ಏಷ್ಯಾ ರಬ್ಬರ್ ಬೆಲೆ ಕುಸಿತ – ರಬ್ಬರ್‌ ಇಳುವರಿ ಹಾಗೂ ಸರಬರಾಜು ಭೀತಿ ಕಡಿಮೆಯಾದ ಕಾರಣ ಮಾರುಕಟ್ಟೆ ಕುಸಿತ..!

ಏಷ್ಯಾದ ಪ್ರಮುಖ ವಹಿವಾಟು ಕೇಂದ್ರಗಳಾದ ಜಪಾನ್‌, ಚೀನಾ ಮತ್ತು ಸಿಂಗಾಪುರದಲ್ಲಿ ರಬ್ಬರ್ ಭವಿಷ್ಯ ವಹಿವಾಟು ಬೆಲೆಗಳು ಇತ್ತೀಚೆಗೆ ಕುಸಿದಿವೆ. ಏಪ್ರಿಲ್–ಮೇ ತಿಂಗಳು ಅಧಿಕ ಇಳುವರಿ ಅವಧಿ ಸಮೀಪಿಸುತ್ತಿರುವುದರಿಂದ ಸರಬರಾಜು ಹೆಚ್ಚುವ ನಿರೀಕ್ಷೆ ಮೂಡಿದ್ದು, ಹಿಂದಿನ ಸರಬರಾಜು ಕೊರತೆಯ ಆತಂಕ ಕಡಿಮೆಯಾಗಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ತಿಳಿಸಿದ್ದಾರೆ.

ಜಪಾನ್‌ನಲ್ಲಿ ರಬ್ಬರ್ ಫ್ಯೂಚರ್ಸ್‌ ಮೂರನೇ ದಿನವೂ ಇಳಿಕೆ ಕಂಡಿದ್ದು, ಚೀನಾದಲ್ಲಿ ಟ್ಯಾಪಿಂಗ್‌ ಚಟುವಟಿಕೆಗಳು ಪುನರಾರಂಭವಾಗುವ ಸಾಧ್ಯತೆ ಹಾಗೂ ಇಳುವರಿ ಹೆಚ್ಚುವ ನಿರೀಕ್ಷೆ ಬೆಲೆಯ ಮೇಲೆ ಒತ್ತಡ ತಂದಿದೆ. ಇದೇ ವೇಳೆ ಜಪಾನ್‌ನ ಕೆಲವು ಹೂಡಿಕೆದಾರರ ಕೆಲವು ನಿರ್ಧಾರಗಳು ಕೂಡಾ ಬೆಲೆ ಕುಸಿತಕ್ಕೆ ಕಾರಣವಾಗಿದೆ.

ರಬ್ಬರ್ ಬೆಲೆಯು ಸಾಮಾನ್ಯವಾಗಿ ಮೂರು ಪ್ರಮುಖ ಅಂಶಗಳ ಮೇಲೆ ಅವಲಂಬಿತವಾಗಿದೆ — ಇಳುವರಿ ಸಮಯ, ವಾಹನ ಉದ್ಯಮದ ಬೇಡಿಕೆ ಮತ್ತು ಇಂಧನ ಬೆಲೆಗಳು. ನೈಸರ್ಗಿಕ ರಬ್ಬರ್‌ಗೆ ಸರಬರಾಜು ಮುಖ್ಯವಾಗಿದ್ದರೆ, ಸಿಂಥೆಟಿಕ್‌ ರಬ್ಬರ್‌ ಬೆಲೆಯಲ್ಲಿ ಕ್ರೂಡ್‌ ಆಯಿಲ್‌ ಪ್ರಮುಖ ಪ್ರಭಾವ ಬೀರುತ್ತದೆ.

ಟೈಯರ್ ಉದ್ಯಮವು ರಬ್ಬರ್‌ಗೆ ದೊಡ್ಡ ಮಾರುಕಟ್ಟೆಯಾಗಿರುವುದರಿಂದ, ಜಾಗತಿಕ ವಾಹನ ಉತ್ಪಾದನೆ ಮತ್ತು ಮಾರಾಟದ ದಿಕ್ಕು ದೀರ್ಘಕಾಲಿಕ ಬೇಡಿಕೆಯನ್ನು ನಿರ್ಧರಿಸುತ್ತದೆ. ಕೆಲ ಏಷ್ಯನ್‌ ವಾಹನ ತಯಾರಕರ ವಿಸ್ತರಣೆ ಯೋಜನೆಗಳು ಮಧ್ಯಮ ಅವಧಿಯಲ್ಲಿ ಬೇಡಿಕೆಗೆ ಬೆಂಬಲ ನೀಡುವ ಸಾಧ್ಯತೆ ಇದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

ಇನ್ನೊಂದೆಡೆ, ಬಲವಾದ ಡಾಲರ್‌, ಇಂಧನ ಬೆಲೆ ಬದಲಾವಣೆ ಹಾಗೂ ಇಳುವರಿ ಚಕ್ರಗಳ ಪರಿಣಾಮವಾಗಿ ರಬ್ಬರ್ ಬೆಲೆಗಳು ಜಾಗತಿಕವಾಗಿ ಅಸ್ಥಿರತೆ ತೋರಿಸುತ್ತಿವೆ ಎಂದು ಮಾರುಕಟ್ಟೆ ವರದಿಗಳು ಸೂಚಿಸುತ್ತವೆ

Asian rubber prices declined as supply concerns eased ahead of the peak harvesting season in April–May. Market sentiment was also influenced by profit-taking, oil price movements, and expectations around global automobile demand, which remains a key driver of rubber consumption.