ಚಿಲಿಪಿಲಿ | ಬೂದು ಮಂಗಟ್ಟೆ ಹಕ್ಕಿ | ಹಕ್ಕಿಗಳ ನಡುವೆ ಎದ್ದು ಕೇಳುವ ಸದ್ದು |

ಹಣ್ಣು ತಿನ್ನುವ ಹಕ್ಕಿಗಳೊಂದಿಗೆ   ಈ ಹಕ್ಕಿಯೂ ಸೇರಿ ಕೊಳ್ಳುತ್ತದೆ.  ಇದರ ಸ್ವರ  ವಿಚಿತ್ರವಾಗಿ ಹತ್ತು ಹಕ್ಕಿಗಳ  ನಡುವೆ ಎದ್ದು ಕೇಳುವಂತಿರುತ್ತದೆ. ಜೊತೆ ಜೊತೆಯಾಗಿ ಗಂಡು ಹೆಣ್ಣು ಹಕ್ಕಿಗಳಿರುತ್ತವೆ. ಮಾರ್ಚ್ ನಿಂದ ಜೂನ್ ವರೆಗೆ ಮರಗಳ ಪೊಟರೆಗಳಲ್ಲಿ ಗೂಡು ಕಟ್ಟುತ್ತದೆ.  ಹೆಣ್ಣು ಹಕ್ಕಿಯ ಪುಕ್ಕಗಳು ಕಾವು ಕೊಡುವ ಸಮಯದಲ್ಲಿ ಉದುರುತ್ತವೆ. ಹಾರಲಾರದ ಹೆಣ್ಣು ಹಕ್ಕಿಗೆ ಗಂಡು ಹಕ್ಕಿಯೇ ಆಹಾರ  ಒದಗಿಸುತ್ತದೆ.