ಮುಂಗಾರು ಮಳೆಯ(Monsoon Season) ಆಗಮನವಾಗಿದೆ. ಕೃಷಿ ಚಟುವಟಿಕೆಗಳನ್ನು(Agriculture Activities) ಆರಂಭ ಮಾಡಲು ಸರಿಯಾದ ಸಮಯ. ತಜ್ಞರ ಪ್ರಕಾರ, ಖಾರಿಫ್ ಬೆಳೆಗಳನ್ನು(Kharif crop) ಬಿತ್ತನೆ ಮಾಡಲು ಈ ತಿಂಗಳು ತುಂಬಾ ಒಳ್ಳೆಯದು. ಇದರೊಂದಿಗೆ ಈ ಮಳೆಗಾಲದ ಸೀಸನ್ನಲ್ಲಿ(Rainy Season) ಬೆಳೆಯುವ ಕೆಲವೊಂದು ತರಕಾರಿಗಳೂ ಇವೆ. ಮಳೆಗಾಲದಲ್ಲಿ ತರಕಾರಿ ಬೆಳೆಯನ್ನು(Vegetable Farming) ಬೆಳೆದರೆ, ರಾಸಾಯನಿಕ ರಹಿತ ತರಕಾರಿಯ ಮೂಲಕ ತರಕಾರಿ ಸವಿ ಸವಿದು, ಆ ಬಳಿಕ ಆದಾಯ(income) ಗಳಿಸುವುದು ಖಂಡಿತಾ. ಹೀಗಾಗಿ ಮಳೆಗಾಲದಲ್ಲಿ ಬೆಳೆಯುವಂತಹ ಕೆಲವೊಂದು ಬೆಳೆಗಳ ಕುರಿತು ಒಂದಷ್ಟು ಮಾಹಿತಿ ಇಲ್ಲಿದೆ.
ಸಾಮಾನ್ಯವಾಗಿ ಅನೇಕ ರೈತರು ಯಾವ ಸಮಯದಲ್ಲಿ ಯಾವ ಬೆಳೆಗಳನ್ನು ಬೆಳೆಯಬೇಕು ಎಂಬುದರ ಅರಿವು ಇಲ್ಲದೇ ಯಾವ್ಯಾವ ಸೀಸನ್ನಲ್ಲಿ ಬೆಳೆಯಲಾರದ ಬೆಳೆಗಳನ್ನು ಬಿತ್ತನೆ ಮಾಡಿ ನಷ್ಟ ಅನುಭವಿಸುತ್ತಾರೆ. ಚಳಿಗಾಲ, ಮಳೆಗಾಲ, ಬೇಸಿಗೆಕಾಲ ಹೀಗೆ ಒಂದೊಂದು ಸೀಸನ್ನಲ್ಲಿ ಆ ಸೀಸನ್ನಲ್ಲಿ ಬೆಳೆಯುವ ಬೆಳೆಗಳನ್ನು ಬೆಳೆದರೆ ಮಾತ್ರ ಲಾಭ ಗಳಿಸಲು ಸಾಧ್ಯ. ಹೀಗಾಗಿ ಇಂದು ಕಡಿಮೆ ಸಮಯದಲ್ಲಿ ದೊಡ್ಡದಾಗಿ ಬೆಳೆದು ರೈತರಿಗೆ ಹೆಚ್ಚು ಲಾಭ ಕೊಡುವ ಬೆಳೆಗಳ ಬಗ್ಗೆ ತಿಳಿದುಕೊಳ್ಳೋಣ.
