#Beijingfloods | ತೀವ್ರ ಪ್ರವಾಹಕ್ಕೆ ತುತ್ತಾದ ಬೀಜಿಂಗ್ | ಚೀನಾದ ರಾಜಧಾನಿಯಲ್ಲಿ 140 ವರ್ಷಗಳಲ್ಲಿ ಅತೀ ಹೆಚ್ಚು ಮಳೆ | 744 ಮಿಮೀ ಮಳೆ ದಾಖಲು |

ದಾಖಲೆಯ ಮಳೆಯ ಕಾರಣದಿಂದ ಬೀಜಿಂಗ್ ಮತ್ತು ಸುತ್ತಮುತ್ತಲಿನ ಪ್ರಾಂತ್ಯದ ಹೆಬೈ ತೀವ್ರ ಪ್ರವಾಹಕ್ಕೆ ತುತ್ತಾಗಿದೆ. ನೀರು ಅಪಾಯಕಾರಿ ಮಟ್ಟಕ್ಕೆ ಏರಿತು. ಮಳೆಯಿಂದಾಗಿ ರಸ್ತೆಗಳು ಹಾಳಾಗಿದ್ದು, ವಿದ್ಯುತ್ ಸಂಪರ್ಕ ಕಡಿತಗೊಂಡಿದೆ. ಕುಡಿಯುವ ನೀರು ಸಾಗಿಸುವ ಪೈಪ್‌ಗಳು ಸಹ ಹಾನಿಗೊಳಗಾಗಿದೆ. ಭಾರೀ ಮಳೆಗೆ ರಸ್ತೆ, ಸಣ್ಣ ತೊರೆಗಳು ನದಿಗಳ ಮಾದರಿಯಲ್ಲಿ ನೀರು ಹರಿಯಿತು. ಬೀಜಿಂಗ್ ಸುತ್ತಮುತ್ತಲಿನ ಧಾರಾಕಾರ ಮಳೆಯಿಂದ ಸಾವನ್ನಪ್ಪಿದವರ ಸಂಖ್ಯೆ ಬುಧವಾರ 21 ಕ್ಕೆ ಏರಿದೆ. ಹಬೈ ಪ್ರಾಂತ್ಯದಲ್ಲೂ ಭಾರೀ ಮಳೆಯ ಕಾರಣದಿಂದ ಈಗಾಗಲೇ ಸುಮಾರು 8,50,000 ಜನರನ್ನು ಸ್ಥಳಾಂತರಿಸಲಾಗಿದೆ ಎಂದು ಹೆಬೈ ಪ್ರಾಂತ್ಯದ ಸ್ಥಳೀಯ ಅಧಿಕಾರಿಗಳು ತಿಳಿಸಿದ್ದಾರೆ.