ಕಲುಷಿತ ಗಾಳಿಯ ಗುಣಮಟ್ಟದಿಂದ ಯಾವೆಲ್ಲಾ ಆರೋಗ್ಯದ ಸಮಸ್ಯೆ ಕಾಣಬಹುದು ಗೊತ್ತಾ?

ನಗರಗಳು ಹೆಚ್ಚು ಕೈಗಾರಿಕೀಕರಣಗೊಳ್ಳುತ್ತಿದ್ದಂತೆ ಮತ್ತು ನಗರೀಕರಣಗೊಡಂತೆ, ನಮ್ಮ ಶ್ವಾಸಕೋಶದ ಆರೋಗ್ಯವನ್ನು ಸುಧಾರಿಸಲು ಅಗತ್ಯವಾದ ಮುಂಜಾಗ್ರತೆ ಅಗತ್ಯ ಇದೆ.   ವಾಯುಮಾಲಿನ್ಯ ಮತ್ತು ಉಸಿರಾಟದ ಆರೋಗ್ಯದ ನಡುವಿನ ಸಂಪರ್ಕವನ್ನು ಈಗ ಅರ್ಥಮಾಡಿಕೊಳ್ಳುವುದು ಮುಖ್ಯ. ಹಳ್ಳಿಗಳಲ್ಲೂ ಈಗ ವಾಯುಮಾಲಿನ್ಯ ಹೆಚ್ಚಾಗಿರುವುರಿಂದ ಆರೋಗ್ಯ ಸಮಸ್ಯೆಗಳು ಸಹ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ. ವಿಶೇಷವಾಗಿ ಮಕ್ಕಳು, ವೃದ್ಧರು ಮತ್ತು ಅಸ್ತಮಾ ರೋಗಿಗಳು ಅಥವಾ ದೀರ್ಘಾಕಾಲದ ಪ್ರತಿರೋಧಕ ಶ್ವಾಸಕೋಶದ ಕಾಯಿಲೆಯಂತಹ ಮೊದಲೇ ಇರುವ ಪರಿಸ್ಥಿತಿಗಳನ್ನು ಹೊಂದಿರುವವರು ಹೆಚ್ಚಿನ ಕಾಳಜಿಯನ್ನು ವಹಿಸಿಕೊಳ್ಳಬೇಕು.

• ಉಸಿರಾಟದ ಸೋಂಕುಗಳ ಅಪಾಯ: ಕಲುಷಿತ ಗಾಳಿಯಿಂದ ಉಸಿರಾಟದ ವ್ಯವಸ್ಥೆಯಲ್ಲಿ ನೈಸರ್ಗಿಕ ರಕ್ಷಣೆಯನ್ನು ದುರ್ಬಲಗೊಳಿಸಬಹುದು. ಇದರಿಂದಾಗಿ ಬ್ರಾಂಕೈಟಿಸ್, ನ್ಯುಮೋನಿಯಾ ಮತ್ತು ಇನ್ಫ್ಲೂಯೆನ್ಸದಂತಹ ಸೋಂಕುಗಳಿಗೆ ಹೆಚ್ಚು ಒಳಗಾಗುತ್ತಾರೆ.
• ಶ್ವಾಸಕೋಶದ ಅಂಗಾಂಶಗಳಿಗೆ ಹಾನಿ : ಕಲುಷಿತ ಗಾಳಿಯಿಂದ ಬ್ರಾಂಕೈಟಿಸ್ ಮತ್ತು ಎಂಫಿಸೆಮಾದಂತಹ ದೀರ್ಘಕಾಲದ ಉಸಿರಾಟದ ಕಾಯಿಲೆಗಳ ಬೆಳವಣಿಗೆಗೆ ಕಾರಣವಾಗಬಹುದು. ಹಾನಿಕಾರಕ ಕಣಗಳು ಮತ್ತು ರಾಸಾಯನಿಕಗಳನ್ನು ನಿರಂತರವಾಗಿ ಉಸಿರಾಡುವುದರಿಂದ ವಾಯುಮಾಲಿನ್ಯ ಮತ್ತು ಶ್ವಾಸಕೋಶದ ಅಂಗಾಂಶಗಳಿಗೆ ಹಾನಿಯಾಗುತ್ತದೆ.
• ವಾಯುಮಾರ್ಗಗಳ ಕಿರಿಕಿರಿ: P̧M 0̧3 N0̧2 S02 ನಂತಹ ಮಾಲಿನ್ಯಕಾರಕಗಳು ಉಸಿರಾಟದ ಪ್ರದೇಶವನ್ನು ಕೆರಳಿಸಬಹುದು, ಇದು ಕೆಮ್ಮು ಗಂಟಲಿನ ಕಿರಿಕಿರಿ ಮತ್ತು ಉಸಿರಾಟದ ತೊಂದರೆಯಂತಹ ಲಕ್ಷಣಗಳಿಗೆ ಕಾರಣವಾಗುತ್ತದೆ.
• ಆಸ್ತಮಾ: ಅಸ್ತಮಾ ಇರುವವರಿಗೆ ಶ್ವಾಸಕೋಶದ ಕಾಯಿಲೆಗಳಿರುವ ಜನರು ವಾಯುಮಾಲಿನ್ಯಕ್ಕೆ ಹೆಚ್ಚು ಸಂವೇದನಾಶೀಲರಾಗಿರುತ್ತಾರೆ. ಓಝೋನ್ ಮತ್ತು ಕಣಕಣಗಳಂತಹ ಮಾಲಿನ್ಯ ಕಾರಕಗಳು ಆಸ್ತಮಾ ದಾಳಿಯನ್ನು ಪ್ರಚೋದಿಸಬಹುದು.
• ಅಲರ್ಜಿಗಳ ಉಲ್ಬಣ: ಕಲುಷಿತ ಗಾಳಿಯಿಂದ ವಿಶೇಷವಾಗಿ ಓಝೋನ್ ಅಥವಾ ಡೀಸೆಲ್ ಎಕ್ಸಾಸ್ಟ್ ನಂತಹ ಮಾಲಿನ್ಯಕಾರಕಗಳೊಂದಿಗೆ ಬೆರೆಸಿದ ಪರಾಗದಿಂದ ಅಲರ್ಜಿಯ ಪ್ರತಿಕ್ರಿಯೆಗಳನ್ನು ಹೆಚ್ಚು ಮಾಡಬಹುದು.

ಇದಕ್ಕಾಗಿ ಪರಿಸರದಲ್ಲಿ ವಾಯು ಮಾಲಿನ್ಯವನ್ನು ಕಡಿಮೆ ಮಾಡುವ ಮೂಲಕ ಸಮುದಾಯದ ಆರೋಗ್ಯದ ಕಡೆಗೂ ಗಮನಹರಿಸಬೇಕಿದೆ.