ಮಳೆಗಾಲದಲ್ಲಿ ಯಾವುದೇ ಬೆಳೆಗಳಿಗೆ ನೀರುಣಿಸುವ ಅಗತ್ಯ ಕಂಡು ಬರುವುದಿಲ್ಲ. ಹೀಗಾಗಿ ಈ ಹಂಗಾಮಿನಲ್ಲಿ ರೈತರು ಮೆಣಸಿನಕಾಯಿ ಮತ್ತು ಕೊತ್ತಂಬರಿ ಬೆಳೆಯಬಹುದು. ಈ ಬೆಳೆಗಳು ಮಾನ್ಸೂನ್ ಸಮಯದಲ್ಲಿ ಬಹಳ ವೇಗವಾಗಿ ಬೆಳೆಯುತ್ತವೆ. ಇದಲ್ಲದೆ, ಅವರಿಗೆ ಹೆಚ್ಚಿನ ನಿರ್ವಹಣೆಯ ಅಗತ್ಯವಿಲ್ಲ. ಈ ಎರಡೂ ಬೆಳೆಗಳಿಗೆ ಮರಳು ಮಿಶ್ರಿತ ಲೋಮ್ ಅಥವಾ ಕೆಂಪು ಮಣ್ಣು ಬೇಕಾಗುತ್ತದೆ.
ಇನ್ನು, ರೈತರು ಮಳೆಗಾಲದಲ್ಲಿ ಸೌತೆಕಾಯಿ ಮತ್ತು ಮೂಲಂಗಿ ಬೆಳೆಯುವ ಮೂಲಕ ಉತ್ತಮ ಲಾಭ ಗಳಿಸಬಹುದು. ಈ ಎರಡು ಬೆಳೆಗಳನ್ನು ಬಿತ್ತಲು ಹೆಚ್ಚು ಸ್ಥಳಾವಕಾಶದ ಅಗತ್ಯ ಬೇಕಾಗಿಲ್ಲ. ಎರಡೂ ಬೆಳೆಗಳು ಕೇವಲ ಮೂರ್ನಾಲ್ಕು ವಾರಗಳಲ್ಲಿ ತಯಾರಾಗಿ ರೈತರಿಗೆ ಉತ್ತಮ ಇಳುವರಿಯ ಜೊತೆಗೆ ಕೈ ತುಂಬಾ ಲಾಭವನ್ನೂ ಸಹ ನೀಡುತ್ತವೆ.
ಬದನೆ ಮತ್ತು ಟೊಮೆಟೊವನ್ನು ವರ್ಷದ ಯಾವುದೇ ಋತುವಿನಲ್ಲಿ ಬೆಳೆಯಬಹುದು. ಚಳಿಗಾಲದಲ್ಲಿಯೂ ಅವುಗಳನ್ನು ಬೆಳೆಸಬಹುದು. ಮಳೆಗಾಲದಲ್ಲೂ ಅವುಗಳನ್ನು ಬಿತ್ತಿದರೆ ಬಂಪರ್ ಉತ್ಪಾದನೆ ಸಾಧ್ಯ. ಹೇಳಿ ಕೇಳಿ ಕಳೆದ ಒಂದು ವಾರದಿಂದ ಟೊಮೆಟೋ ಬೆಲೆ ನೂರರ ಗಡಿ ದಾಟಿದೆ. ಇಂತಹ ಸಮಯದಲ್ಲಿ ಟೊಮೆಟೋ ಬೆಳೆದರೆ ನೀವು ಕೈತುಂಬಾ ಆದಾಯ ಗಳಿಸಬಹುದು.
ಜುಲೈ ಮತ್ತು ಆಗಸ್ಟ್ ತಿಂಗಳುಗಳು ಬೀನ್ಸ್ ಕೃಷಿಗೆ ಉತ್ತಮ ಸಮಯವಾಗಿದೆ. ಈ ಎರಡೂ ಗಿಡಗಳು ಬಳ್ಳಿಗಳು, ಆದ್ದರಿಂದ ಅವುಗಳನ್ನು ಮರ ಅಥವಾ ಗೋಡೆಯ ಬೆಂಬಲದೊಂದಿಗೆ ನೆಡಬೇಕು. ಮಳೆಗಾಲದಲ್ಲಿ ಅವುಗಳ ಹಣ್ಣುಗಳು ಚೆನ್ನಾಗಿ ಬೆಳೆಯುತ್ತವೆ. ಇವುಗಳಲ್ಲದೆ, ಪಾಲಕ್ ಮತ್ತು ಸೋರೆಕಾಯಿ ಇಂತಹ ತರಕಾರಿಗಳಾಗಿದ್ದು, ಮಳೆಗಾಲದಲ್ಲಿ ಸುಲಭವಾಗಿ ಮತ್ತು ಕಡಿಮೆ ವೆಚ್ಚದಲ್ಲಿ ಕೃಷಿ ಮಾಡಬಹುದು. ಎರಡು ಬೆಳೆಗಳಿಗೂ ಲೋಮಿ ಮಣ್ಣು ಸೂಕ್ತವಾಗಿದೆ.
