ಚಿಲಿಪಿಲಿ | ಬೂದು ಮಂಗಟ್ಟೆ ಹಕ್ಕಿ | ಹಕ್ಕಿಗಳ ನಡುವೆ ಎದ್ದು ಕೇಳುವ ಸದ್ದು |

April 13, 2022

11:07 AM

ಅಶ್ವಿನಿ ಮೂರ್ತಿ, ಅಯ್ಯನಕಟ್ಟೆ

ಬೂದು ಮಂಗಟ್ಟೆ ಹಕ್ಕಿ. Gray horn bill, Malbar grey hornbill.

ಕಂದು ಬಣ್ಣದ ದೊಡ್ಡ (59cm) ಹಕ್ಕಿಯಾಗಿದೆ.‌‌ ಕೊಕ್ಕಿನ ಮೇಲೆ ಸಣ್ಣಕೆ ಇನ್ನೊಂದು ಕೊಕ್ಕಿನಂತಹ ರಚನೆ ಕಾಣ ಬಹುದಾಗಿದೆ. ಹೆಣ್ಣು ಹಕ್ಕಿಗೆ ಕೊಕ್ಕಿನ ಮೇಲಿರುವ ಕೊಂಬು ಚಿಕ್ಕದಾಗಿರುತ್ತದೆ. ಬಲಿಷ್ಠವಾದ ಕೊಕ್ಕು ಈ ಹಕ್ಕಿಯದಾಗಿದೆ. ಬಾಲದ ಪುಕ್ಕಗಳು ಉದ್ದವಾಗಿದ್ದು ತುದಿಯಲ್ಲಿ ಬಿಳಿಮಚ್ಚೆಯಿರುತ್ತದೆ. ಮಲಬಾರ್ ಗ್ರೇ ಹಾರ್ನ್ ಬಿಲ್ ಹಕ್ಕಿಯು ಮಲಬಾರ್ ಪ್ರದೇಶ , ರಾಜಸ್ಥಾನ, ಅಸ್ಸಾಂ, ಭಾರತ ಹಾಗೂ ಪಾಕಿಸ್ತಾನಗಳಲ್ಲಿ ಕಂಡು ಬರುತ್ತವೆ. ದಟ್ಟ ಕಾಡುಗಳಲ್ಲಿ ಹೆಚ್ಚಾಗಿ ಈ ಹಕ್ಕಿ ಇರುತ್ತವೆ.‌

ಹಣ್ಣು ತಿನ್ನುವ ಹಕ್ಕಿಗಳೊಂದಿಗೆ ಈ ಹಕ್ಕಿಯೂ ಸೇರಿ ಕೊಳ್ಳುತ್ತದೆ. ಇದರ ಸ್ವರ ವಿಚಿತ್ರವಾಗಿ ಹತ್ತು ಹಕ್ಕಿಗಳ ನಡುವೆ ಎದ್ದು ಕೇಳುವಂತಿರುತ್ತದೆ. ಜೊತೆ ಜೊತೆಯಾಗಿ ಗಂಡು ಹೆಣ್ಣು ಹಕ್ಕಿಗಳಿರುತ್ತವೆ. ಮಾರ್ಚ್ ನಿಂದ ಜೂನ್ ವರೆಗೆ ಮರಗಳ ಪೊಟರೆಗಳಲ್ಲಿ ಗೂಡು ಕಟ್ಟುತ್ತದೆ. ಹೆಣ್ಣು ಹಕ್ಕಿಯ ಪುಕ್ಕಗಳು ಕಾವು ಕೊಡುವ ಸಮಯದಲ್ಲಿ ಉದುರುತ್ತವೆ. ಹಾರಲಾರದ ಹೆಣ್ಣು ಹಕ್ಕಿಗೆ ಗಂಡು ಹಕ್ಕಿಯೇ ಆಹಾರ ಒದಗಿಸುತ್ತದೆ.

# ಅಶ್ವಿನಿ ಮೂರ್ತಿ ಅಯ್ಯನಕಟ್ಟೆ

# ಛಾಯಾಚಿತ್ರ : ಕೃಷ್ಣಮೂರ್ತಿ ಪಿ.ಜಿ. ಅಯ್ಯನಕಟ್ಟೆ