ಕೂದಲಿನ ಸಹಾಯದಿಂದ ಬಸ್ ಎಳೆದು ಗಿನ್ನಿಸ್ ದಾಖಲೆ ಮಾಡಿದ ಮಹಿಳೆ…!

ತನ್ನ ಕೂದಲಿನ ಸಹಾಯದಿಂದ 12 ಸಾವಿರ ಕೆ.ಜಿ ತೂಕವಿರುವ ಬಸ್ ಅನ್ನು ಎಳೆಯುವ ಮೂಲಕ ಗಿನ್ನಿಸ್ ದಾಖಲೆಯನ್ನು ಮಾಡಿದ್ದಾರೆ  ಪಂಜಾಬ್‌ ಮೂಲದ ಮಹಿಳೆ. ಇವರ ಹೆಸರು ಆಶಾರಾಣಿ.

ಆಶಾರಾಣಿ ಅವರು ಮಾಡಿರುವ ಸಾಧನೆಗಳ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಬಹಳಷ್ಟು ವೈರಲ್ ಆಗುತ್ತಿದೆ. 2014ರಲ್ಲಿ ಇವರು ಕಣ್ಣಿನ ರೆಪ್ಪೆಯ ಸಹಾಯದಿಂದ 15.15 ಕೆಜಿ ತೂಕ ಎತ್ತಿ ದಾಖಲೆಯನ್ನು ಮಾಡಿದ್ದಾರೆ. ಮಾತ್ರವಲ್ಲ ತಮ್ಮ ಹಲ್ಲಿನ ಮೂಲಕ ವಾಹನವನ್ನು ಕೇವಲ 22.16 ಸೆಕೆಂಡ್‌ಗಳಲ್ಲಿ 25 ಮೀಟರ್ ಎಳೆದು ಜನರನ್ನು ಆಶ್ಚರ್ಯಕೊಳ್ಳುವಂತೆ ಮಾಡಿದ್ದಾರೆ.

2019 ರಲ್ಲಿ ಕಿವಿಗಳ ಮೂಲಕ 1700 ಕೆ.ಜಿ ತೂಕದ ವ್ಯಾನ್ ಎಳೆದು ದಾಖಲೆಗಳನ್ನು ಸೃಷ್ಟಿಸಿದ್ದಾರೆ. ಇವರು ಮಾಡಿರುವ ಸಾಧನೆಗಳನ್ನು ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ಸ್ನಲ್ಲಿ ಹಂಚಿಕೊಂಡಿದ್ದಾರೆ.