ಇನ್ನು ನೀವು ಮಳೆಗಾಲದಲ್ಲಿ ತೊಂಡೆಕಾಯಿ ಕೃಷಿ ಮಾಡಿ ಕೈ ತುಂಬಾ ಆದಾಯ ಗಳಿಸಬಹುದು. ಅಂದಹಾಗೆ ತೊಂಡೆಕಾಯಿ ಯಾವುದೇ ಸೀಸನ್ನಲ್ಲಿಯೂ ಬೆಳೆಯುತ್ತದೆ. ಕಮ್ಮಿ ನೀರಾವರಿ ಮತ್ತು ಸ್ವಲ್ಪ ನಿರ್ವಹಣೆಯ ಅಗತ್ಯವಿದೆ. ಮಳೆಗಾಲದಲ್ಲಿ ನೀರಿನ ಅಗತ್ಯವಿಲ್ಲ. ತೊಂಡೆಕಾಯಿ ಗಿಡವನ್ನು ಚೆನ್ನಾಗಿ ನೋಡಿಕೊಂಡರೆ ಎರಡ್ಮೂರು ವರ್ಷಗಳ ಕಾಲ ನಿರಂತರ ಆದಾಯ ಗಳಿಸುತ್ತಿರಬಹುದು. ತೊಂಡೆಕಾಯಿಗೆ ರೇಟ್ ಏನು ಕಡಿಮೆ ಇದೆ ಅಂದ್ಕೊಂಡ್ರಾ.!
ಆದರೆ ನೀವು ಈ ವಿಷಯಗಳಿಗೆ ವಿಶೇಷ ಗಮನ ಕೊಡಬೇಕು.
ಈ ಅಂಶಗಳನ್ನು ತಪ್ಪದೇ ಫಾಲೋ ಮಾಡಬೇಕು.
ಪಕ್ಷಿ ಸಂಕುಲಗಳ ಉಳಿವಿಗೆ ಸಸ್ಯರಾಶಿಗಳ ಮಹತ್ವ ಜಾಗೃತಿ ಕಾರ್ಯಾಗಾರವನ್ನು ಕಳೆದ ಹಲವಾರು ಸಮಯಗಳಿಂದ…
"ಪ್ರಕೃತಿಯು ಮಾನವನ ಅಧೀನ, ಮಾನವನೇ ಅದರ ಯಜಮಾನ” ಎಂಬ ಮನೋಧರ್ಮವು ಇಂದು ರೂಪುಗೊಂಡಿದೆ.…
ಈಗಿನಂತೆ ಒಳನಾಡು ಭಾಗಗಳಲ್ಲಿ ಮಳೆಯ ಸಾಧ್ಯತೆ ಎರಡು ದಿನಗಳ ಕಾಲ ಮುಂದಕ್ಕೆ ಹೋಗಿ…
ಗಂಗೂಬಾಯಿ ಹಾನಗಲ್ ಸಂಗೀತ ವಿಶ್ವವಿದ್ಯಾಲಯ ವತಿಯಿಂದ ಪರೀಕ್ಷೆ ನಡೆಸಲಾಗದೇ ಇರುವುದರಿಂದ ವಿದ್ಯಾರ್ಥಿಗಳಿಗೆ ಸಮಸ್ಯೆಯಾಗುತ್ತಿದೆ…
ನಮ್ಮ ಭಾರತೀಯ ಬಾಹ್ಯಾಕಾಶ ಸಂಸ್ಥೆ(ISRO) ಚಂದ್ರಯಾನ -2ರ(Chandrayana-2) ಯಶಸ್ಸಿನ ನಂತರ ದೇಶದ ಮೊದಲ…
ಮುಜಂಟಿ ಜೇನನ್ನು(stingless bee) ಮಿಸಿರಿ ಜೇನು, ಮಸರು ಜೇನು, ರಾಳ ಜೇನು, ಮೂಲಿ…