ಹವಾಮಾನ ವರದಿ | 11-11-2024 | ರಾಜ್ಯದಾದ್ಯಂತ ಒಣ ಹವೆ | ನ.13-18 ರವರೆಗೆ ಹಿಂಗಾರು ಮಳೆ ಸಾಧ್ಯತೆ – ನಂತರ ಮತ್ತೆ ಒಣಹವೆ ನಿರೀಕ್ಷೆ |

12.11.2024ರ ಬೆಳಿಗ್ಗೆ 8 ಗಂಟೆವರೆಗಿನ ಕರ್ನಾಟಕದ ಹವಾಮಾನ ಮುನ್ಸೂಚನೆ :

ಇಂದು ರಾಜ್ಯದಾದ್ಯಂತ ಒಣ ಹವೆ ಮುಂದುವರಿಯಲಿದೆ. ಈಗಿನಂತೆ ನವೆಂಬರ್ 12ರಂದು ಬಂಗಾಳಕೊಲ್ಲಿಯ ತಿರುಗುವಿಕೆಯು ಶಿಥಿಲಗೊಂಡು ಹಿಂಗಾರು ಮಾರುತಗಳು ಚುರುಕಾಗಿ ಎಂದಿನಂತೆ ಸಾಗಿ ಬರಲಿದೆ.  ಕೋಲಾರ, ಬೆಂಗಳೂರು ಗ್ರಾಮಾಂತರ ಹಾಗೂ ನಗರ, ರಾಮನಗರ ಜಿಲ್ಲೆಗಳಲ್ಲಿ ಮಳೆ ಮತ್ತೆ ಆರಂಭವಾಗಿ, ನವೆಂಬರ್ 13ರಿಂದ ಕರಾವಳಿ ಹಾಗೂ ದಕ್ಷಿಣ ಒಳನಾಡು ಭಾಗಗಳಿಗೂ, ನವೆಂಬರ್ 14ರಿಂದ ಉತ್ತರ ಒಳನಾಡು ಭಾಗಗಳಲ್ಲಿಗೂ ಮಳೆ ವ್ಯಾಪಿಸುವ ಸಾಧ್ಯತೆಗಳಿವೆ.  ಈ ಮಳೆಯು ನವೆಂಬರ್ 18ರ ತನಕ ಮುಂದುವರಿಯುವ ಲಕ್ಷಣಗಳಿದ್ದು, 19 ಅಥವಾ ನವೆಂಬರ್ 20 ರಿಂದ ರಾಜ್ಯದಾದ್ಯಂತ ಒಣ ಹವೆ ಆವರಿಸುವ ಸಾಧ್ಯತೆಗಳಿವೆ.