ಚಿಲಿಪಿಲಿ | ವೇಗವಾಗಿ ಹಾರುವ ಚೋರೆ ಹಕ್ಕಿಯ ಸೊಬಗು..! |

ಚೋರೆ ಹಕ್ಕಿ ಪಾರಿವಾಳ ಜಾತಿಯ ಹಕ್ಕಿಯಾಗಿದೆ. ಮೈನಾ ಹಕ್ಕಿಗಿಂತ ದೊಡ್ಡದು, ಆದರೆ ಪಾರಿವಾಳಕ್ಕಿಂತ ಗಾತ್ರದಲ್ಲಿ ಸಣ್ಣದು.(28 ರಿಂದ 32 ಸೆ.ಮೀ) .

ಪರ್ವತ ಪಾರಿವಾಳ, ಮುತ್ತು ಕತ್ತಿನ ಪಾರಿವಾಳ, ಕಸೂತಿ ಕತ್ತಿನ ಪಾರಿವಾಳ ಮೊದಲಾದ ಹೆಸರುಗಳು ಈ ಹಕ್ಕಿಗಿವೆ.‌ ಕಾಡಿನ ನಡುವೆ ಇರುವ ಮೈದಾನದಲ್ಲಿ, ಗದ್ದೆಗಳಲ್ಲಿ, ಜೋಡಿ ಹಕ್ಕಿಗಳಾಗಿ ಅಥವಾ ಸಣ್ಣ ಗುಂಪುಗಳಲ್ಲಿ ಕಂಡು ಬರುತ್ತವೆ. ಕಾಳು, ಹಣ್ಣುಗಳು ಕೀಟಗಳು, ಹೂವಿನ ಮಕರಂದ ಈ ಹಕ್ಕಿಯ ಆಹಾರವಾಗಿದೆ.

ಬಹಳ ವೇಗವಾಗಿ ಹಾರುತ್ತದೆ. ನೆಲದಿಂದ ಮೇಲೆ ಹಾರ ಬೇಕಾದರೆ ರೆಕ್ಕೆಯನ್ನು ಜೋರಾಗಿ ಪಟಪಟನೆ ಬಡಿಯುತ್ತದೆ. ಹಾರುವ ವೇಗಕ್ಕೆ ಸಿಳ್ಳೆ ಹೊಡೆದಂತೆ ಸದ್ದಾಗುತ್ತದೆ. ತನ್ನ ವಿಶೇಷವಾದ ಕೂಗಿನಿಂದ ಗುರುತಿಸಲ್ಪಡುತ್ತದೆ.

# ಅಶ್ವಿನಿಮೂರ್ತಿ ಅಯ್ಯನಕಟ್ಟೆ , #ಚಿತ್ರ : ಯು ರಾಧಾಕೃಷ್ಣ ರಾವ್ ಬಾಳಿಲ