ಜಮ್ಮು ಮತ್ತು ಕಾಶ್ಮೀರದಲ್ಲಿ ನಿರಂತರ ಮಳೆ | ವೈಷ್ಣೋದೇವಿ ದೇಗುಲದ ತೀರ್ಥಯಾತ್ರೆ ಮುಂದೂಡಿಕೆ

ಜಮ್ಮು ಮತ್ತು ಕಾಶ್ಮೀರದಲ್ಲಿ  ನಿರಂತರ ಮಳೆಯಾಗುತ್ತಿದ್ದು,  ಪ್ರಸಿದ್ಧ   ಶ್ರೀಮಾತಾ ವೈಷ್ಣೋದೇವಿ  ದೇಗುಲದ   ತೀರ್ಥಯಾತ್ರೆಯನ್ನು  ಮುಂದೂಡಲಾಗಿದೆ. ಹಲವು ದಿನಗಳಿಂದ   ಸ್ಥಗಿತಗೊಂಡಿದ್ದ  ಈ ತೀರ್ಥಯಾತ್ರೆಯನ್ನು  ಪುನರಾರಂಭಿಸಲು ನಿರ್ಧರಿಸಲಾಗಿತ್ತು. ಆದರೆ ರಿಯಾಸಿ ಜಿಲ್ಲೆಯಲ್ಲಿ  ನಿರಂತರ ಮಳೆಯಾಗುತ್ತಿರುವುದರಿಂದ   ಈ ತೀರ್ಥಯಾತ್ರೆಯನ್ನು  ಮುಂದಿನ ಆದೇಶದ ವರೆಗೆ   ಮುಂದೂಡಲಾಗಿದೆ ಎಂದು   ಶ್ರೀ ಮಾತಾ ವೈಷ್ಣೋದೇವಿ ದೇಗುಲ ಮಂಡಳಿಯು  ತನ್ನ ಅಧಿಕೃತ  ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ  ತಿಳಿಸಿದೆ. ಯಾತ್ರಾರ್ಥಿಗಳ  ಸುರಕ್ಷತೆ ಹಾಗೂ ಭದ್ರತೆಯ ಕಾರಣದಿಂದ  ಈ ನಿರ್ಧಾರಕ್ಕೆ  ಬರಲಾಗಿದೆ. ಭಾರೀ ಮಳೆಯ ಕಾರಣದಿಂದ  ದೇಗುಲಕ್ಕೆ ಹೋಗುವ ಮಾರ್ಗಗಳಲ್ಲಿ  ಬೃಹತ್‌  ಭೂಕುಸಿತ ಉಂಟಾಗಿದ್ದರಿಂದ  ಕಳೆದ ತಿಂಗಳ  26 ರಂದು   ಗುಹಾ ದೇಗುಲದ   ಪವಿತ್ರ ತೀರ್ಥಯಾತ್ರೆಯನ್ನು   ತಾತ್ಕಾಲಿಕವಾಗಿ   ಸ್ಥಗಿತಗೊಳಿಸಲಾಯಿತು. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ..