ಅಡಿಕೆಯಿಂದ ಎಷ್ಟೆಲ್ಲಾ ಆರೋಗ್ಯಕ್ಕೆ ಲಾಭ ಇದೆ ಅನ್ನೋದು ಗೊತ್ತಾ..?

ಅಡಿಕೆ((Areca) ಎಷ್ಟು ಮನೆಬಳಕೆಯ ವಸ್ತುವಾಗಿದೆ ಎಂದರೆ ಅದು ಇಲ್ಲದೆ ನಮ್ಮ ಮನೆಯಲ್ಲಿ ಯಾವುದೇ ಶುಭ ಕಾರ್ಯಕ್ರಮಗಳು(Function) ನಡೆಯುವುದಿಲ್ಲ. “ಮದುವೆಯ ತಾಂಬೂಲ” ಎಲ್ಲರಿಗೂ ಚಿರಪರಿಚಿತ. ಸಂಸ್ಕೃತದಲ್ಲಿ ಅಡಿಕೆಯನ್ನು “ಪೂಗಿಫಲ” ಎಂದು ಕರೆಯಲಾಗುತ್ತದೆ. ಸಿಪ್ಪೆ ಸುಲಿಯದ ಅಡಿಕೆಯನ್ನು ಪೋಫಲ ಎಂದು ಕರೆಯಲಾಗುತ್ತದೆ. ಅಡಿಕೆ ಮತ್ತು ತೆಂಗಿನ ಮರಗಳು(Coconut tree) ಹೆಚ್ಚಾಗಿ ಹೋಲುತ್ತವೆ. ಅಡಿಕೆಯಲ್ಲಿ ಹಲವು ವಿಧಗಳಿವೆ. ಮಲೆನಾಡಿನ ಕೆಂಪು ಅಡಿಕೆ, ಗೋಮಾಂತಕ ಶ್ರೀವರ್ಧನದ ಬಿಳಿ ಅಡಿಕೆ, ಮಂಗಳೂರಿನ(Mangaluru) ಚಿಕಣಿ ಸುಪಾರಿ(Supari) ಪ್ರಸಿದ್ಧವಾದವುಗಳು.

ಊಟದ ನಂತರ ಬಾಯಿಯಿಂದ ಬರುವ ಲೋಳೆ ತರಹ ಭಾವನೆಯನ್ನು ತೆಗೆದು ಬಾಯಿಯನ್ನು ಸ್ವಚ್ಛಗೊಳಿಸಲು ಅಡಿಕೆಯನ್ನು ಎಲ್ಲಾ ಜನರು ಊಟದ ನಂತರ ಬಳಸುತ್ತಾರೆ. ಅಡಿಕೆಯನ್ನು ಆಗಿದು ತಿನ್ನುವುದರಿಂದ ಹಲ್ಲು ಮತ್ತು ವಸಡುಗಳು ಗಟ್ಟಿಯಾಗುತ್ತವೆ. ಅತಿಯಾಗಿ ಬೆವರುವ ವ್ಯಕ್ತಿಯು ಅಡಿಕೆಯನ್ನು ತಿನ್ನಬೇಕು, ವಿಶೇಷವಾಗಿ ಚಿಕಣಿ ಅಡಿಕೆಯನ್ನು ತಿನ್ನಬೇಕು. ದೇಹವು ಬಲಗೊಳ್ಳುತ್ತದೆ. ಬಾಯಿಯ ರುಚಿ ಹೆಚ್ಚಾಗುತ್ತದೆ ಮತ್ತು ಬೆವರು ಕಡಿಮೆಯಾಗುತ್ತದೆ. ಅಡಿಕೆಯು ಹುಳುಗಳನ್ನು ನಾಶಮಾಡುವ ಫಲವಾಗಿದೆ. ಇದು ಎಲ್ಲಾ ರೀತಿಯ ಹುಳುಗಳನ್ನು ಕೊಲ್ಲುತ್ತದೆ. ತಂತು ಆಕಾರದ, ಚಪ್ಪಟೆ, ಸಣ್ಣ, ದುಂಡಗಿನ ಮತ್ತು ದೊಡ್ಡ ಹುಳುಗಳನ್ನು ನಾಶ ಮಾಡುತ್ತದೆ.

ನುಣ್ಣಗೆ ಪುಡಿಮಾಡಿ ಮಕ್ಕಳಿಗೆ ಅಂದಾಜು 1 ಗ್ರಾಂ ಅಡಿಕೆಯನ್ನು ನೀರಿನೊಂದಿಗೆ ನೀಡಲಾಗುತ್ತದೆ. ಇದರಿಂದ ಹೊಟ್ಟೆಯ ಹುಳುಗಳು ಸಾಯುತ್ತವೆ. ವಾಂತಿ ಮತ್ತು ವಾಕರಿಕೆ ನಿಲ್ಲಿಸಲು ಅಡಿಕೆಯನ್ನು ಸೇವಿಸುತ್ತಾರೆ.
ಅಡಿಕೆಯ ಬೂದಿಯನ್ನು ನಿಂಬೆ ರಸದೊಂದಿಗೆ ನೆಕ್ಕಬೇಕು. ಇದರಿಂದ ವಾಂತಿ ನಿಲ್ಲುತ್ತದೆ. ಜ್ವರದಲ್ಲಿಯೂ ಅಡಿಕೆಯನ್ನು ನಿಂಬೆರಸದಲ್ಲಿ ಬೆರೆಸಿ ನೀರಿನಲ್ಲಿ ಸೇವಿಸಿ.. ಜ್ವರ ಕಡಿಮೆಯಾಗುತ್ತದೆ. ವೀಳ್ಯದೆಲೆ ಮೂತ್ರಪಿಂಡದ ಕಲ್ಲುಗಳಿಗೆ ವಿಶೇಷ ಔಷಧವಾಗಿದೆ. ಅಡಿಕೆಯ ಬೂದಿ ಮಾಡಿ ಅದನ್ನು ಬಸ್ತಿಯ ಮೇಲೆ ಲೇಪಿಸಲಾಗುತ್ತದೆ ಮತ್ತು ಹೊಟ್ಟೆಗೆ ಚಿಕಣಿ ಅಡಿಕೆಯನ್ನು ತಿಂದರೆ ಮೂತ್ರದ ಹರಳು ಹೊರಟು ಹೋಗುತ್ತದೆ.

ಅಡಿಕೆಯು ಒಗರು ಮತ್ತು ಅಮಲು ಪದಾರ್ಥ. ಅನೇಕರಿಗೆ ಇದರ ವ್ಯಸನ ಉಂಟಾಗುತ್ತದೆ. ಆದ್ದರಿಂದ ಅಡಿಕೆಯನ್ನು ಎಚ್ಚರಿಕೆಯಿಂದ ತಿನ್ನಿರಿ. ಅಡಿಕೆ ತಿಂದಾಗ ಅಮಲೇರಿದರೆ ಅಥವಾ ವಿಪರೀತ ಪರಿಣಾಮವಾದರೆ ಸ್ವಲ್ಪ ಸಕ್ಕರೆಯನ್ನು ನೀರಿಗೆ ಬೆರೆಸಿ ಕುಡಿಯಿರಿ. ಆಗ ಆರಾಮ ಅನ್ನಿಸುತ್ತದೆ. ಅಡಿಕೆ ಗಂಟಲು ಶುದ್ಧಿಕಾರಿಯಾಗಿದೆ. ಗಂಟಲಿನಲ್ಲಿ ಕಫ ಅಂಟಿಕೊಂಡಾಗ, ಸ್ವಲ್ಪ ಚಿಕಣಿ ಅಡಿಕೆಯನ್ನು ಜಗಿಯುವುದರಿಂದ ಗಂಟಲು ಆರಾಮವಾಗುತ್ತದೆ.

ವೀಳ್ಯದೆಲೆಯ ಸಾಮಯಿಕ (ಬಾಹ್ಯ) ಉಪಯೋಗಗಳು: ಅರ್ಧ ಶತ್ತಲೆ ಶೂಲೆಯಾದಾಗ ಅರ್ಧ ಅಡಿಕೆಯನ್ನು ತೇಯ್ದು ನೋವಿರುವ ಜಾಗದಲ್ಲಿ ಲೇಪವನ್ನು ಹಚ್ಚಬೇಕು. ಇದರಿಂದ ಅರ್ಧ ತಲೆ ಶೂಲೆ ನಿಲ್ಲುತ್ತದೆ. ಗಜಕರ್ಣ ಹುಳುಕಡ್ಡಿಗೆ ಚಿಕಣಿ ಅಡಿಕೆಯನ್ನು ನೀರಿನಲ್ಲಿ ರಾತ್ರಿ ನೆನೆಸಿಡಿ. ಮರುದಿನ ಬೆಳಿಗ್ಗೆ ಹಳಸಿದ ನೀರನ್ನು ಗಜಕರ್ಣ ಹುಳುಕಡ್ಡಿ ಇರುವ ಜಾಗದಲ್ಲಿ ಹಚ್ಚಿ. ಇದರಿಂದ ಈ ಶಿಲೀಂದ್ರ ಸಮಸ್ಯೆ ನಿವಾರಣೆಯಾಗುತ್ತದೆ. ಚಿಕ್ಕ ಮಕ್ಕಳಿಗೆ ಹುಣಸೆ ಬೀಜ, ಅಡಿಕೆ ಮತ್ತು ಗುಗ್ಗುಳವನ್ನು ನೀರಿನಲ್ಲಿ ತೇಯ್ದು ಗಟ್ಟಿಯಾಗುವವರೆಗೆ ಬಿಸಿ ಮಾಡಿ ಕೆನ್ನೆಗೆ ಲೇಪಿಸಬೇಕು. ದಿನಕ್ಕೆ ಎರಡು ಅಥವಾ ಮೂರು ಬಾರಿ ಹೀಗೆ ಮಾಡುವುದರಿಂದ ಮಂಪ್ಸ್ (ಮಂಗನಬಾವು) ಗುಣವಾಗುತ್ತದೆ. ಭಾರತೀಯ ಸಂಸ್ಕೃತಿಯಲ್ಲಿ ಅಡಿಕೆಯು ಸಾಮಾಜಿಕ ಸಂಬಂಧಗಳನ್ನು ವೃದ್ಧಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ.

ಸುನೀತಾ ಸಹಸ್ರಬುದ್ಧೆ, ಆಯುರ್ವೇದ ವೈದ್ಯರು ನಿರಾಮಯ್ ಆಯುರ್ವೇದ ಮತ್ತು ಹೋಮಿಯೋಪತಿಯ ಪ್ರಚಾರ. ಕನ್ನಡಕ್ಕೆ ಅನುವಾದ ಮತ್ತು ಸಂಪಾದನೆ : ಡಾ. ಕುಲಕರ್ಣಿ ಪಿ. ಎ.