ಅಧ್ಯಕ್ಷ ಪಿ.ಸಿ.ಜಯರಾಮ ಅಧ್ಯಕ್ಷತೆ ವಹಿಸಿದ್ದರು.
ವೇದಿಕೆಯಲ್ಲಿ ಸಂಘದ ಉಪಾಧ್ಯಕ್ಷ ಮಿತ್ರದೇವ ಮಡಪ್ಪಾಡಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರಶಾಂತ್ ಪೂಂಬಾಡಿ‌ ಉಪಸ್ಥಿತರಿದ್ದರು. ವಾಟರ್ ಘಟಕದ ಬಗ್ಗೆ ಅನಿಲ್ ಐವರ್ನಾಡು ಹಾಗೂ ಸೋಲಾರ್ ಸಿಸ್ಟಂ ಬಗ್ಗೆ ವಿಜಯಕುಮಾರ್ ಮಾಹಿತಿ ನೀಡಿದರು.