ಓಲಾ, ಊಬರ್ ಕ್ಯಾಬ್‌ ಗಳಿಗೆ ರಾಜ್ಯ ಸರ್ಕಾರದಿಂದ ಹೊಸ ದರ ನಿಗದಿ | ಸುಲಿಗೆಗೆ ಕಡಿವಾಣ ಹಾಕುವ ಪ್ರಯತ್ನ |

ಓಲಾ, ಊಬರ್ ಕ್ಯಾಬ್ ಗಳಿಗೆ ವಾರದೊಳಗೆ ರಾಜ್ಯ ಸರ್ಕಾರ ಹೊಸ ದರ ನಿಗದಿ ಮಾಡಲು ನಿರ್ಧರಿಸಿದೆ. ಈ ಮೂಲಕ ಪೀಕ್ ಟೈಂ ಸೇರಿದಂತೆ ಹಲವು ನೆಪ ಹೇಳಿ ಗ್ರಾಹಕರಿಂದ ಹೆಚ್ಚಿನ ಹಣ ವಸೂಲಿ ಮಾಡುತ್ತಿದ್ದ ಚಾಲಕರಿಗೆ ಕಡಿವಾಣ ಹಾಕಲು ಮುಂದಾಗಿದೆ.ಹೊಸ ದರ ಜಿ.ಎಸ್.ಟಿ. ಯನ್ನೂ ಒಳಗೊಂಡಿರಲಿದ್ದು, ಮಿನಿಮಮ್ ದರ 35-40 ರೂಪಾಯಿಗೆ ಏರಿಕೆಯಾಗುವ ಸಾಧ್ಯತೆ ಇದೆ.

ಓಲಾ, ಊಬರ್ ಕಂಪನಿಗಳಿಗೆ ನೀಡಲಾಗಿದ್ದ 15 ದಿನಗಳ ಗಡುವು ಮುಕ್ತಾಯವಾಗಿರುವ ಹಿನ್ನೆಲೆ ಸರ್ಕಾರವೇ ಹೊಸ ದರ ನಿಗದಿ ಮಾಡಲು ಮುಂದಾಗಿದೆ. ಸದ್ಯ ಸಾರಿಗೆ ಇಲಾಖೆ 2 ಕಿ.ಮೀ.ಗೆ 30 ರೂ. ನಿಗದಿಪಡಿಸಿದೆ. ಓಲಾ – ಊಬರ್ ಕಂಪನಿಗಳು ಮಿನಿಮಮ್ ದರವನ್ನು 100 ರೂ. ವಸೂಲಿ ಮಾಡುತ್ತಿದ್ದವು. ಇದೀಗ ಮುಂದಿನ ವಾರದಿಂದ ಹೊಸ ದರ ಫಿಕ್ಸ್ ಮಾಡಿ ಸರ್ಕಾರವೇ ಆದೇಶ ಹೊರಡಿಸಲಿದೆ