ಗೋಲ್ಡ್ ಲೋನ್ ಮಾಡುವ ಮುನ್ನ ಈ ನಿಯಮ ತಿಳಿದುಕೊಳ್ಳಿ

ಭಾರತೀಯ ರಿಸರ್ವ್ ಬ್ಯಾಕ್ ದೇಶಾದ್ಯಂತ ಚಿನ್ನ ಸಾಲ ನಿಯಮಗಳನ್ನು ಸಂಪೂರ್ಣವಾಗಿ ಪ್ರಮಾಣೀಕರಿಸುವ ಪ್ರಮುಖ ಆದೇಶವನ್ನು ಹೊರಡಿಸಿದೆ. ಈ ಹಿಂದೆ, ಬ್ಯಾಂಕುಗಳು ಮತ್ತು ಬ್ಯಾಂಕೇತರ ಹಣಕಾಸು ಕಂಪೆನಿಗಳ (NBFC) ನಡುವೆ ಚಿನ್ನದ ಸಾಲದ ನಿಯಮಗಳು ಭಿನ್ನವಾಗಿದ್ದವು. ಇದು ಹೆಚ್ಚಾಗಿ ಗ್ರಾಹಕರಲ್ಲಿ ಗೊಂದಲವನ್ನು ಉಂಟುಮಾಡುತ್ತಿತ್ತು. ಈ ಸಮಸ್ಯೆಯನ್ನು ಪರಿಹರಸಲು, ಆರ್ ಬಿಐ “ ಚಿನ್ನದ ಸಾಲಗಳ ಮೇಲಿನ ಮಾಸ್ಟರ್ ನಿರ್ದೇಶನ, “ ಎಂಬ ಸಮಗ್ರ ಮಾರ್ಗಸೂಚಿಯನ್ನು ಜಾರಿಗೆ ತರಲು ಆರ್ ಬಿ ಐ ಸಂಸ್ಥೆಗಳಿಗೆ ಎಪ್ರಿಲ್ 1,2026ರ ವರೆಗೆ ಸಮಯ ನೀಡಿದೆ. ಈ ನಿರ್ದೇಶನ ಅಡಿಯಲ್ಲಿ ಎಲ್ಲಾ ಬ್ಯಾಂಕುಗಳು ಮತ್ತು ಎನ್ ಬಿಎಪ್ ಸಿ ಗಳು ಒಂದೇ ರೀತಿಯ ನಿಯಮಗಳನ್ನು ಪಾಲಿಸಬೇಕು.

• ರೂ 2.5  ಲಕ್ಷದವರೆಗೆ ಸಾಲಗಳಿಗೆ ಆದಾಯ ಪುರಾವೆ ಇಲ್ಲ: ಚಿನ್ನ ದ ಸಾಲಗಳನ್ನು ಹೆಚ್ಚು ಸುಲಭವಾಗಿ ಪಡೆಯಲು, ಆರ್ ಬಿಐ ಸಣ್ಣ ಸಾಲಗಳಿಗೆ ದಾಖಲೆಗಳ ಅವಶ್ಯಕತೆಗಳನ್ನು ಸಡಿಲಿಸಿದೆ.
• ಚಿನ್ನವನ್ನು ಸಮಯಕ್ಕೆ ಸರಿಯಾಗಿ ಹಿಂತಿರುಗಿಸದಿದ್ದರೆ ದಂಡ: ಸಾಲವನ್ನು ಸಂಪೂರ್ಣವಾಗಿ ಮರುಪಾವತಿಸಿದ 7 ಕೆಲಸದ ದಿನಗಳಲ್ಲಿ ಬ್ಯಾಂಕುಗಳು ಅಡವಿಟ್ಟ ಚಿನ್ನವನ್ನು ಹಿಂದಿರುಗಿಸಬೇಕು. ಇಲ್ಲವಾದಲ್ಲಿ ಬ್ಯಾಂಕ್ ನಿಮಗೆ ಪ್ರತಿದಿನ ₹5,000 ದಂಡ (Penalty) ನೀಡಬೇಕಾಗುತ್ತದೆ.
• ಪಾರದರ್ಶಕ ಚಿನ್ನದ ತೂಕ ಮತ್ತು ಶುದ್ಧತೆಯ ಪರಿಶೀಲನೆ: ಚಿನ್ನದ ಶುದ್ಧತೆ ಮತ್ತು ತೂಕವನ್ನು ಗ್ರಾಹಕರ ಮುಂದೆಯೇ ಪರಿಶೀಲಿಸಬೇಕು. ನಿವ್ವಳ ಚಿನ್ನದ ತೂಕವನ್ನು ಮಾತ್ರ ಪರಿಗಣಿಸಲಾಗುತ್ತದೆ. ಕಲ್ಲುಗಳು, ಮುತ್ತುಗಳು ಅಥವಾ ವಜ್ರಗಳನ್ನು ಎಣಿಸಲಾಗುವುದಿಲ್ಲ.
• ಬುಲೆಟ್ ಮರುಪಾವತಿ ಸಾಲಗಳಲ್ಲಿನ ಬದಲಾವಣೆಗಳು: ಈ ಸಾಲಿನಲ್ಲಿ ಚಿನ್ನದ ಸಾಲಗಳು ಗರಿಷ್ಠ12 ತಿಂಗಳ ಅವಧಿಯನ್ನು ಹೊಂದಿರಬಹುದು. ಸಾಲದ ಅವಧಿಯ ಕೊನೆಯಲ್ಲಿ ಅಸಲು ಮತ್ತು ಬಡ್ಡಿ ಎರಡನ್ನೂ ಪಾವತಿಸಬೇಕು.
• ಬ್ಯಾಂಕುಗಳು ಮತ್ತು NBFC ಗಳಿಗೆ ಏಕರೂಪದ ನಿಯಮಗಳು: ಎಲ್ಲಾ ಬ್ಯಾಂಕುಗಳು ಮತ್ತು NBFC ಗಳಿಗೆ ಒಂದೇ ರೀತಿಯ ಚಿನ್ನದ ಸಾಲ ನಿಯಮಗಳು ಅನ್ವಯಿಸುತ್ತದೆ. ಬಡ್ಡಿ ಲೆಕ್ಕಾಚಾರ, ಮೌಲ್ಯಮಾಪನ ವಿಧಾನಗಳು ಮತ್ತು ಗ್ರಾಹಕರ ಹಕ್ಕುಗಳನ್ನು ಪ್ರಮಾಣೀಕರಿಸಲಾಗುತ್ತದೆ.
• ಸಣ್ಣ ಸಾಲಗಾರರಿಗೆ ಹೆಚ್ಚಿ ನ ಸಾಲದ ಮೊತ್ತ: ಸಾಲಗಾರರು ಚಿನ್ನದ ಮೌಲ್ಯದ 5% ವರೆಗೆ ಮಾತ್ರ ಪಡೆಯಬಹುದಿತ್ತು. ಈಗ ಸಣ್ಣ ಸಾಲಗಾರರು ಅದೇ ಪ್ರಮಾಣದ ಚಿನ್ನಕ್ಕೆ ಹೆಚ್ಚಿನ ಹಣವನ್ನು ಪಡೆಯಬಹುದು, ಇದು ಕಡಿಮೆ ಆದಾಯದ ಮತ್ತು ಮಧ್ಯಮ ವರ್ಗದ ಕುಟುಂಬಗಳಿಗೆ ಪ್ರಮುಖ ಪರಿಹಾರವಾಗಿದೆ.