ಹವಾಮಾನ ಸುದ್ದಿ | ನಾಳೆಯಿಂದ ಉತ್ತರ ಭಾರತದಲ್ಲಿ ಮಳೆ | ಹೀಟ್‌ ವೇವ್‌ ಬಳಿಕ ಮಳೆಯ ಸಿಂಚನದ ಸುದ್ದಿ |

ತೀವ್ರ ಶಾಖದ ಅಲೆಗಳ ನಂತರ, ಭಾರತದ ವಾಯುವ್ಯ ಭಾಗಗಳು ಇನ್ನು ನಿರಾಳವಾಗಲಿದೆ. ಸೋಮವಾರದಿಂದ ಉತ್ತರ ಭಾರತ ಹಾಗೂ ವಾಯುವ್ಯ ಭಾರತದಲ್ಲಿ  ಮಳೆಯ ಮುನ್ಸೂಚನೆ  ಇದೆ. ಮುಂದಿನ  ಮೂರು ದಿನ ಉತ್ತಮ ಮಳೆಯಾಗುತ್ತದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಭಾರೀ ಮಳೆಗೆ ಕೇರಳದಲ್ಲಿ ಭಾನುವಾರ ಯೆಲ್ಲೋ ಅಲರ್ಟ್ ಘೋಷಿಸಲಾಗಿತ್ತು. ಸೋಮವಾರದಿಂದ  ವಾಯುವ್ಯ ಭಾರತದಲ್ಲಿ ಮಳೆಯಾಗಲಿದೆ.  ಹವಾಮಾನ ಇಲಾಖೆ ಪ್ರಕಾರ ಜಮ್ಮು ಮತ್ತು ಕಾಶ್ಮೀರ, ಹಿಮಾಚಲ ಪ್ರದೇಶ, ಉತ್ತರಾಖಂಡ, ಪಂಜಾಬ್, ಹರಿಯಾಣ, ರಾಜಸ್ಥಾನ ಮತ್ತು ಉತ್ತರ ಪ್ರದೇಶದಲ್ಲಿ ತುಂತುರು ಮಳೆಯೊಂದಿಗೆ ಮೇ 23 ಮತ್ತು 24 ರಂದು ವಾಯುವ್ಯ ಭಾರತದಲ್ಲಿ ಉತ್ತಮ ಮಳೆ ಮುನ್ಸೂಚನೆ ನೀಡಿದೆ. ದೆಹಲಿಯಲ್ಲಿ ಮುಂದಿನ ಎರಡು ದಿನಗಳಲ್ಲಿ  ಗುಡುಗು, ಗಾಳಿ  ಸಹಿತ ಮಳೆ ನಿರೀಕ್ಷೆ ಇದೆ.