ಹೊಸರುಚಿ | ಬಲಿತ ಹಲಸಿನ ಕಾಯಿ ಪಲ್ಯ

ಬಲಿತ ಹಲಸಿನ ಕಾಯಿ ಪಲ್ಯಕ್ಕೆ ಬೇಕಾಗುವ ಸಾಮಗ್ರಿಗಳು ಮತ್ತು ಮಾಡುವ ವಿಧಾನ:  ಹಲಸಿನ ಕಾಯಿ 2 ಕಪ್ , ಫ್ರೈ ಮಾಡಿ ಕೊಳ್ಳಲು ಕೆಂಪು ಮೆಣಸು 2, ಕೊತ್ತಂಬರಿ ಬೀಜ 1 ಚಮಚ ಫ್ರೈ ಮಾಡಿ ನಂತರ ಕಾಯಿತುರಿ ಹಾಕಿ ಫ್ರೈ ಮಾಡಿ ಸ್ಟವ್ ಆಫ್ ಮಾಡಿ.  ನಂತರ ತರಿ ತರಿಯಾಗಿ ರುಬ್ಬಿಕೊಳ್ಳಿ.

ಬಾಣಲೆಗೆ ಎಣ್ಣೆ 8 ಚಮಚ, ಸಾಸಿವೆ 1/4 ಚಮಚ, ಕರಿಬೇವಿನ ಸೊಪ್ಪು 8 ಎಸಳು, ಜೀರಿಗೆ ಸ್ವಲ್ಪ ,ಉದ್ದಿನ ಬೇಳೆ ಸ್ವಲ್ಪ, ಕೆಂಪು ಮೆಣಸು 1 ಕಟ್ ಮಾಡಿ ಹಾಕಿ ಒಗ್ಗರಣೆ ಚಟಪಟಾಯಿಸಿ.  ಇದಕ್ಕೆ ಬೆಳ್ಳುಳ್ಳಿ 10 ಎಸಳು ಜಜ್ಜಿ ಹಾಕಿ, ಈರುಳ್ಳಿ 1 ಚಿಕ್ಕ ದಾಗಿ ಕಟ್ ಮಾಡಿ ಹಾಕಿ. ಹಲಸಿನ ಕಾಯಿ ಹಾಕಿ ,ನಂತರ ಉಪ್ಪು ರುಚಿಗೆ ತಕ್ಕಷ್ಟು, ಮೆಣಸಿನ ಪುಡಿ 1/2 ಚಮಚ, ಅರಿಸಿನ ಪುಡಿ 1/4 ಚಮಚ, ಚಿಕ್ಕ ತುಂಡು ಬೆಲ್ಲ, ನೀರು ಸೇರಿಸಿ ಬೇಯಿಸಿ ಕೊಳ್ಳಿ ನಂತರ, ರುಬ್ಬಿದ ಮಿಶ್ರಣವನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಸ್ಟವ್ ಆಫ್ ಮಾಡಿ.  ಬಿಸಿ ಬಿಸಿಯಾದ ಕುಚ್ಚಲಕ್ಕಿ ಅನ್ನ ತುಪ್ಪ , ಹಲಸಿನ ಕಾಯಿ ಪಲ್ಯ ಸೂಪರ್.